Planifikatu asteburua, lagunekin edo familiarekin era guztietako ekintzez gozatzeko: kontzertuak, antzerkia, jaialdiak, erakusketak, festa gastronomikoak eta beste gauza asko. Hilero, kontsultatu Euskadin egiten diren jarduera eta ekitaldien agenda.
Hona hemen uztailerako plan eder-eder batzuk.
Musika, kontzertuak eta jaialdiak Euskadin
Uztailaren 3tik 7ra: Getxo Jazz
Getxoko Nazioarteko Jazzaldia 47. ediziora heldu da. Eta aurten (uztailaren 3tik 7ra) izen ezagun ugari bilduko dira, hala nola Bill Frisell, Stacey Kent eta James Carter.
Uztailak 5: Wally B. Seck
Mbalax dantza-erritmoen ordezkari arrakastatsuenetako bat da Wally B. Seck senegaldarra, eta Bilboko Santana aretoko oholtzara igoko da uztailaren 5ean (ostirala).
Uztailak 5-7: Pancho Varona
Pancho Varonaren "Punto y Seguido 2024" bira Bilboko Azkena aretora helduko da hilaren 5ean eta Gasteizko Urban Conceptera uztailaren 7an (igandea).
Uztailak 6: Suite Seda + Muñoz
Estilo handiko funk jazz donostiarra, Suite Seda y Muñozen eskutik. Dabadaba aretoan entzun ahal izango duzu uztailaren 6an (larunbata).
Uztailak 6: Vantroi
Vantroi punk rock talde mexikarra Gasteizko Urban Concept aretoan arituko da uztailaren 6an. Aukera paregabea zuzenean entzuteko 30 urte baino gehiagoko ibilbide musikaleko kantarik arrakastatsuenak.
Uztailak 7: KK's Priest
KK's Priest metal-taldea, Judas Priest taldeko gitarrista ohiak osatua, Bilboko Santana aretora dator uztailaren 7an zuzeneko emanaldi bizi-bizi batekin.
Uztailaren 11tik 13ra: Bilbao BBK Live
Hamabi agertoki, nazioarteko artista ezagunak eta leku paregabe bat; horiexek dira udako erreferentziazko jaialdietako baten ezaugarriak: Bilbao BBK Live. Hemen duzu kontzertuei eta ordutegiei buruzko informazio guztia.
Uztailak 12: Loreena McKennitt
Ia lau hamarkadako ibilbide musikala egin du dagoeneko Loreena McKennittek, doinu zeltak munduan barrena zabalduz. Donostiako Kursaalen arituko da, uztailaren 12an (ostirala).
Uztailak 14: Jethro Tull's Martin Barre
Martin Barre gitarristak Jethro Tull taldearen Aqualung disko ospetsuaren 50. urteurrena ospatuko du Donostiako Victoria Eugenia antzokian: disko osoaren interpretazio gogoangarria izango da. The Martin Barre Band taldea izango du lagun.
Uztailaren 15etik 21era: 2024ko Gasteizko Jazzaldia:
Cécile McLorin Salvant eta Michel Camino & Tomatito izango dira, besteak beste, 2024ko Gasteizko Jazzaldiaren 47. edizioan; aurten, uztailaren 15etik 21era izango da jaialdia. Ondo amaitzeko, Truenoren hip hopa, Mendizorrotzako pabiloian, uztailaren 21ean (igandea).
Uztailak 16: India Martínez.
India Martínez 2024ko Santurtziko Karmengo jaietan izango da. Uztailaren 16an izango duzu hitzordua.
Uztailak 19: Bulego
Tomas Lizarazu, Itziar Beitia, Jon Larrañaga, Ruben Lizarralde eta Xabier Arrietak osatutako Bulego taldeak doako emanaldia eskainiko du uztailaren 19an Barakaldoko 2024ko jaietan.
Uztailak 20: Phil Campbell and The Bastard Sons
Phil Campbell, 30 urtez Motorhead taldeko gitarrista izana, bere taldearekin dator orain: The Bastard Sons. Gasteizko Hell Dorado aretoan joko dute uztailaren 20an (larunbata).
Uztailaren 23tik 28ra: 2024ko Jazzaldia
Donostiako Jazzaldiak munduko jazz-panoramako izen handienetako batzuk bilduko ditu hirian uztailaren 23tik 28ra. Besteak beste, Rufus Wainwright, Marisa Monte eta Diana Krall izango dira Donostian.
Uztailak 24: MakeWar
MakeWar New Yorken sortutako punk rock taldea Donostiako Dabadaba aretoan izango da uztailaren 24an, eta pop punk doinuz beteko du dena.
Uztailak 26: Paula Mattheus
"Ya no me joden la fiesta" azkenaldiko pop-ahotsik ezagunenetako baten azken lanaren izenburua da: Paula Mattheus. Gasteizko Principal antzokian izango da uztailaren 26an (ostirala).
Uztailaren 25etik 28ra: Bilbao Blues Festival
Bilbao Blues Festivalen hirugarren edizioa, uztailaren 25etik 28ra. Kontzertu guztiak doan izango dira, eta, besteak beste, hauek ikusi ahal izango dira: Marta High & The Soul Cookers, Funderburg, Morgan eta Pittman.
Uztailak 26: Ludovico Einaudi
Ludovico Einaudi pianista eta konpositore ezaguna agertokietara itzuliko da "In A Time Lapse" albumeko kantuak jotzeko. Bilbao Arenan, uztailaren 26an (ostirala).
Antzerkia uztailean Bilbon, Donostian eta Gasteizen
Uztailak 6: "3 en impro"
Inprobisaziorik dibertigarriena eta harrigarriena "3 en impro" da, eta Bilboko Campos Elíseos antzokian ikus dezakezu uztailaren 6an (larunbata).
Uztailaren 11tik 14ra: "Ez naiz inoiz Dublinen egon"
"Ez naiz inoiz Dublinen egon" besteen bizipen eta sinesmenak onartzeari buruzko komedia mikatz bat da. Donostiako Antzoki Zaharrean egongo da ikusgai uztailaren 11tik 14ra bitartean.
Uztailaren 18tik 21era: "Las que gritan"
Beatriz Carvajal, Eva Isanta, Norma Ruiz eta Pepa Rus dira "Las que gritan”. Komedia-kutsuko antzezlan hau Donostiako Antzoki Zaharrean izango da ikusgai, uztailaren 18tik 21era.
Uztailak 27: "Punto para los locos. Ángel Martín"
Ángel Martínek eromena, lotsa, beldurra eta egonezina nagusi diren egoerei erreparatzen die, betiere umorearen alderditik. Gasteizko Principal Antzokian, uztailaren 27an (larunbata).
Erakusketak euskal museoetan
Uztailaren 1etik aurrera: "Entre la razón y la emoción". Xabier Obeso
Xabier Obeso margolariak artea eta filosofia uztartzen ditu bere lanean, eta errealismo garaikidearen erreferenteetako bat da. Donostiako Okendo kultur etxean dago ikusgai erakusketa.
Uztailaren 7ra arte "De la cámara a la aguja"
Bilbo Handiko eta inguruko ibarretako emakume langileen janzkera erakusten du Eulalia Abaituaren argazki-bildumak; Bilboko Euskal Museoan dago ikusgai.
Uztail osoan: "Ibon Aranberri Entresaka"
Ibon Aranberririen lanari eskainitako erakusketa: 1990eko hamarkadatik gaur arte egindako lan esanguratsuenen bilduma. Artium Museoan, Gasteizen.
Uztail osoan: "Anthony McCall: Fracción de segundo"
Bilboko Guggenheim Museoko Film & Video galerian dago ikusgai Anthony McCall artistaren lana, aldi berean filmikoa eta erabat abstraktua.
Uztail osoan: "Una conversación: Chillida y las artes. 1950-1970"
Eduardo Chillidaren jaiotzaren mendeurrenaren ospakizunarekin bat eginez, Donostiako San Telmo Museoak eskultorearen lehen hamarkada sortzaileak —1950etik 1970era bitartekoak— ardatz dituen erakusketa zabaldu du.
Euskadiko jaiak eta ospakizunak
Uztailak 12: Sardinen Eguna Santurtzin
Uztailaren 12tik 21era: Santurtziko jaiak
Uztailak 13-14: Bisiguaren festa Orion
Uztailaren 13tik 21era: Barakaldoko jaiak
Uztailak 25: Blusaren eta Neskaren Eguna Gasteizen
Astebururako plan gehiago Euskadin
Uztailak 1: "Smile”, Asier Kidam
Haurrentzako eta familientzako magia-ikuskizuna euskaraz, Asier Kidam protagonista dela. Donostiako Urgull mendiko liburutegian.
Uztailaren 1etik 5era: Danzálava 2024
Danzálava Nazioarteko Dantza eta Mugimendu Jaialdiak zortzigarren edizioa egingo du aurten, eta Gasteizera ekarriko du Europako dantzaren abangoardia, programa zabal batez.
Uztailak 2: "Erroak"
Dantza garaikidea, zuzeneko musika eta poesia uztartzen dituen ikuskizuna da, eta doan ikus dezakezu Bilboko Casilda Iturrizar parkean, 2024ko Bilboko Kalealdiaren barruan.
Uztailaren 4tik 7ra: "Hangar 52. El Mago Yunke"
Ilusionismo-ikuskizuna, Yunke magoaren eskutik (Munduko Magia Txapelduna izan da hiru aldiz). Donostiako Victoria Eugenia Antzokian egongo da, uztailaren 4tik 7ra.
Uztailaren 5etik 7ra: Kaleka 2024
Lekeitioko Nazioarteko Kale Antzerkiko Jaialdiak —Kaleka— ikuskizun, tailer, esku-hartze, happening edo performance ugari dakartza, guztiak ere kalea protagonista dutenak.
Aisia- eta kultura-plan bikainak dauzkazu uztailerako Euskadin.