2026an zein museo dira doan Bilbon? Bilboko Arte Ederren Museoa, gaur egun, doan da. Baina Bilbon badira museo gehiago doan, egun jakin batzuetan edo kolektibo jakin batzuetarako (adibidez, adingabeentzat). Adibidez, Bilboko Guggenheimera doan sartu ahal izango zara Museoen Egunean (maiatzaren 18an). Bilbon gaur doan egiteko jardueren bila bazabiltza, hemen aurkituko dituzu interesatzen zaizkizun museoak.
Aurten ere, Momo jainkosaren etorrerarekin hasiko dira Donostiako inauteriak, hiriko giltzak ematen zaizkionean, eta aurten otsailaren 12tik (osteguna) 17ra arte (asteartea) ospatuko dira. Hemen duzu Donostiako 2026ko inauterietako egitaraua, jakin dezazun noiz egingo den desfilea, noiz aterako diren txarangak eta konpartsak, eta gainerako informazio guztia.
Gure ohiturei eustea gustatzen zaigu Euskadin, eta kantatzea da horietako bat: gustatzen zaigu, eta are gehiago kuadrillan egiten badugu. Eta horixe egiten dugu urtero otsailaren 4an, Santa Ageda bezperan. Baserritar jantzita eta makila eskuan hartuta, abesbatzak eta taldeak kalez kale ibiltzen dira, Ama Birjinaren omenez kantuan eta ongintzako kausa baterako dirua biltzen. Santa Agedaren historia kontatuko dizugu hemen, nola ospatzen den Bilbon eta Euskadiko beste herri batzuetan, ez dezazun Santa Ageda bezperan huts egin.
Urtero, otsailaren 3an, euskaldun askok jartzen du lepoan sanblas-lokarria. Nondik dator tradizioa? Ospakizunaren jatorria eta historia kontatuko dizugu, eta esango dizugu noiz erretzen den sanblas-lokarria, nola jartzen den, nola ospatzen den Bilbon eta Euskadiko beste leku batzuetan, eta, jakina, non eros daitezkeen sanblas-lokarriak.
Berriro barre-algaraz gozatzeko prest gehien maite dituzunekin batera? Hemen da 2026ko Algara Gaua, eta, urtero bezala, aurten ere hartaz gozatzeko aukera eman nahi dizu Euskaltelek. Horra zure konfiantza eta fideltasuna eskertzeko hautatu dugun bidea. Bueltan da berriz Euskaltelen umorea algaraz leher zaitezen.
Abuztuko Bilboko Aste Nagusiaz gain, ospakizun ugari daude urte osoan zehar. Bilboko 2026ko jai guztien berri emango dizugu, Bilboko 2026ko Santo Tomas eguna eta Bilboko auzoetako 2026ko jaiak (Alde Zaharra, Santutxu, Indautxu eta Irala) goza ditzazun.
Foru-komunitateko patroiaren eguna, abenduaren 3a, osteguna da. Zubia egiteko ezin hobea. Ikusi hemen zeintzuk izango diren Nafarroako jaiegun guztiak 2026an, oporretan pentsatzen hasteko. Nafarroako 2026ko lan-egutegi honetan, azalduko dizugu zein diren Nafarroako 2026ko jaiegunak eta Nafarroako herri bakoitzeko 2026ko jaiak.
Kontsultatu Euskadiko 2026ko jaiegun guztiak. Planifikatu zure oporrak 2026ko lan-egutegi honekin, eta jakin ezazu noiz den jai 2026an Bizkaian, Gipuzkoan eta Araban eta noiz diren herri bakoitzeko jaiegunak.
Musika ona, kirol-txapelketak, tradizioak, erromeriak, azokak eta merkatuak... Arabako 2026ko jaietako urteko agendak jarduera ugari biltzen ditu eta jende guztiarentzako entretenimendua bermatzen du. Ezagutu nahi dituzu 2026an Araban izango ditugun jaiak? Hemen dituzu ezinbesteko datak.
Urtarriletik abendura bitartean, Gipuzkoak jai-egitarau oparoa du. “Non dago festa gaur Gipuzkoan?” eta “Non dago festa asteburu honetan Gipuzkoan?” galderen erantzuna beti eskura izateko, hemen duzu Gipuzkoako 2026ko jaien egutegia.
Bizkaiko jaietako agenda jardueraz josia dago urte osoan zehar. Herri eta hirietako zaindariaren jaiak, inauteriak, Gabonak eta Euskal Jaia ospatuko dira, besteak beste. 2026ko Bizkaiko jai nagusiak bildu ditugu zuretzat.
Urtero, urtarrilaren 20an, San Sebastian zaindariaren egunean, danborrada egiten da Donostian. 24 orduz, 20.000 parte-hartzaile baino gehiago eta helduz nahiz haurrez osaturiko 158 danborradatik gora hiriko kaleetara ateratzen dira soldadu napoleonikoz, sukaldariz edo urketariz jantzita eta, jakina, danborra joz. Donostiako 2026ko danborradaren programa osoaren berri emango dizugu, eta, gainera, azalduko dizugu zein den danborradaren jatorria eta historia eta nola ospatzen den gaur egun. Gainera, 2026koa edizio berezia izango da, ehun urte beteko baitira hiriko bandera lehen aldiz igo zutenetik.
Gure azokak ez dira merkataritza-ekitaldi hutsak. Haien bidez, gure tradizioei eta tokiko produktuei balioa ematen diegu. Ba al zenekien urtero ia 400 azoka egiten ditugula Euskadin? Hemen duzu 2026an Araban, Bizkaian edo Gipuzkoan egingo diren azoka guztiak biltzen dituen egutegi bat.
Txikienek ilusio handiz itxaroten dute ekialdetik datozen errege magoen etorrera, haiek ikusi eta agurtzeko, eta, nola ez, opariak jasotzeko. Bilboko 2026ko Erregeen desfilea noiz den, zer ibilbide egingo duen eta zer ordutegi izango duen esango dizugu; Meltxorrek, Gasparrek eta Baltasarrek Bilboko udaletxean harrera noiz egingo duten eta topaketa berezi hori txikienekin ikusteko txartelak nola lortu ere azalduko dizugu.
Donostiako 2026ko Erregeen desfilea arratsaldez izango da urtarrilaren 5ean, astelehenarekin, baina aurrez agenda estua izango dute Errege Magoek, goizean hirira iristen direnetik. Donostiako 2026ko Erregeen desfileari buruz jakin beharreko guztia kontatuko dizugu: auzoetako ibilbidea, udaletxeko harrera eta desfilearen ordutegia eta ibilbidea.
Inauteri berezienetako bat da Nafarroako Ituren eta Zubieta herrietan egiten dena. Joaldunak bi herrietako kaleetan zehar ibiltzen dira, arropa koloretsuak eta joare ozenak soinean. Gozatu Iturengo eta Zubietako 2026ko Inauteriak urtarrilaren 26an (astelehena) eta 27an (asteartea). Noiz egingo diren, zein den egitaraua eta askoz gauza gehiago kontatuko dizkizugu, huts egin ez dezazun Nafarroako tradiziorik ezagunenetako bat.