Esanahi sakon eta oroitarazleek eta jatorri mitologiko eta legendazkoek izen askoren ospea eta erabilera areagotzen dute. Hori bera gertatzen da Haizea neska-izenarekin, izena oso ohikoa baita gure lurraldean eta haren ingurukoetan.
Haizea izenaren jatorria
Haizea izenak euskal jatorria du; zehazki, Haize terminotik dator. Gure kulturan, izen hori indarrari lotzen zaio, eta, horregatik, gure lurraldean jaiotzen diren neska askori jartzen zaie Haizea izena.
Gaur egun, izen hori dute 4.000 neskak baino gehiagok, eta haietako gehienak Euskadin bizi dira, zehazki, Bizkaian.
Haizea izenekoen adina ere alderdi esanguratsua da, haien batez besteko adina 15 urte baita. Datu horrek erakusten duenez, izena ugaria da Euskadiko nerabeen artean, eta, horrenbestez, gaur egungo izena da.
Haizea izenaren esanahia
Bistakoa da zein den Haizea izenaren esanahia. Etimologikoki, beraz, euskaratik dator. Izenak beste esanahi batzuk ere izan ditzakeela uste da; adibidez, haizearen alaba. Gainera, euskal mitologian, haizeak izaki arimadunak dira, botere bereziak dituztenak, eta ipar-mendebaldeko haizeen alabak iparraldeko eta hegoaldeko haizeen emazteak izaten dira gerora.
Kontakizun mitologikoek beti lagundu izan dute izenak ospetsu bihurtzen, baina, Haizearen kasuan, izen hori duten emakumeei lotzen zaizkien ezaugarriek ere eragina izan dute; hona zein diren haietako batzuk: sormena, independentzia, fideltasuna, eskuzabaltasuna, zintzotasuna eta maitasuna.
Haizea izeneko emakumeak
Haizea izena oso ezaguna da gure lurraldean. Ondoren, zenbait eremutan nabarmendu diren Haizea izeneko emakume batzuk dituzu:
- Haizea Barcenilla: kultura-kudeatzailea.
- Haizea Martiartu: saxofoi-jotzailea, moldatzailea eta konpositorea.
- Haizea Ziarrusta Intxaurtza: ikertzailea eta kimika analitikoko doktorea.
- Haizea Beruete Lopetegi: bertsolaria.
- Haizea Oses: eskalatzailea.
- Haizea Arana Cardenal: bertsolaria.
Nola idazten da Haizea izena beste hizkuntza batzuetan?
Haizea izena bere horretan ahoskatu eta idazten da beste hizkuntza batzuetan; beraz, ez du aldaerarik. Hala ere, nabarmentzekoa da izen hori izen tradizionalago batzuekin ere konbina daitekeela; adibidez, Sofía eta María izenekin. Laburdurak ere erabiltzen dira: Zea eta Haiz.
