Nola erakarri bezero gehiago aro digitale@n?
admin
- 2019-10-10
2 min
Euskaltelek ostalaritza-enpresekiko konpromisoa du, eta,
sektoreko negozioetara hurbilduz, haien jarduera ulertu nahi du,
elkarrekin urrutira iristeko negozio-garapenean. Hurbiltasunari
esker bakarrik ezagut daiteke haien egunerokoa, eta jardueraren
mesederako zerbitzuak eta irtenbideak proposatu.
Horregatik, berehala onartu genuen Café Fortalezaren
gonbita, Barra de ideas erakundeak Bilboko Yimby gunean
antolatu zuen jardunaldira joatekoa. Ostalaritza-sektorera
zuzendutako jardunaldi horretan, zenbait adituk jardun zuten
ostalaritza-negozioari errendimendu handiagoa ateratzeko gakoak
eskaintzen.
Juanjo Martínezek, zeina F&B eta jatetxeen
aholkulari eta ostalaritzako enpresaria baita, garai berrietara
egokitzeko eta negozioa berritzeko premia azpimarratu zuen.
Kontsumitzaileaz jardun zuen, inoiz baino gehiago eskatzen
baititu orain kontsumitzaileak esperientzia berriak.
Kontsumitzaileek profil digital nabarmena dute orain, eta
ostalariek horretara egokitu beste erremediorik ez dute, eta
haien arreta erakarriko duten formula berriak eskaini. Izan ere,
onlinen dugun izen ona bezeroaren esku dago orain: hark
esaten duena gara.
Euskaltelen Eskaintzako eta Go To Market Enpresako arduradunak, Iñigo González lankideak, “Bezeroaren esperientzia hobetzeko ahalegin guztiak bideratzeko eta eraldaketa posible egiteko teknologiak” duen garrantzia nabarmenduz, zera esan zuen:
Merkatua
oso zorrotza eta lehiakorra da, eta teknologia berrietan
oinarritu behar dugu gure bezeroak hobeto ezagutzeko, haien
kontsumo-ohiturak ezagutu eta, informazio hori baliatuta, zerbitzu
pertsonalizatuak eskaintzeko”.
Iñigo Gonzálezek
azpimarratu zuen teknologiak eta digitalizazioa oso tresna
ahaltsuak direla gure negozioek behar duten eraldaketari aurre
egiteko.
Teknologia horiek inoiz baino eskuragarriagoak dira —IoT, Big Data, adimen artifiziala edo wifi-atzipeneko zerbitzu profesionala—,
eta lagungarriak izan daitezke negozioen eraldaketa digitalean,
berrikuntzan edo negozio-lerro berrien garapenean.
Garai
berrietara egokitzeko —kontsumitzaileek ohiturak aldatu dituzte,
beste era batean komunikatzen dira eta negozio-eredu berriak
sortu dira—, ezinbestekoa da bezeroaren esperientziari
garrantzia ematea. Esperientzia hori hobetzeko, aukera ezin
hobea dugu orain datuak informazio esanguratsu bihurtzeko,
bezeroak zer egiten duen jakiteko, zer nahi duen, zer
erabilera-ohitura dituen eta zer gorabehera sor daitezkeen; beste
hitz batzuez esanda, zer bereizten dituen aurkitu behar dugu.
Hala,
aurrea har dezakegu, eta esperientzia bereizgarri bat eskaini.
Adibidez, erreserba online egiteko aplikazioak, wifi-konexioa,
karteldegi digitala, pertsona-kontagailuak, jende-ilara kudeatzeko
sistemak, tenperatura kontrolatzeko eta hautatzeko sentsoreak,
musika-sentsoreak, tiket digitala. Ezin konta ahala aukera daude
ostalaritza-sektorearentzat.
Zerbitzu digitalak
Seguru
zalantzak dituzula: zergatik segitu beharko luke bezero batek
nire dendara etortzen? Nola eragiten du disrupzio teknologiko
honek nire negozioan? Teknologiak eskaintzen dizkidan aukerei
esker balioa jasotzen ari naiz? Negozio handiagoa lortzen dut?
Eskura
ditugun teknologietan daude zure galderen erantzunak. Iturri
ugaritatik lortutako datuak Big Data edo AA aplikatuta tratatzen
ditugu, eta informazio baliotsua ematen digute. Informazio hori
itxarote-denborak optimizatzeko, menu pertsonalizatuak
diseinatzeko eta bezeroak nire lokaletik gertu dabiltzanean
mezuak bidaltzeko aplikatzen ditugu, besteak beste. Erabakigarria
da datu guztien artean konexioak sortzea.
Gure konpromisoa
betikoa da: gure bezeroei laguntzea digitalizazioak dakartzan
erronka berriei aurre egiten. Hori dela eta, Euskaltelek
soluzioak ematen dizkio zure negozioari, zure ahalmen guztia
balia dezazun eta lehiakorra eta eraginkorragoa izan zaitezen.
Zure laguntzaile izan nahi dugu, eta zure beharrak
pertsonalizatzen lagundu nahi dizugu.
- wifi profesionala,
zure bezeroen eta zure negozioaren zerbitzura. Milenialek
irudika dezakete wifirik gabeko lokal bat? Hondamendia litzateke.
Baina, gaur egun, wifiaren pasahitza emanez gero, gure
bezeroek datu interesgarriak emango dizkigute beren
kontsumo-ohiturei buruz. Gainera, sarbide-puntuen sarera konekta
ditzakegu, eta gure lokaleko sarea kalekoarekin konektatu.
- IoT aplikatua,
zure lokalaren erosotasun eta eraginkortasunerako: neurketak
egiteko eta alertak jakinarazteko sentsoreak, tenperatura eta
elektrizitate-kontsumoa kontrolatzeko, pertsonak kontatu eta abar;
zerbitzu pertsonalizatu guztiak webgunearen bidez eta mugikorreko
aplikazioaren bidez zentralizatuta.
- Analitika aurreratua,
saltokian zure bezeroak identifikatu eta konekta ditzazun:
kanpaina pertsonalizatuen kudeaketa eta Analytics neurketak.
Kontsumo-ohiturei buruzko datuak atera ditzakezu, harreman
pertsonalizatuagoa izateko, bezeroak fidelizatzeko eskaintza
bereziak egiteko, eta abar.
Ikus dezakezun bezala, bide luzea dugu egiteko. Eta elkarrekin egiteko aukera bikaina dugu.
¿Te ha gustado?
MENUA
1 min 
