Euskaltelen eskaintzen dizugun telebistan, urtea bapo has dezazun nahi dugu. Adibidez, Yellowstone telesail arrakastatsua daukazu SkyShowtimen, hots, joan den hilean gehitu genuen kanalean, eta tenis-partidarik onenak Eurosporten, Australiako Openaren eskutik. Urtarrilean, gainera, Baby TV haurrentzako kanal berria dago ikusgai, eta irekian izango duzu AMC kanala, TWD: Tales of The Walking Dead unibertsoko atal berriak ikusi ahal izateko.

Plataformei dagokienez, ikusmin handia dago Netflixek emango duen El Juego del Calamar 2 telesailaren bigarren denboraldia dela eta. Bestalde, The Pitt heldu da Maxera, eta, azkenean, aukera izango dugu Culpables trilogiako bigarren filma ikusteko Prime Videon: Culpa tuya.

Euskaltelek eskaintzen dizun telebistan urtarrilean ikus ditzakezun estreinaldi batzuei buruzko informazio gehiago emango dizugu orain.

Yellowstone, SkyShowtimen: dialeko 10ean

Yellowstone klasiko bihurtu da. Aisia TBn eta Guztia TBn berriki erantsi dugun SkyShowtime kanalean, duttondarrek botereari, lurraldeari eta Montanako beren arrantxoko sekretuei eusteko dituzten ika-miken berri ematen duen telesailaren aurreneko bost denboraldiak eta 5B denboraldiko kapitulu berriak ikus ditzakezu. John Dutton da familiako burua, Kevin Costner-ek interpretatua. Eta, Yellowstoneko unibertsoan bete-betean murgiltzeko, ez dago sagaren errepasoa egitea bezalakorik, 1883tik 1923ra bitartean, eta hori ere SkyShowtimen ikusi ahal izango duzu.

  • SkyShowtime: dialeko 10ean.

  • Eskaripean: Replaytekan, 4K deskodetzailea baldin baduzu. Oraindik ez daukazu? Eskatu hemen doan.

Tales of The Walking Dead, AMC kanalean, irekian: dialeko 09ean

AMC da urtarrilean Euskaltelen bidez irekian ikusi ahal izango den kanala. Ez huts egin Tales of The Walking Deaden estreinaldia, urtarrilaren 13an (astelehena), 22:10ean. Apokalipsia beste begi batzuen bitartez bizitzen jarraituko dugu, eta mundu, mito eta misterio gehiago ezagutzen, pertsonaia berri eta zaharrak lagun.

Bestalde, asteburuetan, zinema da AMCko protagonista. AMCko Ultrahitak gustu-mota orotarako filmekin datoz 2025ean: klasiko garaikideak —Deep Blue Sea edo Black Hawk derribado, adibidez—, ekintzaz beteriko filmak —Green Zone: Distrito Protegido— eta amodio-istorio ahaztezinak —Expiación—. Ostiral, larunbat eta igandeetan, 22:10ean. Eta, urtarrileko azken asteburuan, El maestro jardinero, Paul Schraderren azken lana.

Laburbilduz, beraz, hau guztia duzu zain AMCn urtarrilean:

  • Tales of The Walking Dead: astelehena, urtarrilak 13, 22:10ean.

  • AMCko ultrahitak: ostiral, larunbat eta igandeetan, 22:10ean.

  • Eskaripean: Replaytekan.

Fire Country, Calle 13n: dialeko 16an

Max Thieriot Bode Leone da Fire Country telesailean (Calle 13 kanaleko telesail berria), laguntzaren eta zigor-murrizketaren bila dabilen preso gazte bat. Hori lortzeko, Kaliforniako iparraldean presoentzat antolatu den baso-suteen aurkako programa batean parte hartuko du. Baina bere jaioterri txikiko programara bidaliko dute, guztia galdu zuen eta sekretu handi bat gordeta alde egin behar izan zuen herrira, hain zuzen ere.

  • Estreinaldia: urtarrilaren 12a, astelehena; 22:00etan, Calle 13 kanalean (dialeko 16an)

  • Emanaldia: astelehenero, 22:00etan

  • Eskaripean: Replaytekan

Auschwitz: 80 años de la liberación, Historia kanalean: dialeko 70ean

estrenos television enero 2025 euskaltel especial auschwitz historia

1945eko urtarrilaren 27an, Armada Gorriko soldaduak Auschwitzera iritsi ziren. Berrogeita hamar urte geroago, Historia kanalak data garrantzitsu hori gogorarazten duen saio berezi bat emango du: Auschwitz: 80 años de la liberación. Bi lan ezezagun emango ditu argitara saio bereziak: Las voces de Auschwitz dokumentala eta Auschwitz, cuenta atrás para la liberación. Bi lan horien bidez, orain arte liberazioaz sekula jakin ez diren sekretuak ezagutuko dituzte ikus-entzuleek.

  • Estreinaldia: urtarrilaren 27a, astelehena, 22:00etan, Historia kanalean (dialeko 70ean)

  • Eskaripean: Replaytekan

Baby TV kanal berria: dialeko 96an

estrenos television enero 2025 euskaltel baby tv

Berri onak ditugu etxeko txikientzat! Baby TV erantsi dugu Euskaltelen bidez ikus ditzakezun Aisia TB eta Guztia TB paketeetan. Haurrentzako kanal hori 5 urtetik beherakoentzat pentsatuta dago bereziki, eta eguneko 24 orduz ematen ditu saioak, publizitaterik gabe. Familia osoarentzako entretenimendua My Robot & I, Viajeras edo Los cuddlies saioekin, besteak beste.

  • Estreinaldia: urtarriletik aurrera, Baby TV (dialeko 96an)

  • Eskaripean: Replaytekan

Eta Guztia TB baduzu, hartu kontuan beste estreinaldi hauek ere:

Las crónicas de Spiderwick, Syfy kanalean: dialeko 18an

SyFy kanalak Las Crónicas de Spiderwic telesaila estreinatuko du urtarrilaren 7an (asteartea), Tony DiTerlizzi eta Holly Black-en literatur saga arrakastatsuan oinarritutako zortzi ataleko telesaila. Fantasia-, abentura- eta emozio-nahasketa perfektua da Spiderwick, izaki magikoz, desafio zirraragarriz eta pertsonaia ahaztezinez betea.

  • Estreinaldia: urtarrilaren 7a, asteartea; 22:00etan, SyFy kanalean (dialeko 18an)

  • Emanaldia: asteartero, 22:00etan.

  • Eskaripean: Replaytekan

Australiako Opena, Eurosporten: dialeko 110ean

estrenos television enero 2025 euskaltel open australia eurosport

Munduko jokalaririk onenak aurrez aurre izango dira urtarrilaren 12tik 26ra bitartean Australiako Openean. Jannick Sinnerrek bere titulua defendatuko du Novak Djokovic eta Carlos Alcaraz lehiakideen aurka. Izan ere, hori du Alcarazek oraindik irabazi ez duen Grand Slameko titulu bakarra. Emakumezkoen artean, Aryna Sabalenka da faborito nagusia, birritan irabazi baitu titulua; aurrean izango ditu Iga Swiatek poloniarra, Paula Badosa, Coco Gauff eta Elena Rybakina kazakhstandarra. Gainera, Australiako Opena 4K kalitatean ikusteko aukera izango duzu.

  • Estreinaldia: urtarrilaren 12tik (igandea) 26ra (igandea), Eurosporten (dialeko 110ean)

  • Eskaripean: Replaytekan

Netflix, Prime Video eta Maxeko nabarmenenak

El Juego del Calamar 2, Netflixen

Hiru urte igaro dira 456 jokalariaren garaipenetik. Heldu da beste helburu eta erronka batzuk bilatzeko garaia. Prest al zaude telesailik ikusgarrienetako baten atal berriak ikusteko? Ez huts egin El Juego del Calamar 2, Netflixen

  • Estreinaldia: abenduaren 26an, osteguna, Netflixen.

Culpa tuya, Prime Videon

Noah eta Nicken arteko maitasunak oztopo ugari gainditu beharko ditu (lana, unibertsitatea, familiak) Prime Videora iritsiko den Culpables trilogiaren atal berrian: Culpa tuya.

  • Estreinaldia: abenduaren 27an, osteguna, Prime Videon.

The Pitt, Maxen

Noah Wylek mediku-mantala jantziko du berriz The Pitten; Maxen telesail original bat da, John Wells Urgencias eta El Ala Oeste de La Casa Blanca telesailetako ekoizleak sortua. Ospitale-munduaren ikuspegi errealista ematen du. Robby doktoreak eta haren taldeak Pittsburgheko Trauma Medical Hospitalen egunero bizi dituzten egoerak kontatzen ditu telesailak.

  • Estreinaldia: urtarrilaren 10ean, ostirala, Maxen.

Horiek dira 2025eko urtarriletik aurrera Euskaltelen bidez ikus ditzakezun telebista-kanaletan zain dauzkazun film eta telesailak.