Basauriko Udalak IP telefoniara jauzi egin du, Euskaltelekin
Euskaltel
- 2021-03-31
< 1 min
Euskaltelek, Irontecekin lankidetzan, hodeiko telefonogune bat jarri du martxan Basauriko Udalaren eta haren udal-zerbitzuen telefono bidezko arreta-zerbitzurako.
40.000 biztanletik gorako Bizkaiko udalerri bat daBasauri, eta, Udalari berari ez ezik, haren mendeko 27 egoitzei eman behar die telefono-estaldura; besteak beste, udal-kiroldegiari eta zenbait zerbitzu publiko garrantzitsuri, hala nola udaltzaingoari. Helburu nagusia da herritarrei kalitatezko telefono-sarbidea bermatzea udal-kudeaketaren egunerokoan funtsezkoak diren arloetan.
Behar horretatik abiatuta, egoitza bat baino gehiagotarako IP telefonia-sistema bat ezartzea proposatu du Euskaltelek, Udalari telekomunikazio-azpiegitura malgua eta pertsonalizagarria emateko.
Euskaltelek diseinatu eta hedatu duen komunikazio-sare berri bat oinarri hartuta, VoIP-ko IVOZ Business soluzioa ezarri da, hodei pribatuaren formatuan, eta, kasu honetan, aurreko sare-azpiegituraren zati bati eustea erabaki da. Dena den, Euskalteleko gure adituek lagunduko dizute kasu bakoitzerako aukerarik onena zein den jakiteko.
Izan ere, administrazioetan nahiz enpresetan kalitate handiko telefonia-sistema bat ezartzeko aukera ematen duen soluzio bat da gurea, inbertsio neurritsua eskatzen duena eta hainbat onura dituena:
● Mantentze-lanak eta zerbitzu teknikoa sartuta daude hileko tarifan.
● Zerbitzuaren malgutasuna; telefono-zenbakiari eutsi, eta luzapenak pertsonalizatzeko gaitasuna, behar den tokian erabiltzeko.
● Hainbat aukera aurreratu, kudeaketarako webgunearen bidez. Horri esker, administrazioko lan aurreratuak errazago egin daitezke, hala nola ordutegiak, gorabeherak edo lokuzioak kudeatzea.
● Kalitate eta egonkortasun handiko soinua deietan.
● Sarea erraz egokitu daiteke, eta zerbitzua beharren arabera murriztu edo handitu.
● Tokiko sistemak martxan jarraitzeko segurtasuna, herritarrekiko komunikazioa ez dadin eten, hodeian edo loturetan gorabeheraren bat izanez gero.
Azken emaitza hodeiko funtzio anitzeko komunikazio-sistema bat da, udal-egoitza guztiak kalitate handiko IP telefonia-sistema baten bidez lotzeko aukera ematen duena, milaka dei kudeatzeko gai dena.
Gure soluzio teknologikoei buruz gehiago jakin nahi baduzu, harpidetu gure buletinera edo jarri harremanetan Enpresen Merkataritza Arloko taldearekin.
¿Te ha gustado?
MENUA
1 min 
