Planifikatu asteburua, lagunekin edo familiarekin era guztietako ekintzez gozatzeko: kontzertuak, antzerkia, jaialdiak, erakusketak, festa gastronomikoak eta beste gauza asko. Hilero, kontsultatu Euskadin egiten diren jarduera eta ekitaldien agenda.

Hona hemen maiatzerako zenbait plan atsegin.

Musika, kontzertuak eta jaialdiak Euskadin

agenda mayo euskadi musica the soulbreaker
Irudia: The Soulbreaker Company

Maiatzak 3: Ravage Fest

Zortzi orduko kontzertua musika elektronikoko talderik onenekin. “Ravage Fest” maiatzaren 3an (ostirala) izango da, Barakaldon, BECeko Bizkaia Arena pabilioian.

Maiatzak 3: Lapili

Afro edo karibetar musika? Reggaetona edo afrobeata? Zaila da Lapiliren estiloa definitzea; talent show batean arrakasta izan ondoren, mundu osoan atzera eta aurrera dabil bere musika ezagutarazten. Donostiako Dabadaba aretoan, maiatzaren 3an, ostirala.

Maiatzak 3: The Soulbreaker Company

ren rock psikodeliko garaikidea Gasteizko Jimmy Jazz aretora iritsiko da maiatzaren 3an, taldearen "20. urteurreneko bira"n.

Maiatzak 4: Travellin' Brothers

Baxua, gitarra, bateria, pianoa, saxoa, ahotsa eta bi korista. Hori dira Travellin' Brothers. Entzun zuzenean maiatzaren 4an Bilboko Kafe Antzokian.

Maiatzak 4: Ketekalles

Rumba, funka, hip-hopa, rocka, popa eta erritmo latinoak estilo bereziaz uztartzen ditu Ketekallesek. Kontzertu bat emango dute Gasteizko Jimmy Jazz Gasteiz aretoan maiatzaren 4an.

Maiatzak 4: Marc Seguí

Marc Seguík rockera egin du jauzi "AAAAAA" lan berriarekin. Bilboko Stage Live aretoan arituko da, maiatzaren 4an, larunbata.

Maiatzak 4: Adventus

Manuel Ramil teklista eta konpositorea buru duen heavy metal taldea biran dabil estudioko bere hirugarren "Lo Que Trajo El Viento" diskoarekin. Maiatzaren 4an, larunbata, Gasteizko Urban Concept aretoan izango dira.

Maiatzak 4: Charlie USG

"Me da igual", "Lo que nunca te dije" eta beste zenbait kantari esker, Charlie USGk badu lekurik egungo pop-unibertsoan. Maiatzaren 4an, larunbata, Bilboko Santana aretoan joko du.

Maiatzak 10 eta 11: Zetak

Zetak, Pello Reparazek sortutako euskarazko musika elektronikoko taldea, Bilboko Santana aretoko agertokira igoko da maiatzaren 10ean eta 11n.

Maiatzak 11: The Answer

The Answer Ipar Irlandako blues-rockeko taldeak "Sundowners" lan berria aurkeztuko du Bilboko Stage Liven, maiatzaren 11n (larunbata).

Maiatzak 11: Estopa

Muñoz anaien "25. urteurreneko bira" Barakaldora iritsiko da, BECeko Bizkaia Arena pabilioian izango da maiatzaren 11n (larunbata).

Maiatzak 11 eta 18: Doctor Deseo

Doctor Deseo Bilboko taldeak Donostiara eramango du "En el brillo de tus ojitos” bira; maiatzaren 11n, larunbata, Intxaurrondo Kultur Etxean joko dute. Eta Bilbon izango dira maiatzaren 18an, larunbata, Santana aretoan.

agenda mayo euskadi musica enaut elorrieta
Irudia: Eñaut Elorrieta

Maiatzak 12: Eñaut Elorrieta

Abesti soilak, lasaiak eta oso ederrak bildu ditu Eñaut Elorrietak "Fantasia" azken lanean. Zuzenean Donostiako Victoria Eugenia antzokian, maiatzaren 12an (igandea).

Maiatzak 15: Angus & Julia Stone

Europan zazpi urtez emanaldirik eman gabe egon ondoren, Angus & Julia Stone agertokietara itzuli dira "Living Room Sessiones" birarekin. Maiatzaren 15ean Kursaal auditorioan izango dira, Donostian.

Maiatzak 16, 17 eta 18 Koma

"Una ligera mejoría antes de la muerte". Hori da Koma disko berria ezagutarazteko egiten ari den biraren izenburua. Hiru geldialdi egingo ditu Bilboko Kafe Antzokian: maiatzaren 16, 17 eta 18an.

Maiatzak 18: Raphael

Raphaelen azken diskoak "Victoria" du izenburu, eta Pablo Lópezek idatzi eta ekoitzi du. Entzun zuzenean Donostiako Kursaal auditorioan maiatzaren 18an (larunbata).

Maiatzak 18: Salduie

Salduie folk metaleko taldea eta erromatarren aurreko istorioz beteriko beren kantak Gasteizko Urban Concept aretora helduko dira maiatzaren 18an.

Maiatzak 18: Sidecars

Formatu elektroakustikoko kontzertu batean, Sidecarsek kanta ezagunak eta "Modo Avión Teatro Tour" laneko kantak joko ditu. Maiatzaren 18an (larunbata) da hitzordua, Donostiako Victoria Eugenia antzokian.

Maiatzak 18: Vargas Blues Band

""ekin, abesti klasikoak errepasatzeaz gainera, abesti berriak aurkeztuko ditu taldeak. Gasteizko Hell Dorado aretoan izango da, maiatzaren 4an.

Maiatzak 26: Bywater Call

Independent Blues baten irabazle, Maple Blues Awards sarietarako hautagai hainbat alditan..., Bywater Call Kanadako taldea soul- eta blues-melodiaz gainezka dator. Donostian joko dute, Dabadaba aretoan, maiatzaren 26an.

Maiatzak 26: Mikel Izal

Mikel Izal iruindarrak album berria du: "El miedo y el paraíso". Entzun zuzenean kanta berriak Donostiako Kursaal auditorioan maiatzaren 26an.

Maiatzak 29: The Lemon Twigs

Brian eta Michael D’Addario anaiek album berria dute, eta aurkezpen-bira bat egiten ari dira. Maiatzaren 29an, Bilboko Kafe Antzokiko oholtzara igoko dira.

Antzerkia maiatzean Bilbon, Donostian eta Gasteizen

agenda mayo euskadi teatro dani rovira
Irudia: Dani Rovira

Maiatzak 3: "Passport"

Biran dabiltzan lau komikok Komedistan izeneko herrialde batera eramango gaituzte. Publiko ororentzako antzerki-ikuskizuna Gasteizko Félix Petite antzokian izango da, maiatzaren 3an (ostirala).

Maiatzak 4: Dani Rovira: "Vale la pena"

Tristurari, doluari eta penari ere barre egin diezaiekegu. Horren erakusgarri, Dani Roviraren bakarrizketa Donostiako Kursaal auditorioan, maiatzaren 4an.

Maiatzak 10 eta 11, eta maiatzaren 28tik 30era: "Vania x Vania"

Bi hurbilketa Chéjov-en testu klasikoetako batera, Javier Cámara protagonista duen antzezlan baten bidez. Ikusgai izango da Gasteizko Principal antzokian maiatzaren 10 eta 11n, eta Bilboko Arriaga antzokian maiatzaren 28tik 30era bitartean.

Maiatzak 11: "La isla del aire"

Doluari, familiari eta sekretuei buruzko istorio bat, emakumeen ikuspegitik, Donostiako Victoria Eugenia antzokian, maiatzaren 11n.

Maiatzak 16 eta 17: Leo Harlem: "Deja que te cuente"

Leo Harlemen ibilbide luzeko bakarrizketarik onenak ikusiko ditugu "Deja que te cuente” saioan. Donostiako Kursaal auditorioann, maiatzaren 16an eta 17an .

Maiatzak 17: "Poncia"

Lolita Flores Poncia da, Bernarda Albaren neskamea. Lorcaren "La casa de Bernarda Alba" da “Poncia” antzezlanaren abiapuntua. Gasteizko Principal antzokian ikus dezakezu maiatzaren 17an (ostirala).

Maiatzaren 17tik 19ra: "Tan solo el fin del mundo"

Urteak dira Louisek familiagandik ihes egin zuela, baina, seme hondatzailea balitz bezala, itzultzea erabaki du heriotza gertu duela jakin duenean. Bilboko Arriaga antzokian, maiatzaren 17tik 19ra.

Erakusketak euskal museoetan

agenda mayo euskadi exposiciones botanicas dibujo
Irudia: Vitoria-Gasteizko Udala

Maiatzaren 24 arte: "El cómic vasco en los últimos 40 años"

Gure komikiaren eboluzioaren errepasoa, Basauriko Taberna Nagusian.

Maiatza osoan: "June Crespo. Vascular"

June Crespo eskultore iruindarrak landareetatik, arropa eta ehun erabilietatik, eraikuntza-piezetatik eta, are, hormigoi-hustuketetatik ateratako moldeak baliatzen ditu, besteak beste; haren lanak ikusgai dauzkazu Bilboko Guggenheim Museoko erakusketa honetan.

Maiatza osoan: "Botánicas. el jardín. el paisaje"

Landarediaren misterioa, formak eta testurak Lourdes Vicenteren marrazkien eta pinturaren bidez; Atarian (Gasteiz) dauzkazu ikusgai guztiak, erakusketa batean.

Maiatza osoan: "El Urumea en los siglos XIX-XX"

Urumea ibaiaren inguruko auzoak azken mendeetan izan dituen aldaketa handiak erakusten dituen argazki-erakusketa. Donostiako Loiola auzoko kultur etxean.

Maiatz osoan: Celia Martínez: "PON"

Celia Martinezek zeramikazko objektuak testuingurutik kanpo uzten dituen pieza-multzoa dakar, erreferentzia gisa pop identitatea harturik. Bilboko Juan Manuel Lumbreras arte-galerian dago ikusgai erakusketa.

Euskadiko jaiak eta ospakizunak

agenda mayo euskadi fiestas otxomaio orduna
Irudia: Urduña Udala

Maiatzak 3: Antxua Eguna Getarian

Maiatzak 8: Urduñako Otxomaio

Maiatzaren 10etik 19ra: Gurutzetako jaiak Barakaldon.

Maiatzak 11 eta 12: Balmasedako Erdi Aroko Merkatua

Maiatzak 15: San Isidro Euskadin

Maiatzaren 17tik 19ra: Bermeoko Arrain Azoka

Astebururako plan gehiago Euskadin

agenda mayo euskadi ocio carmina burana
Irudia: Vitoria-Gasteizko Udala

Maiatzaren 3tik 5era: "Carmina Burana: La Fura dels Baus"

Zentzumen-, musika- eta antzerki-ikuskizuna, Carl Orff-en testuetan oinarritua. Gasteizko Principal antzokian izango da, maiatzaren 3tik 5era.

Maiatzaren 3tik 5era: "La Movida"

80ko hamarkadako pop musikaren 20 musika-ikuskizun eta 35 kanta baino gehiago, poz eta kolorez beterik. Gozatu "La Movida” ikuskizunaz maiatzaren 3tik 5era Donostiako Victoria Eugenia antzokian.

Maiatzak 11 eta 12: "Hirira"

Paul Hindemithen obraren egokitzapen musikala, familia osoarentzako ikuskizun bihurtua. Maiatzaren 11n eta 12an, Bilboko Arriaga antzokian.

Maiatzak 18: “Pasión Vega. “Lorca sonoro”

Pasión Vegak Federico García Lorca dakar gogora, kanta eta poemen bidez. Ikuskizun oso pertsonal bat, Gasteizko Principal antzokian maiatzaren 18an (larunbata).

Maiatzaren 23tik 26ra: "Vuela", Sara Baras

Sara Barasek omenaldia egingo dio Paco de Lucíari maiatzaren 23tik 26ra Bilboko Arriaga antzokian.

Maiatzak 29: "La Cenicienta"

Christophe Maillot Montecarloko Balleteko koreografo eta zuzendariak Perrault-en ipuin ospetsua berrinterpretatuko du. Kursaalean izango da, Donostian, maiatzaren 29an.

Aisia- eta kultura-plan bikainak proposatu dizkizugu maiatzerako Euskadin.