Abuztuko Bilboko Aste Nagusiaz gain, ospakizun ugari daude urte osoan zehar. Bilboko 2026ko jai guztien berri emango dizugu, Bilboko 2026ko Santo Tomas eguna eta Bilboko auzoetako 2026ko jaiak (Alde Zaharra, Santutxu, Indautxu eta Irala) goza ditzazun.
Bilboko 2026ko jaien datak:
- Bilboko errege-desfilea: 2026ko urtarrilak 5
- Bilboko San Blas azoka: 2026ko otsailak 3:
- Santa Agata Bilbon: 2026ko otsailak 4:
- Bilboko inauteriak: 2026 otsailak 12-17
- Bilboko Aste Santua 2026ko martxoaren 27tik apirilaren 5era
- Bilbao Basque Fest: 2026ko Aste Santuan. Datak zehaztu gabe
- Bilboko Liburu Azoka: datak zehaztu gabe. Maiatzaren amaieran eta ekainaren hasieran izaten da
- Bilboko Gau Zuria: datak zehaztu gabe. Ekainaren erdialdera izaten da.
- San Joan Bilbon: 2026ko ekainak 23
- Begoñako erromeria: 2026ko abuztuak 15 eta urriak 11
- Bilboko Aste Nagusia: 2026ko abuztuak 22 - 30
- Bilboko San Tomas: 2026ko abenduak 21
- Gabonak Bilbon: 2026ko abendua
- Olentzeroren desfilea Bilbon: 2026ko abenduak 23
- Bilboko auzoetako 2026ko jaiak: kontsultatu beheko egutegia
Bilboko 2026ko errege-desfilea: urtarrilak 5
Bilboko 2026ko jaien egutegia Bilboko 2026ko errege-desfilearekin hasiko da, urtarrilaren 5ean, astelehenean.
Meltxor, Gaspar eta Baltasar goizean iritsiko dira herrira. Bilboko errege-desfile tradizionalean hiriko kaleetan barrena ibiltzen diren karrozetara igo baino lehen, harrera egiten zaie udaletxean, eta ekitaldi horretarako tiketa erreserbatu duten haur guztiekin elkartzen dira.
Arratsaldean, ezer ez galtzeko eta tokirik onenean jartzeko, berrikusi gure posta Bilboko 2026ko errege-desfileko ibilbidearekin eta ordutegiarekin.
Bilboko 2026ko San Blas azoka: otsailak 3
Otsailaren 3an, eskuratu zure San Blas lokarria Areatzako merkatuan eta bedeinkatu San Nikolas elizan. Bederatzi egunez, eraman ezazu lepoan; denbora hori igarotakoan, erre, eta eztarriko gaitzak uxatuko dituzu.
Horrela ospatzen da Bilboko 2026ko San Blas azoka.
Aprobetxatu malba-gozokiak edo San Blaseko postre tipiko batzuk jateko.
2026ko Santa Ageda Bilbon: otsailak 4
Iturria: Euskadi Turismoa
Bilboko 2026ko jaien egutegiak otsailaren 4an jarraitzen du, Santa Ageda egunaren bezperan. Bilboko Zazpi Kaleek ehun urte baino gehiago dituen tradizio bat berpizten dute. Zenbait abesbatza eta kuadrilla kalez kale ibiltzen dira, baserritar jantzita, kantari eta lurrean kolpeak emanez koplen konpasean.
Bertsoetako protagonista Santa Ageda da, emakumeen eta ugalkortasunaren zaindaria, eta sendatzeko ahalmena egozten zaio. Ikusi hemen Bilbao 2026ko Santa Ageda egunaren xehetasun gehiago (otsailaren 4a).
Bilboko 2026ko inauteriak: otsailak 12 – 17
Farolin eta Zaranbolasen epaiketa dibertigarriarekin hasiko dira Bilboko 2026ko inauteriak, otsailaren 12tik 17ra izango dira aurten.
Kaleetara ateratzen dira buruhandiak eta erraldoiak, desfile tradizionala eta mozorro-lehiaketak egiten dira, dantza-ikuskizunak izaten dira, txikientzako jarduerak egiten dira eta beste hainbat eta hainbat gauza gehiago sardinaren ehorzketa iritsi arte, festarik lotsagabeenaren amaiera izaten dena.
Bilboko 2026ko jai hauek ez galtzeko, deskargatu Bilboko 2026 inauterietako programa osoa.
Bilboko 2026ko Aste Santua: Martxoak 27 – Apirilak 5
Bilbon Doloreetako Ostiralean hasten da Aste Santua, 2026ko martxoaren 27an, eta Pazko-igandea arte irauten du, 2026ko apirilaren 5era arte. Apirilaren 2a eta 3a ez ezik, Pazko astelehena ere jai da Euskadin (apirilaren 6a).
Pasio- eta debozio-egunak dira, eta pausoak Bilboko kale nagusienetan barrena ibiliko dira okasiorako dotoretuta.
Prozesioak dira Bilboko Aste Santuaren erakargarritasun nagusia. Ezagunenak hauek dira: Astotxoaren prozesioa (Erramu igandea), Afari Santuaren prozesioa (Ostegun Santuan), Isiltasunaren prozesioa (Ostegun Santutik Ostiral Santura bitartean) eta Jaunaren Hilobiratzearen prozesio handia (Ostiral Santua).
Kontsultatu hemen Bilboko 2026ko Aste Santuari buruzko informazio guztia.
Bilbao Basque Fest 2026: Aste Santuan.
Aste Santuarekin batera, Bilbok omenaldia egiten dio euskal kulturari Bilbao Basque FEST 2026 jaialdiarekin. Iragarri bezain laster jakinaraziko dizkizugu datak hemen.
Kontzertuak, antzerkia, magia, bakarrizketak, dantza (kalejirak eta euskal dantza erakustaldia barne) eta kirola izaten dira protagonista, eta garrantzi berezia ematen zaie herri kiroletako txapelketei.
Hori guztia, Basque Fest Gourmeten bildutako bertako gastronomia onarekin batera.
Ez galdu Bilboko 2026ko jaietako beste aukera bat oporretan.
Bilboko 2026ko Liburu Azoka: maiatzaren amaieran eta ekainaren hasieran
Iturria: Bilboko Udala
Kulturarentzako gunea Bilboko 2026ko beste jai batean. Bilboko 2026ko liburu-azokak proposamen literarioz beteko du Areatzako pasealekua maiatzaren amaieran eta ekainaren hasieran. Datak iragarri bezain laster, hemen kontatuko dizugu.
50 etxola baino gehiagotan aurkezpenak, sinadurak eta nobedade ugari egongo dira, etxera eraman ditzazun.
Bilboko 2026ko Gau Zuria: ekainean
Ekainaren erdialdean, kulturak Bilboko kaleak hartzen ditu, eta, horretarako, esku-hartze artistikoak, ikuskizun ibiltariak eta proposamen ugari egiten dira Bilboko 2026ko Gau Zuriaren asteburuan gozatzeko. Instalazioak, musika, antzerkia eta dantza hiriko auzoetan zehar zabaltzen dira.
2026ko San Joan Bilbon: ekainak 23
Bilboko 2026ko San Joan gaua (ekainaren 23an) hiriko txoko guztietan ospatzen da. Izan ere, suak baimentzen dira urtero Etxebarria parkean, Bilbo Zaharrean, Zorrotzan, Matikon, San Inazion eta Deustun, besteak beste.
2026ko Begoñako erromeria: abuztuak 15 eta urriak 11
Urtero, abuztuaren 15ean, milaka erromes Begoñako basilikara joaten dira, Ama Birjinari omenaldia egitera. Erromesaldi hori goizaldean hasten dute askok, Bilboko eta Bizkaiko zaindariaren omenezko mezetara joateko.
Begoñako Amatxoren erromeria herrikoia eta ohiko aurreskua egiten dira. Gainera, bezperan prozesio nautiko bat egin ohi da itsasadarrean zehar Santurtzitik Bilbora. Urriaren 11n izaten da, Begoñako Andra Mariaren egunean.
Bilboko 2026ko Aste Nagusia: abuztuak 22-30
Iturria: Bilboko Udala
Uda bete-betean ospatzen da Bilboko 2026ko Aste Nagusia. Bederatzi jaiegun bizi izango dira, 2026ko abuztuaren 22tik 30era.
“Botxoko” kaleak konpartsaz, kalejiraz eta txistulariz betetzen dira. Txosna eta barraketan giro aparta izaten da, eta emozioa eta lehiakortasuna izaten dira bai pilota-txapelketetan bai traineru-estropadetan.
Gainera, musikarik onenarekin hitzordua duzu dantzaldietan eta kontzertuetan (hemen egutegia). Ondo informatuta edukiko zaitugu.
Bilboko Aste Nagusiko pertsonaiarik maiteenak ere ez dira falta: erraldoiak eta buruhandiak, Gargantua buru dutela. Marijaia, beste behin ere, Arriagako balkoira aterako da Bilboko 2026ko jaiak hasiko direla iragartzeko.
2026ko San Tomas Bilbon: abenduak 21
Iturria: Bilbao Turismoa
2026ko San Tomas abenduaren 21ean izango da Bilbon, Areatzan. Han izaten da San Tomaseko azoka, hiriko klasiko bat. Duela 100 urte baino gehiagotik ospatzen da, eta sasoi betean jarraitzen du.
Zer aurkituko dugu han? 200 bat postu gure gastronomiaren onenarekin. Beraz, leku ezin hobea da, adibidez, taloa eta txistorra jateko, artisau-sagardoarekin edo txakolinarekin lagunduta.
Hemen aurkituko duzu Bilboko 2026ko San Tomas eguneko informazio eta programa guztia.
Bilboko 2026ko Gabonak: abendua
Bilboko 2026ko jaien egutegia abenduan amaituko da, goren-gorenean, Bilboko 2026ko Gabonekin.
Argiak piztearekin batera, programa bete bati hasiera emango zaio. Gabonetako merkatua eta izotz-pista izango dira Areatzan, Bilboko PINa BECen eta aisialdiko beste proposamen asko. Bilboko 2026-2027ko Gabonetako programan kontsultatu ditzakezu.
Olentzero eta Mari Domingiren 2026ko desfilea Bilbon: abenduak 23
Olentzero eta Mari Domingi Bilbon izaten dira abenduaren 23an, opariak ekartzeko. Carlton hoteleko balkoitik agur egin ondoren, desfilea hasten da; Moyua plazatik abiatu, eta Arriaga Antzokian amaitzen da. Hemen kontatuko dizugu Olentzero eta Mari Domingiren 2026ko Bilboko desfileari buruzko guztia.
Bilboko 2026ko auzoetako jaiak
Bilboko 2026ko jaietan, kontuan hartzekoak dira auzoetako jaiak ere.
Hartu gogoan noiz izango diren Bilboko auzoetako 2026ko jaiak:
- Deustuko 2026ko jaiak :martxoa
- Elorrietako 2026ko jaiak: apirilaren amaiera - maiatza
- Indautxuko 2026ko jaiak: maiatza
- Zurbaranbarriko 2026ko jaiak: maiatza
- Altamirako 2026ko jaiak: maiatza-ekaina
- Ibarrekolandako 2026ko jaiak: maiatza
- Bilboko Zazpi Kaleetako 2026ko jaiak: maiatza
- Arangoitiko 2026ko jaiak: ekaina
- Errekaldeko 2026ko jaiak: ekainaren amaiera - uztaila
- Otxarkoagako 2026ko jaiak: ekaina
- Iralako 2026ko jaiak: ekaina
- Abusuko 2026ko jaiak: ekaina
- Basurtuko 2026ko jaiak: uztaila
- Santutxuko 2026ko jaiak: uztaila
- Bilboko 2026ko San Inazio jaiak: uztaila
- San Adriango 2026ko jaiak: iraila
- Matiko eta Uribarriko 2026ko jaiak: irailaren amaiera - urria
- Olabeagako 2026ko jaiak: iraila
- Solokoetxeko 2026ko jaiak: iraila
- Arabellako 2026ko jaiak: iraila
- Mallonako 2026ko jaiak: iraila
- Zorrotzako 2026ko jaiak: irailaren amaiera - urria
- San Frantziskoko 2026ko jaiak: urria
Ikusten duzunez, Bilbon ez dago aspertzeko lekurik urteko ezein momentutan. Eta, antolatzeko, Bilboko 2026ko jaiei buruzko post hau ezinbestekoa izango da zuretzat.
Gainera, Bilbao BBK Live Festival izango da uzateilean, eta Euskadiko 2026ko beste jaialdi batzuk ere bai, urte osoan ondo pasa dezazun.
Goiburuko irudia: Bilboko Udala.