Txikienek ilusio handiz itxaroten dute ekialdetik datozen errege magoen etorrera, haiek ikusi eta agurtzeko, eta, nola ez, opariak jasotzeko. Bilboko 2025ko Erregeen desfilea noiz den, zer ibilbide egingo duen eta zer ordutegi izango duen esango dizugu; Meltxorrek, Gasparrek eta Baltasarrek Bilboko udaletxean harrera noiz egingo duten eta topaketa berezi hori txikienekin ikusteko txartelak nola lortu ere azalduko dizugu.
Has gaitezen, hain zuzen, Bilbon 2025ean Erregeei egingo zaien harreratik.
2025ko Erregeen harrera Bilbon
Zure txikiek Meltxor, Gaspar eta Baltasar aurrez aurre ezagutzea nahi duzu? Has daitezela gutuna idazten, 2025eko urtarrilaren 5ean, igandez, hartuko baitituzte haurrak.
Iaz bezala, harrera goizez egingo da, Erregeen desfilearen aurretik. 10:00etatik 14:00etara izango da.
2025ean Bilbon Erregeak ezagutzeko, txartela lortu behar duzu aldez aurretik; Udalaren webgunean izango dira eskuragai urtarrilaren 2an (osteguna).
Ekitaldien datak laburbilduko dizkizugu, ez dezazun huts egin:
- 2025eko urtarrilaren 2a, osteguna: sarrerak eskuragai egongo dira Udalaren webgunean.
-
2025eko urtarrilaren 5a, ostirala, goizez: Erregeen harrera Bilboko udaletxean.
Bilboko 2025ko errege-desfilearen ibilbidea eta ordutegia
Ilusioz beteriko arratsaldea izaten da urtarrilaren 5ekoa, ekialdetik datozen Errege Magoak ikusten baititugu beren karrozetan Bilboko kaleetatik igarotzen. Eta Meltxor, Gaspar eta Baltasar erregeekin batera, nola ez, segizio guztia: karameluak banatu eta gutunak jasoko dituzte, eta musika, argia eta kolorea ekarriko dituzte Bilboko 2025eko errege-desfilearen ibilbidera.
Aterkia erabiltzen duzu inork baino gozoki gehiago hartzeko? Baduzu gustuko toki bat, eta beti jartzen zara han Errege Magoak igarotzen ikusteko? Orduan, hartu gogoan Bilboko 2025eko errege-desfilearen ordutegia:
-
2025eko urtarrilaren 5a, igandea, 18:00etan: desfilearen hasiera.
-
2025eko urtarrilaren 5a, igandea,19:30ean (gutxi gorabehera): udaletxera iritsiko dira eta balkoitik agurtuko dute.
Eta hau da Bilboko 2025eko errege-desfilearen ibilbidea:
-
18:00: Kale Nagusitik aterako da errege-desfilea, Maria Diaz Haroren kalearen parean.
-
18:30: Moyua plaza, Carlton hotelaren aurretik.
-
19:00: Kale Nagusia eta Plaza Biribila.
-
19:30: Udaletxera iritsiko da.
Nolakoa den Bilboko errege-desfilea
Lehen karroza Erregeen Postaren sailekoa izan ohi da, eta azken orduko gutunak jasotzen dituzte, txiki bat bera ere oparirik gabe gera ez dadin.
Haren ondotik, suhiltzaile-kamioi zaharra doa, eta, Errege Magoen karrozen aurretik, Ekialdeko Izar Handia.
Meltxor harrizko gaztelu batean iristen da urtero; Gaspar, hondarrezko gaztelu asiar batean; eta, Baltasar, zurezko gaztelu afrikar batean.
Desfilearen amaieran, karrozarik gozoena egoten da: Gozoki Fabrika.
Bilboko 2025eko errege-desfilea ahogozagarri izan dadin eta Gabonetako ilusiorik handienaz joan gaitezen oparien zain egotera.
Goiburuko irudia: Bilboko Udala