Durangon izango dira Euskadiko urteko azken jaietako batzuk. Sanfaustoak urriaren 12tik 22ra ospatzen dira, eta, urtero bezala, kontzertuak, Zezenak dira eta arto-opilak izango ditugu. Durangoko sanfaustoetako egitarauari buruz jakin beharreko guztia kontatuko dizugu.
Durangoko eta Durangaldeko azken jaiak dira. Gainera, San Fausto herriko zaindaria denez, herritarrentzat jai handiak dira.
Urriaren 12tik 22ra, jaiak izango ditugu hamar egunez: tradizioa, gastronomia eta jarduera ludiko ugari elkartuko dira Durangoko kaleetan, Euskadiko txoko askotatik etorriko den jendearen gozamenerako.
Durangoko 2023ko sanfaustoetako egitaraua
Durangoko 2023ko sanfaustoek badute jada kartel ofiziala: Esfera. Santa Anako arkua (Durangoko monumentu enblematikoenetako bat), Patxikotxu ezaguna eta Zezenak dirako bigantxak agertzen dira.
Durangoko sanfaustoak merezi duten moduan ospatzera animatzen du kartelak. Izan ere, gustu eta adin guztietarako moduko ehun jarduera eta ekintza baino gehiago antolatu dira auzo guztietan.
Durangoko 2023ko Jaietako Egitaraua
Durangoko 2023ko San Fausto jaietako kontzertuak
- Urriak 12, osteguna: Raimundo El canastero
- Urriak 13, ostirala: Nebrashka eta ETS
- Urriak 14, larunbata: Karlos Jean
- Urriak 15, igandea: Luhartz
- Urriak 20, ostirala: Huntza
- Urriak 22, igandea: Boleros 4
Durangoko sanfaustoetako txupinazoa
Sanfaustoak, urtero bezala, txupinazoarekin hasiko dira, urriaren 12an, 13:00etan. Pregoia eta txupinazoa Mugarra Triatloi Taldeak egingo ditu, haien 20. urteurrenaren aitzakian. Oso une berezia izango da. Bertatik bertara bizi dezakezu udaletxeko plazan, Santa Ana plazako pantaila handian ikus dezakezu, eta, aurten, online ere bai, Durangoko Udalaren Youtubeko kanal ofizialaren bidez.
Patxikotxu eta Pantxike ere, sanfaustoetako ikonoak, han izango dira, kuadrillek eramango baitituzte, ohiko alkandora zuria eta zapi urdina soinean dituztela.
Txupinazo txikia urriaren 15ean izango da, 12:30ean; Kurutziaga ikastolak botako du.
Durangoko sanfaustoetako jarduerak
Hortik aurrera, barrakak, txosnak, artisau-azoka, herri-bazkaria, erromeriak eta gastronomia-lehiaketak (besteak beste, talo-tailerra) eta dultzaina, txalaparta eta dantza tradizionalen doinuak bateratuko dira.
Eta, gainera, su-festak, kalejirak, erraldoi eta buruhandiak, kontzertuak, antzerkia eta kirol-jarduerak (maratoiak, arrantza-lehiaketa, xake-torneoa, ping-pong txapelketa eta 3x3 saskibaloiko torneoa) ere izango dira.
Txikienentzat, zezen puzgarriak (gurpilekin eta animazioarekin), haurrentzako jolasak, poneyak eta zirkua.
Izan ere, Durangoko sanfaustoetan gero eta ekintza gehiago eta askotarikoagoak antolatzen dira. Hala, 2022an bi jarduera estreinatu ziren: goitibeheren jaitsiera Tabiran eta azken urtean jaiotako durangarren harrera.
Jaien amaiera ere klasikoa da; beti bezala, Patxikotxu erreta amaituko dira jaiak.
Durangoko sanfaustoetako egitarauan bi hitzordu nabarmentzen dira guztien artetik: Zezenak dira eta arto-opilen banaketa.
Zezenak dira Durangoko sanfaustoetan
Entzierroak dira Durangoko sanfaustoetako tradizio ezagunenetariko bat; herriko kaleak zeharkatzen dituzte goizean goiz, eta Zezenak dira esaten zaie.
Azken urteetan, harmailak jarri dira Santa Ana plazan, toki mugatuekin. Segurtasun-arrazoiak direla eta, beharrezkoa da dagokion txartela eskuratzea aldez aurretik.
Normalean bost entzierro egiten dira; egun bakoitzean bat.
Historia handiko entzierroak dira. Herriko dokumentu ofizialetan jasotzen denez, 1580an ere kalte-ordainak kobratzen ziren bigantxen aurrean korrika egitean gertatuko istripuengatik.
Durangoko sanfaustoetako arto-opilak
Arto-opilak madalena-itxurako gozoak dira, baina zapalagoak eta apur bat handiagoak.
Arto-irinarekin egiten dira, eta mahaspasak eta fruta konfitatuen zati txikiak ere edukitzen dituzte.
Barruan arto-ale bat izaten dute, eta hortik datorkie izena.
San Fausto egunean bakarrik egiten da. Hala, jaietako egun horretan, udalbatzako kideek udaletxeko arkupeetara joaten diren herritar eta bisitariei banatzen dizkiete. Ardoarekin edo txakolinarekin batera jaten dira askotan.
Osagarri gastronomiko ezin hobea dira Durangoko sanfausto jendetsuez are gehiago gozatzeko :)
Goiburuko irudiaren iturria: Durangoko Udala.