Imajinatu zuzeneko kontzertu bat non 1970eko hamarkadatik gaur egunera arteko euskal kantuak entzun ditzakezun, artista handiek interpretatuak eta bertsio sinfonikoan. Halakoa da Ura Bere Bidean, eta Bizkaia Arena - BEC!en egingo da laugarren urtez, urriaren 25ean eta 26an. Ekitaldiari buruzko informazio guztia emango dizugu: noiz egingo den, nola eskuratu sarrerak eta zer artistak hartuko duten parte.
Gure musika gure historia da. Haurtzaroa, familia, tradizioak... ekartzen dizkigu gogora. Beraz, modu zoragarria da gure sustraiei omenaldia egiteko eta, bide batez, ikuskizun on batez gozatzeko.
Fair Saturday fundazioak bultzatutako ekimena da Ura Bere Bidean, eta euskal artisten eta gaien balioa aldarrikatzen du. Eta hori praktikara eramateko modurik onena zuzeneko kontzertu handi bat da.
Noiz ospatzen den Ura Bere Bidean 2024 BECen!
Ura Bere Bideanek udazkenean du hitzordua, Barakaldon. Laugarren edizioa izango da, eta Bizkaia Arena da aukeratutako agertokia. Datari eta orduari dagokienez, urriaren 25ean eta 26an izango da, 20:00etan.
Bi ordu eta erdiz, gutxi gorabehera, artista eta talde handiek garai askotako euskal kantak interpretatuko dituzte. Bertsio sinfonikoan izango da, Bilbao Orkestra Sinfonikoak eta Bilboko Koral Elkarteak lagunduta.
Oraingoan ere, Fernando Velazquez konpositore getxotarrak egokitu ditu kantuak. Zinema, telebista eta antzerkirako musika egina du, orkestra-zuzendari eta biolontxelo-jotzaile izateaz gainera.
Sarrerak Ura Bere Bidean 2024 ikuskizunerako BECen!
Sarrerak ziztu bizian doaz; beraz, argi ibili joan nahi baduzu.
Ura Bere Bidean 2024 Bizkaia Arenan ikusteko sarreren prezioa 12 eta 35 euro bitartekoa da, eta Ura Bere Bidean-en webgune ofizialean eros ditzakezu.
Ura Bere Bidean 2024ren kartela
20 artistak baino gehiagok parte hartuko dute Ura Bere Bidean 2024 jaialdian. Kartelean denetarik daukagu, eta Bizkaia Arena - BEC!en oholtzatik hainbat belaunaldi eta estilotako artistak pasatuko dira.
Talde batzuen pop musika edo musika elektronikoa eta euskarazko letrak kontzertu eta abesti arrakastatsuen zerrenda ugaritan entzuten ari dira, hala nola Zetak eta Bulego; ukitu intimistagoa duen autore-musika, Eñaut Elorrietarena bezalakoa; soul, dance eta funk esentzia duten gure ahotsak ere badira, Ura Bere Bidean-en estreinatzen direnak, hala nola Janus Lester; mundu erdiko oholtzetan jada ibiliak diren taldeak, hala nola Zea Mays; erreibindikazioa barruan daramaten taldeak, hala nola Reincidentes; oholtzaz oholtza hamarkadak egin dituzten eta aurkezpen-beharrik ez duten taldeak, hala nola Doctor Deseo; eta nazioartean ospea duten gonbidatu bereziak ere bai; esaterako, Jorge Drexler uruguaiarra.
Hona hemen urriaren 25ean eta 26an Ura Bere Bidean 2024an izango diren artisten zerrenda osoa:
-
Süne
-
Olaia Inziarte.
-
Janus Lester.
-
Idoia
-
Bulego
-
Esti Markez
-
Zetak
-
Olatz Salvador
-
Nøgen
-
Maren
-
Huntza
-
Izaro
-
Eñaut Elorrieta
-
ETS
-
Kalakan
-
Gatibu
-
Zea Mays
-
Mikel Urdangarin
-
Jorge Drexler
-
Sorotan Bele
-
Mikel Markez
-
Su ta Gar
-
Reincidentes
-
Celtas Cortos
-
Doctor Deseo
Ura Bere Bidean 2024ri buruzko informazio orokorra
Ura Bere Bidean behar bezala goza dezazun, aholku eta gomendio orokor batzuk emango dizkizugu.
Ekitaldia hasi baino 90 minutu lehenago sartu ahal izango zara. 18:30ean irekiko dituzte ateak.
Aparkalekuari dagokionez, Bizkaia Arena ezagutzen baduzu, badakizu barrutiaren kanpoaldean aparka dezakezula, baina, batez ere, barruko aparkaleku zabalean.
Eta, etxean abesten joan zaitezen, Ura Bere Bidean ekimenaren partiturak ekitaldiaren webgune ofizialean eskuragarri izateko zain gauden bitartean, beste urte batzuetako emanaldiak entzutera animatzen zaitugu; adibidez, Sorotan Beleren “Arratsalde honetan” ahaztezina.
Zer den Ura Bere Bidean. Historia eta gaurkotasuna
Esan bezala, Ura Bere Bidean-ek euskal musika zabaldu eta gizarteratu nahi du.
Haren ibilbidea 2021. urtean hasi zen, COVID osteko aroan bete-betean, euskal kulturaren eta musikaren sektorea bultzatzeko beharrak markatuta.
Lehen kontzertua urte bereko udazkenean izan zen, eta, harrezkero, Ura Bere Bideanek urtero izaten du zuzeneko hitzordua publikoarekin.
2022an, bultzada handia jaso zuen proiektuak jada urte-hasieran, Fernando Velázquez konpositoreak kantuak aukeratu eta birmoldaketa sinfonikoa egin baitzuen; ondoren, abestien partiturak jendaurrean aurkeztu ziren.
Hasiera-hasieratik, gizarte osora eta ahalik eta pertsona gehienengana iristea izan da helburua, baina, bereziki, gure musika-aberastasuna abesbatzen mundura, ikastetxeetara eta musika-eskoletara hurbiltzea. Horregatik, abesbatzetarako eta instrumentuetarako egokitzapenak egitea izan zen ekintza nagusietako bat.
2024ko irailean, Ura Bere Bidean Koralak partaidetza-kontzertu bat antolatu zuen Gasteizko Buesa Arenan; han, Arabako eta Bizkaiko abesbatza batzuek aukeratutako abestiak interpretatu zituzten.
Ura Bere Bidean-en urteroko hurrengo hitzordua urriaren 25ean eta 26an, ostirala eta larunbata, izango da, Bizkaia Arena-BEC!en. Han, musika-ikuskizun handi batez goza dezakezu, eta, gainera, belaunaldien eta euskal musikaren estiloen topagune interesgarria da. Ez huts egin Ura Bere Bidean 2024.
Goiburuko irudiaren iturria: Ura Bere Bidean.