Idatzi diozu gutuna Olentzerori? Adi ibili, abenduaren 24ko gauean Euskal Herriko txoko guztietara joango baita opariak banatzera. Zatoz gure ikazkin onkoteari, Mari Domingiri eta Galtzagorriei harrera egitera 2024ko Olentzeroren desfilean, Bilbon, Donostian eta Gasteizen. Hiri nagusietako desfileen datak, ordutegiak eta ibilbideak kontatuko dizkizugu.
Gasteizko Umeen Gabonetako Parkea (UGP) zabalik egongo da 2024ko abenduaren 26tik (osteguna) 2025eko urtarrilaren 5era (igandea). Atrakzio dibertigarriak eta haurren gozamenerako jarduera ugari aurkituko dituzu han. 2024koak "Ekopark" du izena, garapen jasangarria baita Umeen Gabonetako Parke ezagun honen ardatz nagusia. Orain, ordutegiak eta sarrerak nola eros ditzakezun azalduko dizugu.
Gasteizko La Floridako jaiotza Gabonetako gune erakargarri nagusietako bat bihurtu da Arabako hiriburuan. Gasteizko jaiotza horrekin batera, beste hogei baino gehiago ere izaten dira, guztiak ere txikienen gozagarri. Gasteizko 2024-2025eko jaiotza nagusien ibilbidea egingo dugu hemen, eta ordutegien berri ere emango dizugu, ikustera joan zaitezen.
Bilbotarrentzat egun berezia da abenduaren 21a, Bilboko San Tomas azokaren eguna. Izan ere, Areatzan sortzen den giroa benetako jaia izaten da lagunekin eta familiarekin elkartzeko eta Gabonak ospatzen hasteko. Xehetasunik gal ez dezazun, 2024ko Bilboko San Tomas azokaren ordutegia zein den eta postuak non jartzen diren kontatuko dizugu, gure baserritarren produkturik onenak erosteko aukera izan dezazun.
San Tomas da Euskadiko ospakizun ezagunenetako bat. Egun hau herri eta hiri askotan ospatzen da, baina gaur Donostiako santomasetara joango gara. Azoka handia egiten da han, urte askoko historia duena, eta txistorra da, Kaxildaren baimenarekin, protagonista nagusia. Donostian santomasak noiz eta nola ospatzen diren kontatuko dizugu.
Abenduko zubirako guztiok itxaroten genuen plana, Durangoko Azokaren aurtengo edizioa, 2024ko abenduaren 5etik 8ra. Euskal kulturako hitzordu nagusietako bat da. Disko- eta liburu-azoka baino askoz gehiago, euskaldunen eta euskal kulturaren zaleen topagune bilakatzen baita Durango. Eta, xehetasunik gal ez dezazun, Durangoko Azokaren 2024ko programa osoaren berri emango dizugu, kontzertuak ere barne, eta esango dizugu non egiten den azoka eta nola iritsi.