Planifikatu asteburua, lagunekin edo familiarekin era guztietako ekintzez gozatzeko: kontzertuak, antzerkia, jaialdiak, erakusketak, festa gastronomikoak eta beste gauza asko. Hilero, kontsultatu Euskadin egiten diren jarduera eta ekitaldien agenda.
Hona hemen azarorako plan eder asko batzuk.
Euskadiko jaiak eta ospakizunak
2026ko azaroak 6-8 Sanmartinak Algortan (Getxo)
2026ko azaroak 7: Gernikako Babarrunaren Eguna
2026ko azaroak 7: Zamudioko XII. Txokolate, Gozoki eta Artisautza Azoka
2026ko azaroak 8: San Martin azoka Santikurutze Kanpezun
2026ko azaroak 8-11: Sanmartinak - Gizarte Etxea (Gasteiz)
2026ko azaroak 15-30: Sanandresak Eibarren
2026ko azaroak 21: XXXI Tolosako Babarrunaren Festa
2026ko azaroak 21-30: Sanandresak Azkoitian
Musika, kontzertuak eta jaialdiak Euskadin
2026ko azaroak 5: Rosana, Donostian
Rosana, "El talismán" edo "A fuego lento" abesti arrakastatsuen egilea, Donostiako Kursaalean arituko da azaroaren 5ean.
2026ko azaroak 5: Muerdo, Gasteizen
Hamarkada bat baino gehiagoko ibilbidearen eta sei diskoren ostean, Pascual Cantero kantautore, konpositore eta poeta, artistikoki Muerdo izenez ezaguna, Iberoamerikako ahots ezagunenetako bat da. Gasteizko Urban Rock Concepten arituko dira azaroaren 5ean.
2026ko azaroak 5: Maria Jose Llergo, Bilbon
María José Llergo, flamenkoko kantari berri eta arrakastatsuenetako bat, Bilboko Arriaga Antzokian arituko da azaroaren 5ean.
2026ko azaroak 5: Lipe Court, Donostian
Lipe Court musikari, abeslari eta konpositore brasildarrak, zeina Euskadin bizi baita, Donostiako Altxerri Jazz&Club-era eramango du bere erritmoen fusioa azaroaren 5ean.
2026ko azaroak 6: Maldita Nerea, Gasteizen
Maldita Nereak "15 años y un Secreto" kontzertua eskainiko du Gasteizko Jimmy Jazz aretoan azaroaren 6an.
2026ko azaroak 6-7: MAZ Basauri
MAZ Basauriren beste edizio bat egingo da aurten, musika independentearen artista onenen kontzertuekin. Hauek arituko dira, besteak beste: Rufus T. Firefly eta La Bien Querida. Basaurin, azaroaren 6an eta 7an.
2026ko azaroak 7: The Vintage Caravan, Gasteizen
The Vintage Caravan Islandiako rock-hirukote liderrak rock progresibo eta klasikoaren bere pop bertsioa eskainiko du Gasteizko Hell Doradon azaroaren 7an.
2026ko azaroak 7: DEPEDRO, Gasteizen
DEPEDROk "Furia y calma" disko berria aurkeztuko du Jimmy Jazz Gasteiz aretoan. Otsailaren 7an, larunbata.
2026ko azaroak 13: Bryan Adams, Bilbon
Bryan Adams artista sarituak, "Roll With The Punches 2026" biraren barruan, kontzertu bat emango du Bizkaia Arena BECen azaroaren 13an (ostirala).
2026ko azaroak 14: Ivan Ferreiro, Donostian
Iván Ferreirok, zeina indie munduko ahotsik ezagunenetako bat baita, "Hoy x Ayer" diskoarekin ospatuko du 35 urteko musika-ibilbidea. Azaroaren 14an Donostiako Kursaalean arituko da.
2026ko azaroak 15: Cloud Nothings, Donostian
Cloud Nothings taldeak Clevelandeko indie rock zaratatsu eta onena eramango du Donostiako Dabadaba aretora azaroaren 15ean.
2026ko azaroak 15, 20 eta 21: Aitzina Folk, Gasteizen
Folk-musikako jaialdi solidarioaren barruan, Xip Xap Piratas de Secano (azaroak 15), Dervish (azaroak 20) eta Saltaire (azaroak 21) taldeen emanaldiak izango dira. Arkabian (Gasteiz).
2026ko azaroak 19-20: Niña Polaca, Bilbon
Niña Polacaren rock alternatiboa entzuteko aukera Bilboko Kafe Antzokian, azaroaren 19an eta 20an. Bere azken diskoa aurkeztuko du, “¿Dónde está la ONU cuando más la necesitas?” izenekoa.
2026ko azaroak 19 eta 21: Catherine Russell, Donostian
New Yorkeko Catherine Russell mundu osoan ibili da bere jazz-melodiak zabaltzen. Azaroaren 19an (osteguna), Bilboko Campos Elíseos antzokian arituko da, eta igandean, azaroak 21, Donostiako Kursaalean.
2026ko azaroak 20: Shinova, Bilbon
Shinovak lan berri bat argitaratu du, "La Tormenta Perfecta" izenekoa. Azaroaren 20an, ostirala, zuzenean arituko da Bilboko Euskalduna Jauregian.
2026ko azaroak 22: Darius Jones Trio, Donostian
Darius Jones Triok bere azken diskoa, "Legend of e'Boi (The Hypervigilant Eye)", aurkeztuko du azaroaren 22an, Donostiako Victoria Eugenia antzokian.
2026ko azaroak 26: Kaparrak, Bilbon
Euskararen eta hegoaldeko erritmoen arteko fusio berezi egiten du Kaparrak taldeak. Bilboko Kafe Antzokian arituko dira azaroaren 26an.
2026ko azaroak 26: Levitants, Donostian
Levitants taldearen baxurik gabeko post-punk urratzailea zuzenean entzungo da Donostiako Dabadaba aretoan azaroaren 26an.
2026ko azaroak 27 eta 28: Midnight Boogie Weekend 2026, Gasteizen
Soul, rock'n'roll eta rhythm&blues doinuak uztartuko dira Midnight Boogie Weekend 2026 jaialdian. Azaroaren 27an eta 28an, Gasteizko Hell Doradon.
2026ko azaroak 28: Jorge Drexler, Bilbon
Jorge Drexler musikari, konpositore eta abeslari uruguaitarrak "TARACÁ" disko berria aurkeztuko du zuzenean Bilboko Euskalduna Jauregian azaroaren 28an.
2026ko azaroak 28: Revólver, Bilbon
Revólver taldea haurtzarora itzuli da bere azken lanaren izenburuarekin: "LA 03010". Bilboko Arriaga antzokian arituko dira, azaroaren 28an.
Antzerkia azaroan Bilbon, Donostian eta Gasteizen
2026ko azaroak 3 eta 4: "El pesimismo alegre (Mi suicidio)", Bilbon
Heriotzaren aurretik, funtsezko galdera batzuk maitasunari, gizarteari, lanari, plazerari eta bizitzari buruz... "El pesimismo alegre (Mi suicidio)", Bilboko Arriaga antzokian, azaroaren 3an eta 4an.
2026ko azaroak 6: "Aquí hay match", Donostian
Maitasunari, hitzorduei eta harremanei buruzko umorezko ikuskizun bat da “Aquí hay match”. Charesek eta Teresak (@charesconteresa) joko handi bat bihurtzen dute bikote-harremana. Azaroaren 6an, ostirala, Donostiako Imanol Larzabal Aretoan (Lugaritz).
2026ko azaroak 7: "Constelaciones", Gasteizen
Fisikari kuantiko baten eta erlezain baten arteko harremanari buruzko antzezlan garaikide bat. Gasteizko Félix Petite antzokian, azaroaren 7an (larunbata).
2026ko azaroak 8: Ángel Martín: "Somos monos", Donostian
Gizakiok garunaren % 10 baino ez dugu erabiltzen. Angel Martinek azaltzea nahi baduzu, etorri Donostiako Kursaalera azaroaren 8an.
2026ko azaroak 12 eta 13: "La vida extraordinaria", Gasteizen
Lurreko biziaren jatorria azaltzea oso zaila da. Malena Alterio eta Carmen Ruiz horretan saiatzen dira "La vida extraordinaria" antzezlanean. Gasteizko Felix Petite antzokian arituko dira azaroaren 12an eta 13an.
2026ko azaroak 13 eta 14: "Esencia", Donostian
Juan Echanove eta Joaquin Climent dira "Esencia" laneko protagonistak, gure ziurtasunei buruz hausnartzeko obra honetan. Donostiako Victoria Eugenia antzokian, azaroaren 13an eta 14an.
2026ko azaroak 14 eta 15: "Género de dudas", Bilbon
Zalantza ez da inoiz izan Pastora Vega eta Pablo Carbonell protagonista dituen antzezlan honetan bezain dibertigarria; Bilboko Campos Eliseos antzokian ikus dezakezu, azaroaren 14an eta 15ean.
2026ko azaroak 15: "El show de Ignatius Farray", Gasteizen
Ignatius Farray, edo asko gustatzen zaizu, edo ez zaizu batere gustatzen; zuk zeuk probatzea onena. Zuzenean arituko da Gasteizko Jimmy Jazz aretoan, azaroaren 15ean.
2026ko azaroak 20: "Verborrea", Gasteizen
Bakarrizketen eta ahots gurutzatuen bidez, bi anaiaren bizitza ezagutuko dugu. Javier Cámara, Israel Elejalde, Marta Nieto eta Emilio Tomé aktoreek osatzen dute "Verborrea" antzezlaneko aktoreen zerrenda. Azaroaren 20an (ostirala) ikusi ahal izango da Gasteizko Felix Petite antzokian.
2026ko azaroak 28: "Criminopatía", Bilbon
Fenómeno Criminopatíak, une honetan gehien entzuten den true crime podcastak, agertokietara egin du jauzi. Azaroaren 28an, larunbata, Campos Elíseos antzokian, Bilbon.
Erakusketak euskal museoetan
2026ko azaroaren 30era arte: "1976-M3-2026: Oroitu eta Kontatu", Gasteizen
Gasteizko sarraskiaren 50. urteurrena dela eta, Martxoak 3 Elkarteak "1976-M3-2026: Oroitu eta Kontatu” erakusketa antolatu du. Gasteizko Zabalgana gizarte-etxean.
2026ko azaroa: Xabier Morras, Donostian
Xabier Morrás artista nafarraren landa- eta hiri-paisaiak ikusgai Donostiako Kutxa Fundazioan.
2026ko azaroa: "Balerdi. Lerro infinitua", Bilbon
Berrogeita hamar lanetik gora dira, bere ibilbidearen hasieratik Balerdik marrazkigintzari eskaini dion dedikazio etengabea erakusten dutenak. Bilboko Arte Ederren Museoan.
2026ko azaroak 21: "Modaren B aldea - Ekoizpena, kontsumoa eta inpaktua", Gasteizen
Ehungintzarekin lotutako ingurumen- eta gizarte-problematikari buruzko informazio-erakusketa bat. Atarian ikusgai (Gasteiz).
Astebururako plan gehiago Euskadin
2026ko urriaren 30etik azaroaren 6ra: 37. "Fantasiazko eta Beldurrezko Zinemaren Astea", Donostian
Fantasiazko eta Beldurrezko Zinemaren Donostiako 37. Astea urriaren 30etik azaroaren 6ra ospatuko da. Aurtengo edizioan, gorputz-izua da protagonista nagusia.
2026ko azaroak 1: "El Hipnotista", Bilbon
"El hipnotista", Jeff Toussaint-ena, ikuskizun ezin erakargarriagoa eta dibertigarriagoa da. Bilboko Campos Elíseos antzokian, azaroaren 1ean (igandea).
2026ko azaroak 4: "Mitoen garaia", Gasteizen
Jainkoek, heroiek, naturaz gaindiko indarrek eta sorrerako kontakizunek osatutako unibertsora eramaten gaitu “Mitoen garaia”k. Gasteizko Europa Biltzar Jauregian, azaroaren 4an.
2026ko azaroak 5: "The Common Ground", Gasteizen
“The Common Ground” dantza-ikuskizuna esperientzia kultural ezberdinak dituen seikote batek interpretatzen du. Gasteizko Jesús Ibáñez de Matauco antzokian, azaroaren 5ean.
2026ko azaroak 5-9: ZINEBI, Bilbon
ZINEBIk, Bilboko Dokumentalen eta Film Laburren Nazioarteko Jaialdiak, mundu osoko sortzaileak elkartuko ditu aurten ere. Azaroaren 5etik 9ra.
2026ko azaroak 8: "Piztia eta Ederra. Musikala", Bilbon
Adin guztietarako musika-abentura zoragarri bat. Azaroaren 8an egongo da ikusgai, Bilboko Campos Eliseos Antzokian.
2026ko azaroak 14: "Eko eta itsasoa", Donostian
Izaki magikoa da Eko, musikaren eta kantuaren bidez plastikoei edo klima-aldaketari aurre egiten diona. Familia osoarentzako ikuskizun bat, Donostiako Kursaalean, azaroaren 14an (larunbata).
2026ko azaroak 14: "El gran inmolador", Gasteizen
2000ko hamarkadan girotutako reality bat; bost emakume dira partaide, haiek jakin gabe. Martxoaren 14an, Gasteizen, Zabalganan.
2026ko azaroak 15: "Farra", Gasteizen
Urrezko Mendean girotutako kabaret barroko bat; musika-ikuskizun onenarentzako Max Saria jaso zuen 2025ean. Ez huts egin "Farra". Azaroaren 15ean, Gasteizko Félix Petite antzokian.
2026ko azaroak 18 eta 19: "Igogailua/ El ascensor", Bilbon
"Igogailua/ El ascensor" ikuskizunak antzerkia, musika eta argiak uztartzen ditu, esperientzia sentsorial eta murgiltzaile bat eskaintzeko. Azaroaren 18an eta 19an, Bilboko Arriaga antzokian.
2026ko azaroak 21, 22, 27, 28 eta 29: Gure Zirkua, Gasteizen
Euskarazko lehen zirku ibiltaria Gasteizera itzuliko da 8 urteren ostean. Noiz? Azaroaren 21, 22, 27, 28 eta 29an. Non: Musikaren pasealekuan.
2026ko azaroak 22: "Presente", Donostian
Clown-ikuskizun bat. Plastikozko uharte batean bizi den neska pailazo bat da protagonista. Donostiako Kutxa Fundazioan, azaroaren 22an.
2026ko azaroak 24 eta 25: "Titizé - A Venetian dream", Donostian
Umorea, musika, akrobazia eta irudimena elkartzen dituen ikuskizun bat, esperientzia paregabea osatzen duena. Azaroaren 24an eta 25ean, Donostiako Victoria Eugenia antzokian.
Aisia- eta kultura-plan bikainak proposatzen dizkizugu azarorako Euskadin.