2024ko Santurtziko jaiak uztailaren 12tik 21era ospatuko dira, Karmenen ohoretan. Izan ere, uztailaren 16a, asteartea, jaieguna da Santurtzin, jaietako egun nagusia, eta ohiko itsas prozesioa egin ohi da. 2024ko karmenetan denetik izango da: kontzertuak, kirol-lehiaketak, sardina-jan herrikoia, su artifizialak… Ikusi hemen 2024ko Santurtziko festetako egitarau osoa.
2024ko Santurtziko jaietako egitaraua
Irudia: Santurtziko Udala
2024ko Santurtziko jaietako egitarauan badira zenbait une huts egin ezinekoak, uztailaren 12tik 21era.
Uztailaren 16ko (asteartea) itsas prozesioaz gain, 2024ko Karmengo jaiek iraungo duten hamar egunetan izango da non gozatua: kalejirak, antzerkia, lehiaketa gastronomikoak, kontzertuak, kirol-lehiaketak, sardina-jan herrikoia eta su artifizialak egun handiko goizaldean.
Bertako bizilagunek eta bisitariek bere egiten dituzte jai guztiz herrikoi hauek; haietan, bereziki aktiboak dira kuadrillak, zeinak taldeka antolatzen baitira kirol-probetan eta ekitaldietan lehiatzeko, hala nola jaitsiera bustietan, edo "Karmengo Jaietako Areto Futboleko Torneoan" eta teniseko "Santurtzi Hiria” txapelketan parte hartzeko.
Aipamen berezia merezi du ostiraleko sardina-janak. Aurretik, udaletxean, Mentxu Santurtziko Karmengo Jaien maskota ofizialari harrera egiten zaio, eta hori da jaien hasiera ofiziala; horren ondoren egiten da sardina-jana.
Santurtziko Udalak jarduera eta kontzertuen egitarau osoa argitaratu du. Apuntatu ordutegiak eta xehetasun guztiak, ezer ez galtzeko.
Uztailak 12, ostirala
- Bisita gidatua Agurtza ontzi museora.
- Parkean, omenaldia SANTURTZIKO MUSIKA-BANDARI (UNIÓN MUSICAL VIZCAÍNA), bere 75. urtemugagatik, eta LAGUN ZAHARRAK abesbatzari, bere 50. urtemugagatik.
- “XV. ITSASALDE ESKU-PILOTA TXAPELKETA – KARMENGO JAIAK 2024”.
- Sardina-jate handia.
- Zugaitzaren pregoia, Sardinoren aurkezpena, txupinazoa eta txosnen irekiera, pantalanetan.
- “Txiki Power”: umeen kuadrillen aurkezpena.
- Festetako pregoia.
- Kontzertu-berbena: Nueva Era.
Uztailak 13, larunbata
- Seranteseko igoera.
- IX. Sardina igeriketa-zeharkaldia.
- Buruhandien kalejira.
- Antzerkia kalean.
- “XV. ITSASALDE ESKU-PILOTA TXAPELKETA-KARMENGO JAIAK 2024”.
- Kuadrillen kalejira.
- Herriko taldeen kontzertua: EMPIRE OF DISEASE, LOS COJONES eta MALA DECISIÓN.
Uztailak 14, igandea
- JOKAI.
- Txitxarrilloak.
- BERTSO-SAIO MUSIKATUA: “Ez da kasualitatea”.
Astelehena, uztailak 15
- Umeen kuadrillen proba.
- Helduen kuadrillen proba.
- MENTXUren kalejira.
- Kontzertua: COQUE MALLA.
Uztailak 16, asteartea
- Egunsentiko Arrosarioa.
- Baserritarren azoka.
- Marmitako-txapelketa.
- Santurtzi kanta.
- SANTURTZI KANTARI.
- Itsas prozesioa.
- Kontzertua: India Martínez.
Uztailak 17, asteazkena
- Zunbatoia.
- Kale-animazioa.
- Areto-futbola: Karmengo jaiak 2024.
- Kontzertua: Los Zigarros.
Uztailak 18, osteguna
- Santurtziko XIX. Xake-jaialdia.
- Pintura eta eskulanen XV. txapelketa.
- Gazte Eguneko txupinazoa.
- Herri-bazkaria.
- “Santurtzi Hiria” XXI. tenis-txapelketa.
- Kontzertua: Chanel.
Uztailak 19, ostirala
- Ur-parkea.
- Balandroen erakustaldia.
- NASAPUNTAKO proba (kukaña).
- Igel-txapelketa.
- Kontzertua: ETS (En Tol Sarmiento).
Uztailak 20, larunbata
- Antzerkia kalean.
- Kuadrillen kalejira.
- Erromeria: GAUTEGUN.
- Kontzertu-berbena: ORQUESTA VULKANO SHOW.
Uztailak 21, igandea
- Sardino erretzea eta azken txanpa.
- 2024ko GORKA SARIEN banaketa-ekitaldia.
- Agurra MENTXUri.
2024ko Santurtziko jaietako kontzertuak
2024ko Santurtziko Karmengo jaietan nor arituko den jakin nahi duzu? Bada, hemen dituzu aurtengo edizioko kontzertuak.
- Uztailak 12, ostirala: Nueva Era orkestra.
- Uztailak 13, larunbata: Oihan Vega + herriko zenbait banda, zein iragarri gabe.
- Uztailak 14, igandea: Kalakan + Santurtziko Udal Banda.
- Astelehena, uztailak 15: Coque Malla.
- Uztailak 16, asteartea: India Martínez.
- Uztailak 17, asteazkena: Los Zigarros.
- Uztailak 18, osteguna: Chanel.
- Uztailak 19, ostirala: ETS (En Tol Sarmiento)
- Uztailak 20, larunbata: Orquesta Vulkano.
Sardina Eguna, 2024ko Santurtziko jaietako sardina-jana
Santurtzin, sardinak dira protagonista Karmengo egunaren aurreko ostiralean.
Sardina Eguna ekitaldi herrikoi eta jendetsuenetako bat da, eta jai handiak iragartzen ditu.
Santurtziarrek aire zabalean eta egur-ikatzarekin estilo tradizionalean erreta dastatzen dituzte.
Arratsaldeko 19:00etatik aurrera, gutxi gorabehera, hainbat tona sardina banatzen dira doan kaleetan.
Ez galdu 2024ko Santurtziko Karmengo Jaietako Sardina-jan Handia uztailaren 12an, ostirala.
2024ko Santurtziko Karmengo itsas prozesioa
Baina, zalantzarik gabe, jaietako izarra Karmenetako itsas prozesioa da. 2024an ere, uztailaren 16an izango da, asteartez, 18:00etan, Santurtziko jaiegunean.
Karmengo Ama marinelen zaindaria da. Horrenbestez, urtero, uztailaren 16an, haren egunean, santurtziarrek itsasoan nabigatzen dute Ama Birjinaren irudiarekin, Euskadiko itsas prozesio antzinakoenean.
Arrantzaleek, sardina-saltzaileen seme-alaba eta ilobek, San Jorge Parrokiatik arrantza-porturaino eramaten dute irudia.
Han, txalupa batera igotzen dute, eta, musika-banda eta dantza-taldeekin batera, Abrarantz abiatzen dira, abagunerako apaindutako itsasontzien itsas segizio koloretsu batean. Ontzi partikularrek ere parte har dezakete, aurretik web ofizialetan izena eman ondoren.
Prozesioko ekitaldirik sinbolikoenetako bat lore-eskaintza da; badian egiten da, hildako arrantzaleen oroimenez.
Lehorrera itzulita, dantza-taldeek sardina-saltzaileak omentzen dituzte dantza tradizionalekin. Sardina-saltzaileen irudia oso maitea da Santurtzin; portuko kaleetan barrena ibiltzen ziren, oinutsik eta otarra buruan. Irudi hori izan zen ziur aski ezagutuko duzun kantu herrikoi honetarako inspirazioa:
Desde Santurce a Bilbao
Vengo por toda la orilla,
Con mi saya remangada
Luciendo la pantorrilla,
Vengo deprisa y corriendo
Porque me oprime el corsé,
Voy gritando por las calles
¡Quién compra!
Sardiña frexkue
Mis sardinitas
Que ricas son
Son de Santurce
Las traigo yo
[...]
Santurtziko Karmengo jaien jatorria
Karmengo jaiak 1907az geroztik ospatzen dira Santurtzin.
Urte horretan, Pio X.a aita santuak Santurtzi udalerriko (Ortuellatik bereizita jada) zaindari kanoniko izendatu zuen Karmengo Ama Birjina.
Maiatzaren 29an izan zen hori, eta, aste gutxiren buruan, uztailaren 21ean, igandearekin, lehendabiziko itsas prozesioa egin zen.
Harrezkero, santurtziarrek beren zaindaria omentzen dute, eta ez urteko egun bakar batean.
Adibidez, bizilagunek ordaindu zuten Portuan dagoen Karmengo Amari eskainitako monumentua ere, Ricardo Iñurria tokiko artistak 1948 eta 1950 artean egina.
Baina, zalantzarik gabe, Karmengo Amarekiko gurtza handiena uztailean egiten da, Karmengo egunarekin bat eginda. Eta santurtziarrek beren jai handien xehetasun guztiak zaintzen dituzte.
Ikusten duzunez, 2024ko Santurtziko jaiek ez dute aspertzeko lekurik uzten, eta ezin hobeto konbinatzen dituzte debozioa, tradizioa eta jaia.
Goiburuko irudiaren iturria: Serantes Kultur Aretoa