Euskal Encounter formatu presentzialean egingo da atzera. Hori bai, segurtasun-neurriak bermatzeko, jende gutxiagorentzako lekua, egongo da, baina berriz aurpegiak ikusteko irrikaz gaude. Izan ere, lanpartya elkarbizitza ere bada, giro ona, ezagutza-trukea eta lehia. Bilbao Exhibition Centren (BEC) izango da Euskal Encounter, uztailaren 22tik 25era. Eta hauxe prestatu du ekitaldiaren antolatzaileak, Euskaltel Fundazioak.
Euskal Encounter presentziala
Izena ematen duten parte-hartzaileek dozenaka jarduera eta lehiaketa izango dituzte aukeran, sormen digitalarekin, hardwarearekin, software librearekin eta bideojokoekin lotuta.
Modding show-a, hezkuntza-robotikaren hastapenak, PCrako eta bideo-kontsoletarako jokoen lehiaketak, sormen digitaleko lehiaketak eta askoz gehiago izango da.
Opengune online
Birtualak izaten jarraituko dute, ordea, Openguneren doako hitzaldiek eta tailerrek.
Gai hauek jorratuko dira, besteak beste: bideo-jokoen diseinatzailearen rola eta sektore horretako ekintzailetza, kriptomoneten munduan sortzen ari diren iruzur-motak, adimen artifizialaren aplikazioak, eta hainbat arlotako zibersegurtasuna.
Prestakuntza-jarduera eta -saio horiek guztiak Party-aren Discord-eko kanalaren bidez edo YouTube bitartez emango dira.
Encounter TV Twitch-en
Euskaltel Fundazioak antolatutako Encounters sareko lanparty guztietan bezala, saltsa jarriko dugu Twitch-en, https://www.twitch.tv/euskalencounter kanalean.
Hemen emango da Euskal Herriko albiste guztien berri. Streaming bidezko maratoi amaigabea, edonork etxetik parte hartzeko modukoa.
Hor egongo zara? Esaguzu iruzkinetan.