Industrial Navarra Fundazioak, Euskaltelekin batera, stocka adimen artifizialeko tresnekin kudeatzeari buruzko jardunaldiak antolatu ditu, Nafarroako Acelera PYME bulegoko Ziklo Teknologikoaren barruan. Jardunaldia Iruñean egingo da, azaroaren 20an.
4.0 Industriarako tresna gaitzaileei buruzko ziklo honen helburua da industriaren produktibitatea eta lehiakortasuna optimizatzeko zenbait soluzio teknologiko berritzaileri buruzko informazioa ematea. Euskaltel Enpresak atalak ere parte hartuko du jardunaldian Adimen Artifizialak erosketa-prozesuen kudeaketa optimizatzeko politiketan duen garrantziari buruzko hitzaldi batekin. Hau da hitzaldiaren izenburua: Adimen artifiziala lagun Nola optimizatzen dituzten erosketa-prozesuak stocka kudeatzeko politikek”.
Jokin Glaria, Euskalteleko negozio eta administrazio publikoen aholkularia Nafarroan, arituko da hizlari, eta azalduko du nola ezar daitezkeen stocka kudeatzeko politikak modu efizienteago eta fidagarriagoan kalkulatzeko segurtasun-stockak eta eskaera-puntuak. Prozesu horretan adimen artifiziala aplikatzean, onura nabarmenak lortzen dira:
- Gardentasuna eta ulergarritasuna AAk gardentasuna eta ulergarritasuna areagotzen ditu stockaren kudeaketarekin zerikusia duten alderdi guztientzat.
- Kalitatea eta konfiantza: Eskuz egin beharreko berrikuspenen beharra txikiagotzean, AAk emaitzen kalitatea eta emaitzekiko konfiantza hobetzen ditu.
- Parametrizazio pertsonalizatua: AAk aukera ematen du kalkuluak testuinguru espezifikoen arabera doitzeko eta, beraz, aldatuz doazen beharretara egokitzeko.
- Modernizazioa eta efizientzia: Algoritmo aurreratuak baliaturik, AAk kalkulu-programa modernizatzen du, eta efizienteago eta mantentzeko errazago bihurtzen.
- Eskaeren optimizazioa: Eskaeraren, biltegiratzearen eta segurtasun-stockaren kostuak kontuan hartuta, AAk eskaeren dimentsionamendua optimizatzen du.
Aplikazio-eremua enpresaren barruan: Logistika, Erosketak eta Eragiketak Saila
Izena eman nahi duzu?
Zure kudeatzailearen bidez egin dezakezu, edo zuzenean, Industrial Navarra Fundazioaren webgunean -> https://inscripciones.fundacionindustrialnavarra.com/Inscripcion/oapfundacion
Noiz? Azaroak 20, asteazkena
Non?
Industrial Navarra Fundazioa
Emilio Arrieta kalea 11bis - 5, 31002, Iruñea
Ordua: 09:00 - 11:30
OHARRA
Kontuz! Gaztelaniazko testuan alderantziz daude jarrita informazio honi buruzko galderak.
https://inscripciones.fundacionindustrialnavarra.com/Inscripcion/oapfundacion
