Elene: izenaren esanahia eta jatorria

Gure lurraldea magikoa eta enigmatikoa da. Bertako mendietara eta basoetara begiratu besterik ez dago. Hala, magia hori guztia gure lurraldeko izen askotan islatzen da, bai eta euskarazko Elene neska izenean ere. Historiaz eta mitologiaz betetako izena da Elene, eta erabilienetariko bat ere bada.

Elene izenaren jatorria

Grekotik dator Elene izena. Izan ere, greziarrei heleniar ere esaten zaie. Horixe da Elene izenaren jatorria, zeina grekoko Helene hitzetik baitator.

Gaur egun, gutxi gorabehera 2.000 emakumek dute Elene izena. Pertsona horien batez besteko adina 13 urte baino gehixeago da. Datu horrek erakusten duenez, Elene izena kontuan hartzen da jaioberriei izena jartzeko garaian. Gainera, Elene izeneko gehienak gure lurraldean bizi dira; zehazki, Gipuzkoan.

Elene izenaren esanahia

Elene izenaren jatorria aztertuz, haren esanahira iritsiko gara. Helene hitzetik datorrela jotzen badugu, haren esanahia “argi-zuzi” edo “zuzi” da. Aldiz, Selenetik datorrela jotzen badugu, “ilargi” esan nahi du.

Elene izenaren onomastika

Elene izenaren onomastika abuztuaren 18an da. Testuinguru horretan, kontuan hartu behar dugu Elene izenak baduela euskarazko Helena aldaera, eta Santa Helena Konstantino I.a enperadorearen ama izan zela. Santa Helena erromesaldian joan zen Jerusalemera. Han, Kristoren benetako gurutzea aurkitu zuen, eta Hilobi Santuaren basilika eraikitzeko agindu zuen.

Elene izeneko emakumeak

Euskadin, badira Elene izeneko emakume ospetsuak. Gainera, historiara jotzen badugu, erreferente asko ditugu; besteak beste, Helena Troiakoa, Iliadaren arabera, munduko emakumerik ederrena, eta Troiako Gerrako protagonistetako bat.

• Elene Lizarralde: aurkezlea, telebistarako saioen zuzendari eta edukien sortzailea (1961).
• Elene Leto: futbolaria (2002)
• Elene Arandia: abeslaria (1989)
• Elene Errasti Arriola: futbolaria (2000)

Nola idazten da Elene izena beste hizkuntza batzuetan?

Elene izenak aldaerak ditu 15 hizkuntzatan baino gehiagotan. Gainera, aldaera horietako asko ezagunak dira gure lurraldeko pertsonentzat, eta erabiliak dira, bai izen gisa, bai txikigarri gisa.