Inoiz sentitu al duzu zaila zaizula teknologiari jarraitzea ziztu bizian doalako aurrera? Gustatuko al litzaizuke programatzen ikastea, 3Dn inprimatzen ikastea edo adimen artifiziala benetan zer den behingoz ulertzea? Adineko pertsona bat zara, eta mugikorrak edo aplikazioak erabiltzen ikasi nahiko zenuke?
Bada, helburu horrekin inauguratu berri dugu Bilbon Bizkaia Euskaltel Digital Center (BEDC), gaitasun digitaletan trebatzeko zentro bat, pertsonek pertsonentzat diseinatua. Berdin dio Whatsapp-ekin ondo moldatzen ez bazara, ez baduzu sekula ikusi 3D inprimagailu bat edo dagoeneko sektoreko profesional bat baldin bazara: ekinez ikastea sustatzen duen espazio ireki eta doako bat da hau.
Adin eta maila guztietarako
Erraza da gure filosofia: "Gertatzen den guztia hemendik pasatzen da". Zu eta mundu digitala lotuko dituen zubia izan nahi dugu, eta erraz eta modu praktikoan azaldu nahi dizugu zure intereseko edozein gai.
Zer aurkituko duzu BEDCen?
Lau eremu handitan banatu dugu zentroa, zuk zehazki behar duzun hori aurkitu dezazun:
-
CAMPUSA: Maila guztietarako trebakuntza: arrakala digitala gainditzeko oinarrizko ikastaroetatik hasi, eta zibersegurtasunari, programazioari edo errealitate areagotuari buruzko bootcamp aurreratuetaraino. Gainera, programa bereziak ditugu familientzat eta gazteentzat (STEM), eta bultzada sendoa eman nahi diogu emakumeen talentuari, Women & Tech programaren bidez.
- LABORATEGIAK: Bete-beteko esperimentazioa Eskuak zikindu nahi dituzu? Gure laborategietan, teoriatik praktikara pasatzeko aukera izango duzu:
- Cyber & AI Lab: Ikasi ingurune digitalak babesten eta AA aplikatuarekin entrenatzen.
- STEM Robotics Lab: Hardware-eraikuntza eta robotika hezitzailea.
- Interactive Media Lab: Ikus-entzunezko edukien eta murgiltze-esperientzien sorkuntza (XR).
- EKIN HUB: Ideiatik proiektura. Inpaktu soziala duen ideia teknologiko edo sortzaile bat baduzu, hemen lagunduko dizugu gauzatzen eta garatzen, mentoretzaren eta inkubazio-programen bidez.
- KOMUNITATEA ETA KONEXIOA. BEDC topagune bat da, beste ezeren gainetik. Ekitaldi askotarikoak antolatzen ditugu, hala nola hitzaldiak, hackathonak, networking-ekitaldiak eta jardunaldi irekiak, beste teknologia-profesional eta -zale batzuekin harremanetan sartzeko.
Proiektu balioduna: euskara eta teknologia
Etorkizun teknikoari ez ezik, etorkizun kulturalari ere erreparatzen diogu. Bizkaia Euskaltel Digital Centerren uste dugu euskarak ingurune digitalaren eta adimen artifizialaren erdigunean egon behar duela. Horregatik, lanean dihardugu gure hizkuntza atzean gera ez dadin eta egunero erabiltzen ditugun tresnen parte aktiboa izan dadin.
Nola har dezakezu parte?
Zabalik duzu atea. Bizkaia Euskaltel Digital Center Euskaltel Fundazioak eta Bizkaiko Foru Aldundiak sustatutako proiektu bat da, helburu duena ziurtatzea inor ez dela eraldaketa digitaletik kanpo geratzen. Zatoz bisitan! Kontsultatu gure jardueren agenda, eman izena tailer batean edo, besterik gabe, etorri instalazioak ezagutzera. Ez dugu kosk egiten!
Etorkizuna gaur hasten da, eta gurekin batera eraiki dezazun nahi dugu.
Gertatzen den guztia, hemendik pasatzen da.
