Euskadiko 2025-2026ko errenta-aitorpena

Abian da errenta-aitorpenaren aurtengo kanpaina Euskadin: 2025-2026. Gipuzkoan, Araban eta Bizkaian bizi diren pertsonek Internet bidez, telefonoz edo aurrez aurre egin ahal izango dute errenta-aitorpena. Data eta epeak, modalitateak eta kenkari nagusiak azalduko dizkizugu.

Foru-araubidea duenez, Euskadik eskumen osoa du datak, metodologia eta kenkariak zehazteko. Horregatik, Gipuzkoa, Araba eta Bizkaiko foru-aldundiek errenta-aitorpena egiteko berezko epe eta modalitateak ditu.

Gipuzkoan 2025-2026ko errenta-aitorpena egiteko datak

Gipuzkoarrek berriro erabili ahal izango dute Errenta+, errenta-kanpainari lotutako datu guztiak eskuratzeko aukera ematen duen aplikazioa.

Martxoaren 13tik aurrera, gipuzkoarrek autolikidazio-proposamena kontsultatu dezakete, eta, apirilaren 7tik aurrera, balioztatzeko edo behar diren aldaketak egiteko aukera izango dute.

Epe desberdinetan egin beharko dute, aitorpena aurkezteko aukeratu duten modalitatearen arabera: aitorpena Zergabidea erabiliz telematikoki aurkeztu nahi baduzu, epea apirilaren 7an hasiko da; aurrez aurre egiteko edo errenta mekanizatu delakorako, berriz, epea astebete geroago hasiko da, apirilaren 14an (asteartea), eta hitzorduak apirilaren 13tik aurrera hartu ahal izango dira. Bi kasuetan, 2025eko errenta-kanpaina 2026ko uztailaren 2ean amaituko da Gipuzkoan.

Laburbilduz, hauek dira Gipuzkoako 2025-2026ko errenta-kanpainaren datak:

• Errentaren autolikidazio-proposamenak onartzea: 2026/4/07 – 2026/7/02

• Errenta Interneten aurkeztea: 2026/4/07 – 2026/7/02

• Errenta mekanizatua aurkeztea: 2026/4/14 – 2026/7/02

• Errenta mekanizatuko modalitaterako hitzorduak erreserbatzea eta eskatzea: 2026/4/13 – 2026/6/08

Nor dago Gipuzkoan errenta-aitorpena aurkeztera behartuta?

Oro har, Gipuzkoan bizi diren pertsonek aurkeztu behar dute aitorpena, baldin eta lanaren etekinetik, jarduera ekonomikoetatik, kapital higigarri eta higiezinetik edo ondare-irabazietatik eratorritako errentak eskuratzen badituzte.

Baina ez da nahitaezkoa honako kasu hauetakoren batean daudenentzat:

• Kapitalaren etekin gordinak eta ondare-irabaziak, guztira, urtean 1.600 eurotik gorakoak ez direnean.

• 20.000 eurora iristen ez diren laneko etekin gordinak.

Nola berretsi aitorpen-proposamena Gipuzkoan

Gipuzkoan bizi bazara, errenta-aitorpena egin eta balioztatzeko hainbat modu daude: Internet bidez, modalitate mekanizatua erabiliz edo etxera bidali zaizun proposamena berretsiz.

2025-2026 kanpainan, postaz bidaltzen diren komunikazioak bi motatakoak izango dira:

• Aurreko urtean proposamena Internet bidez onartu duten edo orain arte aitorpena Gipuzkoan egin ez duten zergadunei, kode bat bakarrik bidaliko zaie, eta horrekin webeko proposamenean eta autolikidazioaren emaitzan sartu ahal izango dira.

• Gainerako zergadunei komunikazio osoa bidaliko zaie, proposamena eta guzti. Zerga-datuekin eta emaitzarekin ados bazaude, telefonoz edo Internet bidez onar dezakezu, besterik gabe.

Internet bidezko errenta-aitorpena Gipuzkoan

Internet bidez, ZergaBidea web-plataforma erabiltzen da. 2025-2026 kanpainan, ZergaBidea programan kenkari gehiago gehitzeko prozedura errazagoa izango da, autentifikazio gehigarririk gabea, eta errazagoa izango da aitorpena Interneten aplikazio berean aurkeztea.

Programa horren bidez datu fiskalak eskuratu daitezke, zuzenean programaren bitartez edo bi urratsetan, hots, lehendabizi, ordenagailura deskargatuta eta, gero, datu horiek programara inportatuta.

Gipuzkoan errenta-aitorpena egiteko identifikazio-sistemak

Internet erabiltzen duzun kasu guztietan, bai prozesu guztian zehar bai, adibidez, jasotako proposamena berresteko, ziurtagiri digitalen bat edo BakQ erabili beharko duzu zure datuetara sartzeko.

Izenperen doako identifikazio- eta sinadura-sistema da BakQ, eta, horren bidez, pertsona fisikoek izapide batzuk online egin ditzakete. Honela eskuratu daiteke: online, IZENPEren herritarraren ziurtagiriaren edo NAN elektronikoaren bitartez; online, bideoidentifikazioarekin; edo bulego edo arretaguneren batera joanda.

BAQKrik ez baduzu, kontraste-datuen bidez kontsultatu dezakezu 2024ko Errentaren autolikidazioa: IFZ erantsita, aurreko urteko errenta-aitorpenaren emaitzarekin bat datorren proposamen-kode baten bidez edo aurreko ekitaldian itzuli edo ordaindu beharreko zenbatekoa adierazita.

Errenta mekanizatua Gipuzkoan

Modalitate horretan, dokumentazioa Errenta Mekanizatuko Bulego batean aurkezten da. Han, teknikari espezializatuek lagunduko dizute autolikidazioa egiten.

Ezinbestekoa da aldez aurreko hitzordua izatea aitorpena modalitate horretan egiteko. Hitzordua Internet bidez eska dezakezu, Internet bidezko Zerbitzu eta Izapideetako “Errenta mekanizatua – Aurretiazko hitzordua” atalean.

Hitzordua eskatzen duzunean, dagokizun Errenta Mekanizatuko Bulegoan aitorpena aurkezteko eguna eta ordua aukeratu ahal izango dituzu.

Errenta mekanizaturako hitzordua eskatzeko epea apirilaren 4an hasiko da, baina hitzorduak apirilaren 8tik aurrera izango dira.

Gipuzkoan Errenta Mekanizatua egiteko Ogasun Bulegoak

Errenta Mekanizatuaren aukera hautatzen baduzu, aitorpena honako bulego hauetako batean egin ahalko duzu:

Donostiako bulegoa, egoitza zentrala

Errotaburu pasealekua, 2 - 20018 Donostia

Donostiako Bulegoa, Gros

Secundino Esnaola 10-12, 20001 Donostia

Donostiako Bulegoa, Antso Jakituna

Antso Jakituna, 9 - 20010 Donostia

Azpeitiko bulegoa

Julian Elorza, 3 - 20730 Azpeitia

Beasaingo bulegoa

Urbialde, 1 - 20200 Beasain

Bergarako bulegoa

Toki Eder, 5 - 20570 Bergara

Eibarko bulegoa

Arrageta, 2-behea - 20600 Eibar

Errenteriako bulegoa

Santa Klara, 2 - 20100 Errenteria

Hernaniko bulegoa

Latsunbeberri auzoa, 8-9 - 20120 Hernani

Irungo bulegoa

Iparralde hiribidea, 6 - 20302 Irun

Tolosako bulegoa

San Frantzisko, 45 - 20400 Tolosa

2025-2026 errenta-kanpainako PFEZ-tarteak Gipuzkoan

Hauek dira 2025-2026 errenta-kanpainarako PFEZ-tarteak Gipuzkoan:

• 0 €-tik 17.720 €-ra bitarteko diru-sarrerak, % 23

• 17.720 €-tik 35.440 €-ra bitartekoak, % 28

• 35.440 €-tik 53.160 €-ra bitartekoak, % 35

• 53.160 €-tik 75.910 €-ra bitartekoak, % 40

• 75.910 €tik 105.130 €-ra bitartekoak, % 45

• 105.130 €-tik 140.130 €-ra bitartekoak, % 46

• 140.6130 €-tik 204.270 €-ra bitartekoak, % 47

• 204.270 € baino gehiago, % 49

Gipuzkoan bizi bazara balia ditzakezun kenkarien berritasunak

2025-2026ko errenta-kanpaina da maiatzaren 9ko 1/2025 Foru Arauaren bidez onartutako zerga-erreforma aplikatzen den lehena.

Erreforma horrek zergadunentzako hobekuntza fiskal batzuk ekartzen ditu, etxebizitza, kontziliazio, berdintasun, erronka demografiko, biztanleriaren zahartze edo trantsizio energetikoaren arloetan.

Esate baterako, kenkari berriak daude errentatzailearen birgaikuntza babestuagatik edo gizarte-aurreikuspeneko sistemei (BGAE, etab.) ekarpenak egiteagatik, aurreko errenta-kanpainetan aplikatutako gainerako kenkariez gain.

Gipuzkoan aplikatzen diren beste kenkari batzuk:

• Kenkari familiar eta pertsonalak, honako hauengatik: ondorengoak, aurrekoak, desgaitasuna edo mendekotasuna, adina edo egoera pertsonala eta familiarra.
• Ohiko etxebizitza alokatzea. % 20ra arte, 1.600 euroko mugarekin; igo egiten da 30 urtetik beherakoen edo familia ugarien kasuan.
• Ohiko etxebizitza erostea. Aldakorra, finantzaketa-motaren eta zergadunaren adinaren arabera.
• Dohainak eta lehentasunezko jarduerak.
• Sindikatu edo alderdi politikoen kuotak.

Araban 2025-2026ko errenta-aitorpena egiteko datak

Araban, 2025-2026ko errenta-aitorpenaren kanpaina apirilaren 7an hasiko da eta ekainaren 25era arte iraungo du.

Apirilaren 7tik ekainaren 17ra egin ahal izango dute aitorpena Rentafacil izeneko proposamena duten zergadunek.

Aurrez aurreko modalitatea apirilaren 13an (astelehena) hasiko da.

Nork aurkeztu behar du 2025-2026ko errentaren aitorpena Araban

Arabako 2025-2026ko kanpainako berrikuntza nagusietako bat da aurten nahitaez aurkeztu beharko dela aitorpena 20.000 eurotik gorako lan-etekinengatik; gainera, baterako zerga-ordainketa aurkezteko baldintza berriak daude.

Nola egin errenta-aitorpena Araban: Rentafácil

Arabako Foru Ogasunak gutun bat bidaltzen die Rentafácil-eko proposamena kalkulatu zaien zergadun guztiei. Hemen kontsultatu dezakezu apirilaren 3tik aurrera jaso behar duzun ala ez.

Etxera bidalitako aitorpen hori hainbat modutan egiazta daiteke:

• 900 111 202 telefono-zenbakira deituta.

• Erakunde laguntzaile hauen bulegoetan: Kutxabank, Laboral Kutxa-Euskadiko Kutxa, Caixabank, Nafarroako Rural Kutxa, Banco Santander, Targobank eta Cajamar.

• Edo Rentafácilwebgunearen bidez:

Dela onartzeko dela aldatzeko, egoitza elektronikoan sartu beharko duzu, identifikatzeko BAK edo baliozko bestelako ziurtagiri digital bat erabiliz.

BAK doako identifikazio-baliabide bat da, entitate publikoekin Internet bidez tramiteak egin ahal izateko, hala nola errenta-aitorpena. Eskuratzea oso erraza eta doakoa da, www.araba.eus/bak webgunearen bidez.

Araban errenta-aitorpena aurkezteko modalitateak: RENTARED eta RENTARABA

Beste bi aurkezpen-modalitate ere badauzkazu aukeran: RENTARED eta RENTARABA.

RENTARED Arabako Foru Ogasunaren egoitza elektronikoaren bidez aitorpena egiteko erabiltzen den programa da (laguntza-programa baten jarraibideei jarraituz).

RENTARABA, berriz, Arabako Foru Aldundiaren Ogasun Bulegoetan eta baimendutako aholkularitza- eta gestoria-zerbitzuetan aitorpena aurrez aurre egiteko ematen den zerbitzua da.

Arabako Ogasun Bulegoetara joateko aldez aurreko hitzordua

Araban, aldez aurreko hitzorduarekin bakarrik ematen da aurrez aurreko arreta Ogasun Bulegoetan.

Hau da ohiko ordutegia: 8:15etik 14:30era, astelehenetik ostiralera.

Nola eskatu aldez aurreko hitzordua?

• Internet bidez: https://web.araba.eus/eu/ogasuna/hitzordua

• Telefono bidez: 945 181 510. Ordutegia: Astelehenetik ostiralera, 08:00etatik 14:30era.

Arabako Ogasun Bulegoak

Ogasunaren honako bulego hauetan egin dezakezu aitorpena Araban, RENTARABA modalitatea erabiliz.

Gasteiz

Samaniego kalea, 14 - Gasteiz.

Telefono-zenbakia: 945 181 818

Laudio

Alberto Acero plaza, 8 - Laudio.

Telefono-zenbakia: 946 725 483

Guardia

San Juan plaza. Samaniegoren etxea

Telefono-zenbakia: 945 600 135

Araban bizi bazara balia ditzakezun kenkariak:

2025ean onartutako zerga-berrikuspenak Araba 2025-2026 errentaren kanpainako berrikuntzak ezartzen ditu.

Haien artean, errentari eta errentatzaileentzako etxebizitza arloko onura fiskal berriak nabarmentzen dira. Familientzako kenkariak ere badaude; adibidez, adingabeak eta mendekotasun- edo desgaitasun-maila jakin bat duten pertsonak zaintzeko pertsonak edo enpresak kontratatzeagatikoak edo adingabeak zaintzeko lana utzi edo murrizteagatikoak edo adingabeak zaindu ondoren lan-merkatuan sartzeagatikoak.

Araban aplikatzen diren beste kenkari batzuk:

• Ondorengoak eta aurrekoak.

• Desgaitasuna, mendekotasuna, adina (65 urtetik goitikoak).

• Ohiko etxebizitza alokatzea eta erostea.

• Dohaintzak.

• Ondare babestuei egindako ekarpenak.

• Alderdi politikoen kuotak.

2025-2026 errenta-kanpainarako PFEZ-tarteak Araban:

Hauek dira 2025-2026ko errenta-kanpainarako PFEZ-tarteak Araban:

• 0 €-tik 17.720 €-ra bitarteko diru-sarrerak, % 23

• 17.720 €-tik 35.440 €-ra bitarteko diru-sarrerak, % 28

• 35.440 €-tik 53.160 €-ra bitarteko diru-sarrerak, % 35

• 53.160 €-tik 75.910 €-ra bitarteko diru-sarrerak, % 40

• 75.910 €-tik 105.130 €-ra bitarteko diru-sarrerak, % 45

• 105.130 €-tik 140.130 €-ra bitarteko diru-sarrerak, % 46

• 140.130 €-tik 204.270 €-ra bitarteko diru-sarrerak, % 47

• 204.270 €-tik gorako diru-sarrerak, % 49

Informazio gehiago eta errenta-aitorpeneko kenkariak Araban

Arabak zerga-arloko informazioa emateko telefono bat ere gaitu du (945 181 555), eta, hartan, zerga-arloko edozein zalantza kontsultatu dezakezu, astelehenetik ostiralera, 08:00etatik 14:30era eta 16:00etatik 18:00etara. Edo consultasfiscales@araba.eus helbide elektronikora bidal dezakezu.

Egoitza elektronikoaren funtzionamenduari buruzko zalantzarik baduzu edo laguntza teknikoa behar baduzu, bi aukera dituzu: 945 56 90 28 telefonora deitzea edo mezu bat bidaltzea diputaciondigital@araba.eus helbidera. Hau da jendearentzako arreta-ordutegia: astelehenetik ostiralera, 08:15etik 14:30era.

Bizkaian 2025-2026ko errenta-aitorpena egiteko datak

Bizkaian, 2025-2026 errenta-kanpaina 2026ko apirilaren 15etik ekainaren 30era izango da.

Printzipioz, ez dago data zehatzik aukeratzen den aitorpen-modalitatearen arabera.

Nor dago errenta-aitorpena egitera derrigortuta Bizkaian?

Bizkaiko 2025-2026ko errenta-kanpaina berrikuntza handi batekin dator. 20.000 eurotik gorako lan-etekin gordinak jaso dituztenek nahitaez aurkeztu behar dute aitorpena.

Hala ere, ez da nahitaezkoa izango aitorpena aurkeztea kapitalaren etekin gordinak eta ondare-irabaziak, guztira, 1.600 euro baino gutxiago badira urtean.

Azken kanpainako (2024-2025) datu ekonomikoak dituzten pertsonek jakinarazpen bat jasoko dute apirilean, zeinaren bidez Ogasunak esango baitie ea aitorpena aurkezteko betebeharra duten, zein den haientzat modalitate egokiena (banaka edo batera) eta zein den zirriborroaren behin-behineko emaitza.

Errentaren gutunak apirilaren 15ean, asteazkenean, hasiko dira bidaltzen. Egun horretatik aurrera, Bizkaiko Foru Aldundiaren egoitza elektronikoan ere kontsultatu ahal izango dira errenta-zirriborroak.

Nola egin dezaket errenta-aitorpena Bizkaian

Bizkaian bizi bazara, aitorpena aurkezteko hiru aukera dituzu:

• digitalki, webgunearen edo mugikorreko aplikazioaren bitartez.

• Telefonoz, 94 608 3000 zenbakira deituta. Ordutegia: astelehenetik ostiralera, 8:30etik 19:00etara. Ordutegi horretatik kanpo, sistema automatiko bat egongo da, eta horrek ere lan errazak egin ahal izango ditu.

• Aurrez aurre, Ogasuneko bulegoetan eta Gertu zerbitzuan, beti aldez aurreko hitzordua hartuta. Hitzordua eskatzeko epea apirilaren 8an hasiko da, eta webgunearen bidez (bizkaia.eus/errenta) edo telefonoz (94 406 66 00) egin ahal izango da.

Nola identifikatu, Bizkaian errentaren zirriborroa eskuratzeko

Egoitza elektronikoan aitorpenaren zirriborroa eskuratzeko, eta telefonoz deitzen duzunean identifikatzeko, baliabide bat beharko duzu.

Modurik ohikoena eta errazena BAK sistema da, identifikazioko eta sinadura elektronikoko doako sistema bat, Bizkaiko Foru Aldundiaren webgunean formulario erraz bat betez eska dezakezuna.

Interneten edo telefonoz zure datuak kontsultatu, aldatu edo baieztatzeko erabil dezakezu, bai aitorpen-prozedura osorik egiten baduzu, bai Ogasunak zure etxera bidali duen aitorpen-proposamenaren zirriborroa berretsi nahi baduzu.

Bide batez, beste pertsona baten errenta- eta ondare-aitorpenetako izapideak ere egin ditzakezu, edo zure izenean ere egin ditzake beste norbaitek zureak; horretarako, postaz jasoko duzun Errenta23 gutunean emango zaizun ordezkaritza-kodea baliatu behar duzu. Ordezkaritza-kode bat eskatzeko, 94 608 3000 telefonora deitu dezakezu.

Bizkaiko Ogasun Bulegoak

Nahiago baduzu aitorpena aurrez aurre egin, Bizkaiko Ogasunaren honako bulego hauekin jar zaitezke harremanetan. Gogoan izan aldez aurreko hitzordua eskatu behar duzula Internet bidez edo 94 406 66 00 telefono-zenbakira deituta.

Balmasedako Herritarrentzako Arreta Bulegoa

Kubo kalea, 3-5. 48800 Balmaseda.

Ordutegia: astelehenetik ostiralera, 8:30etik 14:00etara.

Barakaldoko Herritarrentzako Arreta Zerbitzua

Foruen pasealekua, 4. 48901 Barakaldo.

Ordutegia: astelehenetik ostiralera, 8:30etik 14:00etara.

Basauriko Herritarrentzako Arreta Zerbitzua

Nagusia, 38 (sarrera Santiago kaleko 3. zenbakitik), anbulatorioaren parean. 48970 Basauri.

Ordutegia: astelehenetik ostiralera, 8:30etik 14:00etara.

Bermeoko Herritarrentzako Arreta Bulegoa

Dolariaga kalea, 19. 48370 Bermeo.

Ordutegia: astelehenetik ostiralera, 8:30etik 14:00etara.

Bilboko Herritarrentzako Arreta Zerbitzua

Basurtuko Kaputxinoen kalea, 2 eta 4. 48013 Bilbo.

Ordutegia: astelehenetik ostiralera, 8:30etik 14:00etara.

Durangoko Herritarrentzako Arreta Bulegoa

Askatasun Etorbidea, 12. 48200 Durango.

Ordutegia: astelehenetik ostiralera, 8:30etik 14:00etara.

Gernika-Lumoko Herritarrentzako Arreta Bulegoa

San Juan Ibarra plaza, 5. 48300 Gernika-Lumo.

Ordutegia: astelehenetik ostiralera, 8:30etik 14:00etara.

Getxoko Herritarrentzako Arreta Zerbitzua

Konporte, z/g. 48992 Getxo.

Ordutegia: astelehenetik ostiralera, 8:30etik 14:00etara.

Igorreko Herritarrentzako Arreta Bulegoa

Agirre Lehendakariaren kalea, 19. 48140 Igorre

Ordutegia

Neguan: 8:30etik 14:00etara

Udan: ekainaren 13tik irailaren 9ra, 8:30etik 13:30era.

Telefonoa: 94 406 80 00

Markinako Herritarrentzako Arreta Bulegoa

Erdotza Etorbidea, 4. 48270 Markina

Ordutegia

Neguan: 8:30etik 14:00etara

Udan: ekainaren 13tik irailaren 9ra, 8:30etik 13:30era.

Telefono-zenbakia: 94 406 80 00

Mungiako Herritarrentzako Arreta Bulegoa

Erribide, 5. 48100 Mungia.

Ordutegia: astelehenetik ostiralera, 8:30etik 14:00etara.

Portugaleteko Herritarrentzako Arreta Zerbitzua

Castaños jenerala, 41. 48920 Portugalete.

Ordutegia: astelehenetik ostiralera, 8:30etik 14:00etara.

2025-2026 errenta-kanpainarako kenkariak eta PFEZ-tarteak Bizkaian

Bizkaiko errentaren 2025-2026 kanpainako nobedadeek etxebizitzen, bateragarritasunaren eta ibilgailu jasangarrien erosketaren arloko kenkariei eragiten diete batez ere.

Bizkaian bizi bazara balia ditzakezun kenkari nagusiak:

• Ondorengoak, aurrekoak, desgaitasunak edo seme-alaben urteko mantenua.
• Ohiko etxebizitza alokatzea eta erostea.
• Aurreikuspen sozialeko erakundeetarako ekarpenak.
• Sindikatuen kuotak.
• Nazioarteko zerga bikoitza.
• Mikroenpresetako inbertsioak.
• Tokiko merkataritzaren digitalizazioa bultzatzeko edo berrikuntza sustatzeko inbertsioa.

Hauek dira 2025-2026 errenta-kanpainarako PFEZ-tarteak Bizkaian:

• 0 €-tik 17.720 €-ra bitarteko diru-sarrerak, % 23

• 17.720 €-tik 35.440 €-ra bitartekoak, % 28

• 35.440 €-tik 53.160 €-ra bitartekoak, % 35

• 53.160 €-tik 75.910€-ra bitartekoak, % 40

• 75.910 €tik 105.130 €-ra bitartekoak, % 45

• 105.130 €-tik 140.130 €-ra bitartekoak, % 46

• 140.130 €-tik 204.270 €-ra bitartekoak, % 47

• 204.270 € baino gehiago, % 49

Bizkaian bizi bazara balia ditzakezun kenkari nagusiak:

• Ondorengoak, aurrekoak, desgaitasunak edo seme-alaben urteko mantenua.

• Ohiko etxebizitza alokatzea eta erostea.

• Aurreikuspen sozialeko erakundeetarako ekarpenak.

• Sindikatuen kuotak.

• Nazioarteko zerga bikoitza.

• Mikroenpresetako inbertsioak.

• Tokiko merkataritzaren digitalizazioa bultzatzeko edo berrikuntza sustatzeko inbertsioa.

Beraz, aurten ere, Ogasunarekin hitzordua duzu Euskadin. Kontuan hartu datak, eta aukeratu Gipuzkoan, Araban eta Bizkaian dauden modalitateetatik zein nahiago duzun 2025-2026ko errenta-aitorpenerako.