Kontsultatu Euskadiko 2027ko jaiegun guztiak. Planifikatu zure oporrak 2027ko lan-egutegi honekin, eta jakin ezazu noiz den jai 2027an Bizkaian, Gipuzkoan eta Araban eta noiz diren herri bakoitzeko jaiegunak.
Euskadiko 2027ko jaiegunen egutegia
Eusko Jaurlaritzak Euskadiko 2027ko jaiegunak argitaratu ditu. EAEn ditugun 14 jaiegunetatik 12 finkatzen ditu Euskadiko 2027ko lan-egutegiak. Gainerako bi egunak udalek eta aldundiek finkatzen dituzte (aurreraxeago kontsultatu ditzakezu).
Oraingo honetan, martxoaren 19ko jaieguna (San Jose eguna) urriaren 7ra aldatuko da, Euskadiko lehenengo Jaurlaritza eratu zeneko 90. urteurrena ospatuko baita egun horretan.
Hauek dira Euskadiko 2027ko jaiegunak:
- Urtarrilaren 1a (ostirala) - Urteberri eguna
- Urtarrilaren 6a (asteazkena) - Errege eguna
- Martxoaren 25a (osteguna) – Ostegun Santua
- Martxoaren 26a (ostirala) - Ostiral Santua
- Martxoaren 29a (astelehena) – Pazko Astelehena
- Maiatzaren 1a (larunbata) - Langileen Nazioarteko Eguna
- Urriaren 7a (osteguna) - Euskadiko lehenengo Jaurlaritzaren urteurrena
- Urriaren 12a, asteartea
- Azaroaren 1a (astelehena) - Domu Santu eguna
- Abenduaren 6a (astelehena) - Konstituzioaren eguna
- Abenduaren 8a (asteazkena) - Sortzez Garbiaren eguna
- Abenduaren 25a (larunbata) - Eguberri eguna
Euskadiko 2027ko zubiak
Jaiegun horiei esker, zenbait zubi eta asteburu luze osatzen dira, eta ikaragarri gustatzen zaizkigu.
Kontsultatu hemen Euskadiko 2027ko zubiak, eta hasi planak egiten:
- 2027ko urtarrileko zubia Euskadin: urtarrilaren 1a ostirala da eta urtarrilaren 6a asteazkena. Astelehena (urtarrilak 4) eta asteartea (urtarrilak 5) libre hartuz gero, zubi eder batekin has dezakezu urtea.
- 2027ko Aste Santuko zubia Euskadin: jaiegunak martxoaren 25a (osteguna), 26a (ostirala) eta 29a (astelehena) izanik , atseden-egun ugari izango dituzu, besteak beste, Balmasedako Aste Santua, Bilboko Aste Santua edo Donostiako Aste Santua ezagutzeko. Egunen bat gehiago hartzeko aukera baduzu, zubi luze bat osatu ahal izango duzu.
- 2027ko urriko zubia Euskadin: 2027an, jaiegunak dira urriaren 7a (osteguna) eta urriaren 12a (asteartea). Ostirala (urriak 8) eta astelehena (urriak 11) libre hartuz gero, zubi luze-luze bat izango duzu.
- 2027ko abenduko zubia Euskadin: abenduaren 6a igandea da eta 8a asteazkena; hortaz, asteartea (urriak 7)= libre hartuz gero, horra beste zubi eder bat.
2027ko uztailaren 25a igandea izango da eta abuztuaren 15a ere bai; beraz, udan ez da zubirik izango Euskadin.
2027ko Euskadiko tokiko jaiak: Bizkaian, Gipuzkoan eta Araban
Euskadi osoan 2027an jai izango diren eta azaldu berri ditugun jai horietaz gain, udalek eta foru-aldundiek aukeratutako beste bi jaiegun izaten ditu herri bakoitzak.
Oraindik ez dakigu zer egun izango diren jai 2027an Bizkaiko, Gipuzkoako eta Arabako herri guztietan: Iragarri bezain laster jakinaraziko dizkizugu hemen.
Jai asko dago udan Euskadin; beraz, eduki eskura Euskadiko 2027ko jai-egutegia oporrak antolatzean.
Eta izan kontuan Euskadiko 2026 -2027 ikasturteko egutegia.