2025eko Tolosako inauteriak: egunak, egitaraua, txilabak...

Otsailaren 27tik martxoaren 4ra, presta zaitez Euskadiko jai jendetsu eta herrikoienetako batez gozatzeko, 2025eko Tolosako Inauteriez, alegia. Tolosako inauterietako egunen eta egitarauaren berri emango dizugu, txilaba eta mozorroak prestatzen has zaitezen.

Tolosako Inauteriak gure lurraldeko inauteri ezagunenetakoak dira. Alaitasuna eta festa sei egunez luzatzen dira, mozorro, desfile, musika, abesti, dantzari, kalejira eta txistulariekin, eta protagonismo berezia dute txilaba, konpartsa eta txarangek, eta baita Pattar Zezenak ere.

2025eko Tolosako Inauterien egitaraua

2025eko Tolosako Inauteriak otsailaren 27an hasiko dira, Ostegun Gizen egunean, Plaza Zaharreko pregoi eta txupinazoarekin.

Biharamunean, otsailaren 28an, Leidor Antzokian egiten den Ostiral Mehe eguneko jaialdia da protagonista.

Martxoaren 1a, larunbata, Zaldunita bezpera, inauterietako familia-egun nagusia da. Adin guztietako danbor-joleek kaleak hartzen dituzte. Haiekin batera, erraldoiak eta buruhandiak aritzen dira, baita dantzari asko ere (Dantza Eguna ere esaten zaio); herriko dantza taldeek girotzen dute festa.

Martxoaren 2an (igandea), 2025eko Tolosako Inauterietako egun handian, pijama, txabusina eta etxeko zapatiletan irten zaitezke kalera, hala agintzen baitu tradizioak. Egun horretan, goizean, dianak eta Tolosako Bandak goiz esnatzen dituzte tolosarrak, 08:00etan. 10:00ak aldera, karroza, txaranga eta konpartsen desfile dibertigarria abiatzen da.

Oraindik ere inauterietako beste bi egun geratzen dira, astelehena eta asteartea, Astelehenita eta Asteartita, Tolosako Inauteriez gozatzeko.

Asteartean, pasta eta anisaz osatutako gosariarekin, Txistulari Bandak girotuta, 06:00ak aldera esnatzen da Tolosa.

Gauerdian, inauteriak agurtzeko, Sardinaren Hileta ospatzen da.

Hala ere, jaiaren azken akordeak hurrengo igandera arte luzatzen dira, Piñata Igandearekin egunarekin.

Tolosako Udalak dagoeneko argitaratu du 2025eko Tolosako inauterietako egitarau osoa, eta hemen deskargatu dezakezu.

Otsailak 27, osteguna: Ostegun Gizena

• 11:00etan, Txistularien kalejira: inauterietako zortzikoa.
• 11:45ean, Plaza Zaharrean: Kabi Alairen pregoia udaletxetik eta txupinazoa.
• 12:00etan, Pintxana eta Kabi Alai txarangak Plaza Berri eta Plaza Zaharrean.
• 16:30ea,n zezen-plazan: Bigantxak eta kalejira Pintxana eta Kabi Alai txarangekin.
• 17:30ean, Alondegi plazan: Amona Molona haurrentzako ikuskizuna, Yogurina Borovarena.
• 18:30ean, Alondegi plazan: haurrentzako diskofesta, Jon Urbietaren eskutik.
• 19:00etan, Andre Maria kaletik: Aurrera K.E.-ren danborrada.
• 22:30ean, Euskal Herria plazako txosnagunean: Revel Noise, Kaparrak eta Dj Enchantix taldeen kontzertuak.

Otsailak 28, ostirala: Ostiral Mehea

• 11:30ean, kalejira Ozenki Txistulari Taldearekin.
• 16:30 - 19:00 Alondegi plazan: puzgarriak eta tailerrak txikientzat, euskal inauteri tradizionalei buruz.
• 16:30ean, zezen-plazan: kalejira Kabi Alai txarangarekin eta bigantxak.
• 18:30ean, Andragoratik: kalejira Jabetze Eskolako emakumeen txarangarekin.
• 19:00etan, Euskal Herria plazako txosnagunean: Ktarsia taldearen kontzertua.
• 19:30ean, Andre Maria kaletik: Ostiral Meheko danborrada.
• 22:30ean, Leidor aretoan: Ostiral Meheko jaialdia.
• 23:30ean kalez kale: Jainekin txaranga.
• 00:00etan, Euskal Herria plazako txosnaguneann: Hazas & Jagoba eta Malakias MX3 taldeen kontzertuak.

Martxoak 1, larunbata

• 11:00etan, Gernikako Arbola lorategietatik: Kalejira erraldoi eta buruhandien konpartsarekin.
• 11:00etan, Alondegi plazan: Tolochef sukaldaritza-tailerra eta postre lehiaketa (12-17 urte).
• 11:30ean,Triangulo plazatik: dantzarien kalejira, Udaberri dantza taldeak antolatuta.
• 11:30ean, Musika Eskolatik: Kalejira Udal Musika Bandarekin
• 12:00etan, kalez kale: Kabi Alai txarangaren irteera.
• 14:00etan, Alondegi plazan: 13 eta 18 urte arteko gazteentzako bazkaria.
• 17:00etan, kalez kale: Kabi Alai txarangaren irteera.
• 17:00etan, Geltoki kaletik: Haur-danborrada, Aiz Orratz-Veletak antolatuta.
• 18:00etan, Alondegi plazan: erromeria Ostarte taldearekin.
• 19:00etan Plaza Zaharretik : Tolosako Danborradaren irteera.
• 19:00etan, Euskal Herria plazako txosnagunean: Postal Kolekzionistak taldearen kontzertua.
• 22:30ean, Euskal Herria plazako txosnagunean: La Txama eta Sedientos de Cumbia taldeen kontzertuak.
• 23:30ean ,kalez kale: Oria txaranga.

Martxoak 2, igandea

• 08:00etan, Felipe Gorriti plazatik: Tolosako Udal Musika Bandaren diana
• 08:45ean, Udaletxetik: Txistulariak, Inauterietako zortzikoa.
• 10:00etan, txarangen irteera.
• 11:00etan, karroza eta konpartsen irteera.
• 11:00etan, Plaza Zaharrean eta Zerkausia kalean: Sokamuturra Alcoyano txarangarekin.
• 11:00 - 14:00, Alondegi plazan: brilli-brilli postua, photocall eta mozorro-lehiaketa.
• 15:45ean,Udaletxetik: kalejira Idiarena joz, Udal Txistulari Bandaren eskutik.
• 16:00etan, zezen-plazatik: Rockalean elektrotxarangaren kalejira Alondegi plazaraino.
• 16:00etan, Plaza Zaharretik : kalejirak Aiz Orratz-Veleta, Txapel Haundi eta Sukalde txarangekin.
• 16:30ean, zezen-plazan: bigantxak, txarangek eta Udal Txistulari Bandak girotuta.
• 17:00etan, Plaza Berrian: DJ Txekor.
• 19:00etan, Zerkausian: dantzaldia Aiz Orratz-Veleta eta Txapel Haundi txarangekin. Kalejira Sukalderekin.
• 19:00etan, Euskal Herria plazako txosnagunean: Laket taldearen kontzertua.
• 22:30ean, Plaza Berrian: Sune-ren kontzertua.
• 23:30ean, kalez kale: Kalean eta Iraunkorrak txarangak.
• 23:30ean, Euskal Herria plazako txosnagunean: Indabe, DJ EO eta DJ Txustiyas taldeen kontzertuak.

Martxoak 3, astelehena

• 09:00etan, txarangen irteera.
• 09:00etan, Tarragona akordeoi-taldea, Musika Eskolako ikasleekin.
• 11:00etan, Plaza Zaharrean eta Zerkausia kalean: Sokamuturra, Txinparta txarangarekin.
• 11:00etan, aisialdi-taldeen karroza eta konpartsen irteera.
• 13:00ean, Euskal Herria plazako txosnagunean: La Jodedera taldearen kontzertua.
• 15:30ean, zezen-plazan: Gazteako jeepa Oria kaletik DJ Jaderekin. Ondoren, DJ Oihan Vega Isabelita gunean.
• 16:00etan, Plaza Zaharretik: Kalejira Tolosano, Poca Tripa eta Arco Iris txarangekin.
• 16:30ean, zezen-plazan: bigantxak, txarangek girotuta. Ondoren, kalejira.
• 19:00etan, Zerkausian: Dantzaldia Tolosano eta Poca Tripa txarangekin. Kalejira Arco Irisekin.
• 19:00etan, Euskal Herria plazako txosnagunean: Muxutruk taldearen kontzertua.
• 20:00etan, Alondegi plazan: antzerkia eta perkusioa Psycho Clown - Zo-Zongorekin.
• 22:00etan, Euskal Herria plazako txosnagunean: Kitziki, DJ Adarra, DJ Mondongo eta DJ Rani taldeen kontzertuak.
• 23:30ean, kalez kale: Bonberenean - Incansables txarangak.

Martxoak 4, asteartea

• 06:00etan, Plaza Zaharrean: Udal Txistulari Bandaren alborada.
• 08:00etan, zezen-plazan: Pattar Zezena eta txarangak.
• 11:00etan, Plaza Zaharrean eta Zerkausia kalean: Sokamuturra, Kabi Alai txarangak girotuta.
• 11:00etan, karroza eta konpartsen irteera.
• 12:00etan, Plaza Berrian: Txarangen alardea, Txapel Haundi, San Esteban, Sukalde eta Arco Irisekin.
• 15:45ean, udaletxetik: Udal Txistulari Bandak Idiarena joz egingo du ohiko ibilbidea.
• 16:00etan, Plaza Zaharretik: kalejira zezen-plazaraino, San Esteban, Kabila eta Urdiña Txiki txarangekin.
• 16:30ean, zezen-plazan: bigantxak, txarangek eta Udal Txistulari Bandak girotuta.
• 17:30ean, Alondegi plazan: Potx pailazoaren haurrentzako magia-ikuskizuna.
• 19:00etan, Zerkausian: dantzaldia San Esteban eta Kabila txarangekin. Kalejira Urdiña Txikirekin.
• 23:30ean, kalez kale: Incansables txaranga.

​Martxoak 9, igandea: Piñata Igandea

• 11:00etan, Lurreamendi egoitzan: Poca Tripa txarangaren eta hainbat konpartsaren bisita Lurreamendi egoitzara.
• 11:30ean, Musika Eskolatik: Musika Eskolako ikasle-bandaren konpartsaren irteera.
• 11:30ean, Zerkausian: dantza latinoak.
• 12:00etan, Leidor aretoan: Tolosako Erraldoi eta Buruhandien konpartsa, Musika Eskolako ikasleak eta The Herrikide’s.
• 19:00etan, Plaza Zaharretik: zezensuzkoa.

Txilabak 2025eko Tolosako Inauterietan

Ostegun Gizenean, txilabaz betetzen dira Tolosako kaleak.

Tolosako Inauterietako txilabak tunika baten antza du, eta oso koloretsua eta ikusgarria da. Tolosarrek inauterietako ostegun eta ostiralean janzten dute, batez ere.

Zenbaitek euren txilabak egiten dituzte, kolore anitzeko oihalak eta irudimen handia baliatuta; beste zenbaitek, berriz, nahiago dute tokiko establezimendu batean erosi, katalogoa oso zabala baita eta gustu guztietarako aukerak baitaude.

Txilaba jantzi sinplea da, eta bikain betetzen du bere funtzioa: kolorea eta alaitasuna ematea, mugimenduak murriztu gabe. Hala, inauterietako giroaz goza dezakezu.

Txarangak eta konpartsak 2025eko Tolosako Inauterietan

Txarangak dira festaren muina 2025eko Tolosako Inauterietan. Esaterako, herritar eta bisitariak udaletxeko plazatik zezen-plazaraino gidatzen dituzte, igande, astelehen eta astearteko 16:00etan, zezenketez gozatzeko.

Tronboiak, bonbardinoak, klarineteak, piccoloak eta saxofoiak jotzen dituzte, baita bonboak, txapak eta danborrak ere.

Tolosako Inauterietan hogei txaranga inguruk hartzen dute parte, eta inauterietako pieza tradizionalak euren erara interpretatzen dituzte. Entzun itzazu Iriyarena, Galtzaundi, Praskuarena eta Pakita la Vergaresa...

Asteartean 20:00etan, Tolosako Inauterietako unerik ospetsuenetako baten txanda da. Ehunka ahots eta instrumentuk, batera, Paquito el Chocolatero kanta abesten dute, Correo kaleko balkoi bateko txarangak gidatuta.

Txistorra-pintxoak eta konpartsak Tolosako Inauterietan

Elkarte gastronomikoetako txarangek presentzia nabarmena dute. Izan ere, janari ona ezinbestekoa da behar bezalako inauteri batzuetan.

Tolosako Inauterietan, ez galdu txistorra-pintxo ezagunak; taberna askotan doan ematen dizkiete bezeroei.

Konpartsarik gabe ere ezin litezke ulertu Tolosako Inauteriak.

Xumeak dira, baina irudimentsuak, satirikoak eta lotsagabeak, eta, batez ere, inauteri-giro koloretsu oso kutsakorra sortzen dute.

Pattar Zezena Tolosako Inauterietan

Inauterietako asteartean, 08:00etan, Tolosako Inauterietako ikuskizun handienetako bat egiten da: Pattar Zezena.

Zertan datza? Zezen bolaztatuak txarangen doinuarekin mugitzen dira.

Oso ikuskizun ospetsua da, eta herriko zezen-plazan egiten da. Jende asko biltzen duenez, udala bera arduratzen da palkoetarako eta kokalekuetarako sarbideak antolatu eta banatzeaz.

Beste jarduera bat, hainbat hamarkadaz ospatu diren inauteri hauetan. Izan ere, historia luzea dute —zentsurari aurre egiteko Udaberriko Jai izendatu zituzten—, eta gaur egun Euskadiko inauterietako ezinbesteko hitzordua dira.

Jantzi txilaba eta gozatu 2025eko Tolosako Inauteriez.

Goiburuko irudiaren iturria: Tolosako Turismoa.