Honela egingo da eskolarako itzulera Euskadin. Euskadiko 2024-2025 ikasturteko eskola-egutegi oso honetan, kontatuko dizugu zer egunetan hasiko eta amaituko diren eskolak eta noiz izango diren oporrak eta jaiegunak, heziketa-ziklo guztietan (Haur eta Lehen Hezkuntza, DBH, Batxilergoa eta LH).
Euskadiko 2024-2025 ikasturteko eskola-egutegia Haur Hezkuntza, Lehen Hezkuntza, DBH, Batxilergoa eta LH
Euskadiko 2024-2025 ikasturteko eskola-egutegia laburbildu dizugu datozen tauletan; horretarako, arau hauetan oinarritu gara: Eusko Jaurlaritzako Hezkuntza Sailaren 2008ko martxoaren 10eko Agindua eta Haur Hezkuntzako, Lehen Hezkuntzako, DBHko, Batxilergoko eta LHko ikastetxe publikoen egutegiak egiteko ebazpenak.
2024-2025 ikasturtearen hasiera- eta amaiera-datak Euskadin
Hezkuntza Sailaren araudiak ezartzen duenez, irailaren 2an hasiko dira lanean irakasleak, eta irailaren 6an hasiko dira eskolak; 2024-2025 ikasturtearen aurkezpena egiteko erabili ahal izango da egun hori.
Eta noiz amaituko dira eskolak? Eskolak, oro har, 2025eko ekainaren 20an (ostirala) amaituko dira. Batxilergoko 1. mailako ikasleentzat, ordea, 2025eko maiatzaren 30ean amaituko dira, eta Batxilergoko 2. mailako ikasleentzat 2025eko maiatzaren 16an amaituko dira, USEko probak direla eta.
Taula honetan ikus ditzakezu, hezkuntza-etaparen arabera sailkatuta, Euskadin 2024-2025 ikasturteko eskolak hasteko eta amaitzeko data guztiak:
| Hezkuntza-etapa | Eskolen hasiera 2024an | Eskolen amaiera 2025ean |
|---|---|---|
| Haur Hezkuntza eta Lehen Hezkuntza | Irailak 6 | Ekainak 20 |
| DBH | Irailak 6 | Ekainak 20 |
| Batxilergoko 1. maila | Irailak 6 | Maiatzak 30 |
| Batxilergoko 2. maila | Irailak 6 | Maiatzak 16 |
| LH | Irailak 4 | Ekainak 21 |
| Helduen Hezkuntza (HHE) | Irailak 16 | Ekainak 20 |
| Musika-kontserbatorio profesionalak | Irailak 6 | Ekainak 20 |
| Hizkuntza-eskola ofizialak (HEO) | Irailak 30 | Maiatzak 15 |
| “ID Arte” Arte eta Goi-mailako Diseinu Eskola | Irailak 6 | Ekainak 20 |
| “Dantzerti” Arte Dramatiko eta Dantza Goi Mailako Eskola | Irailak 6 | Ekainak 20 |
Euskadiko 2024-2025 ikasturteko oporrak
Noiz izango dira Euskadiko 2024-2025 ikasturteko Gabonetako, Aste Santuko eta udako oporrak?
Gabonetako oporrek 2024ko abenduaren 24tik 2025eko urtarrilaren 6rako tartea hartu behar dute gutxienez, eta Aste Santuak, berriz, 2025eko apirilaren 17tik 21erakoa gutxienez.
Begiratu taulan:
| 2024-2025 ikasturteko oporrak | Hasiera | Amaiera |
|---|---|---|
| Gabonak | 2024ko abenduak 24 | 2025eko urtarrilak 6 |
| Aste Santua | 2025eko apirilak 17 | 2025eko apirilak 21 |
| Uda | 2024-2025 ikasturtearen amaiera | 2025-2026 ikasturtearen hasiera |
Euskadiko 2024-2025 ikasturteko jaiegunak
Opor horiei Euskadiko 2024-2025 ikasturteko jaiegunak gehitu behar zaizkie. Apunta itzazu, planak egiteko:
| 2024-2025 ikasturteko jaiegunak | Jaiegunak |
|---|---|
| Domu Santu | 2024ko azaroaren 1a, ostirala |
| Konstituzioaren eguna | 2024ko abenduaren 6a, ostirala |
| Eguberri eguna | 2024ko abenduaren 25a, asteazkena |
| Urteberri eguna | 2025eko urtarrilaren 1a, asteazkena |
| Errege eguna | 2025eko urtarrilaren 6a, astelehena |
| Ostegun Santua | 2025eko apirilaren 17a, osteguna |
| Ostiral Santua | 2025eko apirilaren 18a, ostirala |
| Pazko bigarrena | 2025eko apirilaren 21a, astelehena |
| Langileen eguna | 2025eko maiatzaren 1a, osteguna |
Euskadiko 2024-2025eko eskola-egutegiko tokiko jaiegunak
Eta noiz da Euskadiko hiriburuetako tokiko jaieguna Euskadiko 2024-2025eko eskola-egutegian? Bada, udako oporretan izaten dira Bilboko, Donostiako eta Gasteizko tokiko jaiegun gehienak, baina oraindik ez dute jakitera eman noiz izango diren 2025ean.XXX Argitaratu bezain laster eguneratuko dugu informazioa hemen.
Horrela osatu da, beraz, Euskadiko 2024-2025eko eskola-egutegia. Ikasturte aparta izan dezazula😊.