Irailaren 27tik urriaren 6ra ospatzen dituzte sanmigelak Basaurin: Gustu guztietarako jardueraz betetako astebete baino gehiago. Basauriko 2024ko sanmigelei buruz gehiago kontatuko dizugu; kuadrillarik eta kontzerturik ez da faltako.
Udazkenari festarekin egiten dio ongietorria Basaurik. Bi aldiz festa, gainera, San Migel eta San Fausto jaiekin. Izan ere, biak dira, San Fausto eta San Migel, Bizkaiko herri horretako zaindariak.
San Migel jaiei buruz hitz egingo dizugu hemen. Gure blogeko beste post honetan daukazu Basauriko 2024ko San Fausto jaiei buruzko informazio guztia.
2024an, San Migel jaiak irailaren 27an hasiko dira (ostirala), eta urriaren 6an amaituko (igandea). Azken urteotan ohikoa den bezala, Mikelats Kultur Elkarteak antolatzen ditu.
Basauriko 2024ko sanmigeletako egitaraua
Irudia: Mikelats Kultur Elakrtea
Basauriko sanmigelak Euskadiko ospakizun ezagunenetako bat dira, eta milaka lagun elkartzen dira urtero, pregoiaren eta txupinazoaren ondoren, kirol-jarduerez, gastronomiaz, musikaz eta hainbat jardueraz gozatzeko —50 jarduera baino gehiago guztira—-.
Prestatzen joan zaitezen, kontatuko dizugu zeintzuk diren Basauriko 2024ko sanmigeletako hitzordu nagusiak.
Irailak 27, ostirala
20:00: Herriko taldeen kontzertua.
Irailak 28, larunbata
11:00: Martxa zikloturista
17:45: Kuadrillak Taberna Nagusian elkartuko dira
19:00: Pregoia eta txupinazoa
23:00: Kontzertuak
Irailak 29, igandea
09:30: Indaba-jan herrikoirako puska-bilketa
10:00: Haurrentzako 3ko futboleko txapelketa mistoa
10:30: Esku-pilota jaialdia
12:00: Euskal dantzak
13:00: San Migelen omenezko meza
17:30: Kuadrillen arteko olinpiadak
19:30: Play-back lehiaketa
Irailak 30, astelehena
10:00etan hasita: Haurrentzako jarduerak eta jolasak: txu-txu trena, zezen mugikorrak, puzgarriak…
18:00: Partxis Txapelketa
18:30: Txokolate-jatea
20:00: Mus Txapelketa
Urriak 1, asteartea
17:00etan hasita: Haurrentzako tailerrak. Eskalada-murrua
18:00: Partxis Txapelketa
20:00: Mus Txapelketa
Urriak 2, asteazkena
16:45: Haurrentzako askaria
17:00: Magia. Sumo. Gladiatoreak
18:00: Partxis Txapelketa
20:00: Mus Txapelketa
20:00: Esgrima historikoko erakustaldia
Urriak 3, osteguna
17:00etan hasita: Haurrentzako jarduerak eta jolasak: Apatxeen lurraldea, zezen mekanikoa...
18:00: Partxis Txapelketa
19:00: Txorizoa sagardotan
20:00: Mus Txapelketa
Urriak 4, ostirala
17:00etan hasita: Haurrentzako jarduerak: ohe elastikoak…
18:30: Zütik elektrotxaranga
19:00: Sardina-jate herrikoia
20:00: Futbolin Txapelketa
23:00: Kontzertuak
Urriak 5, larunbata
12:00: Gimnasia erritmikoko erakustaldia
12:30: Postre-lehiaketa
14:00: Paella-jate herrikoia
22:00: Kontzertuak
Urriak 6, igandea
10:00: Marmitako- eta tortilla-lehiaketa
10:00: Esku-pilota jaialdia
14:30: Bazkaltzera!
18:45: San Migel jaien amaierako ikuskizuna
Basauriko 2024ko sanmigeletako kontzertuak
Musika da San Migel jaietako osagai nagusietako bat.
Hauek ikusi eta entzun ahal izango dituzu Basauriko 2024ko sanmigeletan, besteak beste:
Irailak 27, ostirala
20:00: Bertako artistak: Overall, Pelícanos, Niere, Maialen Ibarra + DJ Quez
Irailak 28, larunbata
23:00: Talgo + Gautegun Erromeria
Urriak 4, ostirala
18:30: Zütik Elektrotxaranga + +dMANÁ(Maná-ren omenez) + A&B Show
Urriak 5, larunbata
Hay poco Rock and Roll (Extremoduro-ren + Marea-ren + Platero y tú-ren omenez) + Akerbeltz Erromeria
Basauriko sanmigelak eta kuadrillak
Kuadrillak protagonista izaten dira Basauriko San Migel jaietan;
bilkura, olinpiadak eta jaitsiera egiten dituzte, besteak beste.
Beren txupina ere egiten dute; haren ondoren jaisten dira herrigunera, Basauriko Sanmigeletako pregoia eta hasierako txupinazoa ikusteko.
Orduantxe lehertzen da jaia, eta aspertzeko aukerarik ez da izaten.
Basauriko San Migel jaietako jarduerak
Basauriarrek eta bisitariek egun osoan primeran pasatzeko pentsatuak daude jaiak.
Horretarako, erakusketak, tailerrak, antzerkia eta musika-ikuskizunak antolatzen dituzte, besteak beste.
Eta, umeentzat, berriz, puzgarriak, tailerrak, betiko jokoak eta zirkoa.
Elkartasun-ekintzek ere presentzia handia dute: txokolate-, babarrun- eta sardina-janak eta paella herrikoiak egiten dituzte, besteak beste.
Gastronomiarekin jarraitzeko, postre- edo marmitako-lehiaketak egiten dira, eta baserriko produktuen azoka bat ere antolatzen da, parte-hartzaileek bertako produktuak dastatu edo eros ditzaten.
Basauriko sanmigelak eta kirola
Kirolik ere ez da falta izaten. Bi jarduera nabarmentzen dira: martxa zikloturistak eta pilota-txapelketa.
Izan ere, kirola oso errotua dago San Migel auzoan. Frontoi handi bat, pilota-eskola bat eta futbol-zelai bat ditu; hantxe aritzen da San Migelgo futbol-taldea, 1950eko hamarkadan sortua.
Gainera, nazioarteko partxis-txapelketa, mus-txapelketa eta futbolin-txapelketa ere egiten dituzte.
Hori guztia eta gehiago izango duzu Basauriko San Migel auzoko jai enblematikoetan.
Basauriko San Migel auzoa
Hantxe hasi zen dena. Gaur egun Basauri esaten diogu herriko lehen auzoa izan zen San Migel. San Migel elizaren babesean hazi zen auzoa, XVI. mendearen hasieran. Basauriko San Migel Elizatea esaten zitzaion orduan.
Gaur egun, Basauriko patroia da San Migel, San Faustorekin batera, eta bigarren santu horren omenezko festak urriaren 11tik 20ra ospatzen dira.
Udazkenerako plan bikaina daukazu, beraz. Gogoratu: 2024an, irailaren 27tik urriaren 6ra ospatuko dira sanmigelak.
Goiburuko irudiaren iturria: Mikelats Kultur Elakrtea.