Arratsalde-pasan ibiltzen zara Bilbon? Askok nahiago dute egunean zehar jai egin, eta aisialdiko lokalak horretaz konturatu dira. Bilbon arratsalde-pasa egiteko tabernen bila bazabiltza, irakurtzen jarraitu, zure gustuekin bat egiten duen ingurua zein den ikasteko. Bilbon arratsalde-pasa egiteko diskoteken berri ere emango dizugu, asteburuko arratsaldeetan antolatzen dituzten jai tematikoetan dantza egitera atera zaitezen. Hemen aurkituko duzu Bilbon arratsalde-pasa egiteko behar duzun guztia.
Arratsalde-pasa egiteko inguruak Bilbon
Arratsalde-pasa egiteko inguru bat baino gehiago dago Bilbon, gauzak bonbazia handian egiten baitira hemen, eta taberna-klase asko daudelako hirian zehar. Proposamen hauek gorde:
Pozas
Inguru ezin hobea da arratsalde-pasari hasiera emateko. San Mamesetik oso gertu dago; beraz, imajinatu giroa Athleticek etxean jokatzen duenean. Poza kale luzea lokalez beteta dago zurito eta kalimotxo batzuk hartzeko. Ez ditugu zerrendatuko hemen aurkituko dituzun taberna guztiak, ez baikenuke bukatuko; onena da joan eta eguneko aisialdiaz gozatzea.
Martzana
Arratsalde-pasa itsasadarrari begira egin nahi baduzu, Martzana izugarri gustatuko zaizu. Martzanako tabernetan giro alternatiboa aurkituko duzu. Terraza mordoa eta musika desberdina izango dituzu garagardo artisauak eta bermutak gozatzeko. Datorren astebururako gogoan izan inguru hau.
Alde Zaharra
Alde Zaharra apustu segurua da beti. Bertako kaleak taberna mitikoz beteak daude, batez ere hiru gunetan: Plaza Barrian, tradizionala eta modernoa uztartzen dituzten pintxoz betetako tabernetan; Iturribide kalean, 80 eta 90eko hamarkadetako belaunaldia astebururo joaten zen bertara gauari hasiera emateko; eta Somera kalean, pikatzeko eta edateko jatetxeekin. Eta luzatzen bada, Kafe Antzokian dantzan amaitu dezakezu.
Ledesma
Arratsalde-pasa egiteko beste aukera bat da Ledesma. Kale Nagusitik gertu dagoen kale hau tabernaz beteta dago, eta pintxo oso landuak dituzte. Inguru lasaiagoa da, aperitiboetarako eta arratsalde-pasa egiteko aproposa.
Arratsalde-pasa egiteko diskotekak Bilbon
Arratsalde-pasa egiteko diskotekak oso modan daude Bilbon, eta asteburuero aurki ditzakezu festak, ostiral eta larunbatetan, baina baita igandeetan ere, kasu batzuetan.
Indie musika-festak, 80 eta 90eko hamarkadetakoak... musika-estilo desberdinak aurkituko dituzu adin-tarte guztietarako. Eta denek helburu bera dute, jendeak ondo pasatzea eta Bilbon arratsaldean dantzan gozatzea.
Festak noiz eta non diren eta zer musika-estilo duten jakiteko, ekitaldi-sustatzaile nagusien egutegia kontsultatzea da onena. Adibidez: Countdown Parties, Salseo Bilbao eta Bilboleo.
Eta hauek dira Bilbon arratsaldea pasatzeko diskotekak, non jai tematikoak antolatzen dituzten:
- La Ribera
- Bombón Club
- Crystal
- Budha
- Moma
- Back&Stage
- Davinci
- Mytho
- Holiday
Sare sozialetan ere ikusiko duzu diskoteka horietan noiz izaten diren jaiak, kuadrillari abisatzeko eta ostiral, larunbat edo igande arratsalde batean dantzatzera ateratzeko.
Badakizu, gaupasa egin nahi ez baduzu, apunta zaitez Bilboko arratsalde-pasetara.
Goiburuko irudia: La Ribera Bilbao