Aisia TB Guztia TB baduzu, berri onak ditugu zuretzat. Izan ere, Euskaltelen eskaintzen dizugun telebistan hobekuntza handi bat egin dugu. Hemendik aurrera, uneko film arrakastatsuenak eta telesail esklusiboak ikusi ahal izango duzu, SkyShowtimeren katalogoa gehitu dugu eta.
Bai, bai, halaxe da, SkyShowtime erantsiko dizugu automatikoki zure telebista-paketean, zuk ezertxo ere egin beharrik gabe.
Beraz, hemendik aurrera, SkyShowtime-ren film- eta telesail-eskaintza zoragarria gozatu ahal izango duzu. Zinemari dagokionez, Indiana Jonesen saga osoa, Star Treken unibertsoa, Misión Imposibleren ekintza etengabea eta Fast&Furiousen adrenalina dituzu aukeran, besteak beste. Telesailetan, berriz, Chacal eta Mamen Mayo estreinaldiak, adibidez; ekoizpen originalak, hala nola Tulsa King; eta arrakasta handikoak, Yellowstone, kasurako.
Hemen azalduko dizugu nola eta non ikus dezakezun SkyShowtime Euskaltelen.
Non ikusi SkyShowtime zure telebistan
SkyShowtime Aisia TB/Guztia TB aukeran sartzen da, kostu gehigarririk gabe, eta Euskaltelen bidez ikusten duzun telebistaren dialeko 10ean daukazu ikusgai.
Gainera, 4K deskodetzailea baldin baduzu, nahi duzunean ikus dezakezu SkyShowtime-ren edukia Replaytekan. Oraindik ez duzu 4K deskodetzailerik? Eskatu hemen doan.
Bide batez, kanal berria gehitzeko, dialak berrantolatu ditugu. Hemen duzu informazio guztia.
Bestalde, gehitu berria dugunez kanala, film eta telesail guztiak kargatzen ari gara oraindik; beraz, beharbada, faltan sumatuko duzu edukiren bat oraindik. Baina ez kezkatu, iritsiko da ;)
Hona hemen SkyShowtime-n izango dituzun edukien laburpena.
Zer telesail ikus ditzakezu SkyShowtime-n?
Telesail batzuek ez dute behar aurkezpenik. Esate baterako, Yellowstone unibertso arrakastatsuak.
SkyShowtime-rekin, esklusiban ikus ditzakezu Yellowstoneren denboraldi guztiak, bai eta Yellowstone: One-Fifty dokumentala eta 2025ean helduko den The Madison telesailaren saio berriak ere. Taylor Sheridan du sortzaile, eta haren Mayor of Kingstown ere ikusgai daukazu, bai eta Tulsa King ekoizpen originala ere, Sylvester Stallone protagonista duena. Eta ez huts egin Lioness, Zoe Saldaña eta Nicole Kidman direla protagonista.
Aipatzekoak dira orobat Chacal filmaren bertsio berriaren estreinaldia, Eddie Redmayne protagonista duena eta Úrsula Corbero aktorearen lana ere erakusten duena, eta Mamen Mayo SkyShowtime-ren jatorrizko telesaila, komedia eta “drama familiar” bat, Silvia Abril duena protagonista.
Zinema SkyShowtime-n
SkyShowtime-k publiko ororentzako zinema-eskaintza zabal eta askotarikoa du, eta 40 film berri baino gehiago eskaintzen ditu urtero.
Paramount Pictures eta Universal etxeen film eta frankiziarik onenak SkyShowtime-n daude. Hartu gogoan:
-
Jurassic Park
-
Star Trek
-
Regreso al futuro
-
Fast & Furious
-
Misión Imposible
-
Indiana Jones
-
Transformers
Halaber, sari ugari jasotako filmak ere baditu katalogoan, hala nola Oppenheimer, bai eta estreinaldi esklusiboak ere, esate baterako, El Especialista, Ryan Gosling eta Emily Blunt protagonista dituena.
Haurrentzako edukiak Skyshowtime-n
Txikiek ere pozik hartuko dute SkyShowtime, Dreamworks-en eta Nikelodeon-en edukiak eskaintzen baititu.
Etxeko txikienentzat, Kung Fu Panda, Shrek, Madagascar, Trolls eta Migración: Un viaje patas arriba ditu aukeran, bai eta izenburu ikoniko ugari ere: Bob Esponja, Gru, Cómo entrenar a tu dragón eta La patrulla canina, besteak beste.
Familiarekin batera zinema-plan eder bat egiteko, aukera ederra da Amigos imaginarios, John Krasinskik idatzi eta zuzendua eta Ryan Reynolds protagonista duena.
Gozatu Euskaltelen telebista-eskaintza hobetua, SkyShowtime sartu baitugu Aisia TB/Guztia TB aukeran.