Edukiak eta kodea sortzeko adimen artifizialeko tresna bat da. Inflexio-puntu bat da AAren ikerketan eta inplementazioan, baliabideak optimizatzen dituelako eta, bereziki, kode irekian erabil daitekeelako.

2025eko urtarrilean merkaturatu zuen izen bereko DeepSeek enpresa txinatarrak. Enpresa hori Liang Wenfeng ingeniariak sortu zuen 2023an.

DeepSeek-en erabilerak

DeepSeek-ek 671.000 miloi parametro ditu, eta, zeregin desberdinetarako pentsatutako ereduei esker, erabilera praktiko gehiago eskaintzen ditu. Besteak beste, funtzio nagusi hauek ditu:

Edukiak sortzeari dagokionez:

  • Testuak ulertzea eta sortzea hainbat hizkuntzatan.

  • Dokumentuen laburpena egitea.

  • Itzulpen automatikoa.

  • Sentimenduen azterketa.

  • Irudiak eta grafikoak interpretatzea.

  • Dokumentuak, PDFak eta pantaila-argazkiak aztertzea.

Kodeak sortzeari dagokionez:

  • Kodearen osaketa automatikoa eta optimizazioa.

  • Kode-zatiak sortzea hainbat hizkuntzatan (Python, Java, C++).

  • Kodeak araztea eta azaltzea.

  • Programazio-jardunbide egokiei buruzko aholkuak ematea.

  • Problema matematiko konplexuak ebaztea.

  • Ekuazioak ebaluatzea.

DeepSeek-ekin eskuragarri dauden ereduak

Esan bezala, DeepSeek-ek adimen artifizialeko zenbait eredu garatu ditu:

  • DeepSeek R1: arrazoibide logikoan eta autonomoan espezializatutako eredua; errefortzu bidezko ikaskuntza-tekniken bidez entrenatu da.

  • DeepSeek V2: hein txikiko hurbilketak erabiltzen ditu, eta beste bertsio bat du, DeepSeek V2 Lite. Bigarren bertsio horrek parametro eta testuinguruko datu gutxi behar ditu, eta erabilgarria da baliabide gutxiagoko aplikazioetarako.

  • DeepSeek Coder V2: kodea programatzen eta sortzen espezializatutako eredua.

  • DeepSeek V3: eskala handiko eredu bat, aukera ematen duena 100.000 token (testu-unitate) baino gehiagoko testuinguruak aldi berean kudeatzeko eta, hala, eredu tradizional gehienen aukerak biderkatzeko eta azkartzeko. Zenbait hardwarerekin bateragarria da, eta eleaniztuna da.

  • DeepSeek VL: eredu trinko bat, bereziki moldakorra dena zeregin multimodaletarako eta datu-aniztasunerako.

Zerk egiten du desberdin DeepSeek?

DeepSeek-ek errefortzu hutsaren bidezko ikaskuntzan oinarritutako entrenamendu batetik abiatuta sortzen du edukia; hau da, bere kabuz ikasten du, aldez aurretik etiketatutako daturik gabe, proba eta erroreetan oinarritutako sistema bati esker.

Gainera, egiaztapen automatikoko teknika batzuk erabiltzen ditu, eta, hala, arrazoiketa sakonagoa eta zehatzagoa egin daiteke. Bere arrazonamendu-eredu aurreratuak inferentzia logikoetan espezializatzen dira, eta gai da entrenamendu-patroi gutxiagorekin pentsamendu-kate zabalagoak sortzeko. Hau da, kostu txikiarekin eskala handiko ereduak entrena ditzake.

Zeregin espezifikoetarako optimizatutako kode-eredu irekiak merkaturatu ditu, hasi hizkuntza-eredu masiboetatik eta programatzaileei laguntzeko edo problema matematiko konplexuak ebazteko eredu espezifikoetara.

Doan erabil dezakezu DeepSeek?

Bai, DeepSeek-ek doan eta kode irekian eskaintzen ditu bere modeloak; beraz, edozein erabiltzaile sar daiteke ordaindu gabe, eta, gainera, mugarik gabe moldatu eta erabil dezake haren kodea.

Aski duzu DeepSeek-en orri ofizialeko interfazean sartzea eta erabiltzaile-kontu bat sortzea.

Web-bertsioan daukazu Deepseek (https://chat.deepseek.com/sign_in), bai eta iOSerako eta Androiderako aplikazioetan ere.