Teknologia mugikorraren aroak: 1G, 2G, 3G, 4G…
Nora - Euskaltel
- 2015-11-03
2 min
Beste ezertara jo aurretik, ba al dakizu zer esan nahi duen 4G siglak? Teknologia mugikorraren belaunaldiei dagokie. Momentuz, ia berrogei urteko garapenaren ostean, laugarren belaunaldian gaude… Belaunaldi batetik bestera zer alde dagoen azalduko dizugu, eta zuk, erabiltzaile zaren aldetik, zertan nabaritzen duzun alde hori.
Lehenbiziko belaunaldia (1G): 1970eko hamarkada
1970eko hamarkadaren amaieran eta 80koaren hasieran sortu zen telefonia mugikorra. Deiak egiteko balio zuen 1Gk, ez beste ezertarako. Artean ez zen Internetik. telefonoak ez ziren poltsikoan kabitzen: maleta batean eramaten ziren. Bestalde, apenas zegoen antenarik, eta oso gutxi irauten zuten telefono-bateriek; hori zela eta, mugikortasun eskasekoak ziren. Oso garestiak izaten ziren “mugikor” haiek, gutxi batzuek bakarrik ordain zitzaketen gurariak.
Hedatzen ari zen telefonia mugikorra (Estatu batuetan batez ere), baina inork ere ez zuen irudikatu ere egiten zer izango zen handik urte batzuetara.
Bigarren belaunaldia (2G): 1990eko hamarkada
1990eko hamarkadaren hasieran, berriz, globalizazio digitala iritsi zen. Ordukoa da roaming kontzeptua (mugikorra atzerrian erabiltzea, alegia). Sasoi horretan, nabarmen hobetu ziren ahotsaren kalitatea eta datuak transmititzeko abiadura, eta SMSak agertu ziren.
Hobekuntza horiek, eta prezio merkeagoek, are gehiago zabaldu zuten telefono mugikorrekiko grina. Ez zegoen martxa hura gelditzerik. Bigarren belaunaldi hark Interneteko nabigazioaren hastapenak ere ekarri zituen; ordurako, gainera, telefono mugikorrak poltsikoan kabitzen ziren. Beste berrikuntza bat: irudi-trukea. Lehenbiziko Blackberryak garai hartakoak dira.
Hirugarren belaunaldia (3G): XXI. mendea
Internet mugikorraren aroa jaio zen. Izugarri areagotu ziren erabiltzailearen aukerak: bideokonferentziak egin zitezkeen jada, mezu elektronikoak trukatu, bideoak ikusi… Era guztietako aplikazioak sortu ziren. Mugikorrean Facebook, GPSedo Youtube edukitzea gauza guztiz normala izaten hasi zen.
3Gren beste aurrerapen bat mundu mailako bateragarritasuna da. Ez dio inporta non gauden; nonahi nabiga dezakegun Interneten. Geroz eta jende gehiago ikusten da gau eta egun bere gailuaren mende. Mikroordenagailuak daramatzagu poltsikoan, izan ere. WhatsApp ere hor dago. Ez baduzu erabiltzen, “baztertuta” geratzeko arriskuan zabiltza…
Laugarren belaunaldia (4G): Hemen duzu!
4Gren onurak eskuragarri ditugu jada Euskalteleko erabiltzaileok. Smartphoneen ugaltzea eta ia nonahitik konexio izugarri azkarrak egiteko aukera dira belaunaldi horren ezaugarrietako batzuk. Euskadin, biztanle-kopurua baino handiagoa da jada telefono mugikorrena.
Duela urte batzuk pentsatu ere egingo ez genituzkeen hainbat gauza egin ditzakegu egun telefono mugikorraz: bizi-konstanteak neurtu, jatetxe bat gomendatu, goi-mailako bereizmenaz egin argazkiak (kamera digital konpaktuen ordez mugikorrak erabiltzen dira orain)…
Dena dela, ez herrialde ez erabiltzaile guztiek ez dituzte oraingoz eskura teknologia horren abantaila guztiak. Euskaltelekoa bazara, zorioneko zaude! Zer ekarriko ote digu 5G-ak?
¿Te ha gustado?
MENUA
2 min 
