Telelana seguru egiteko gomendioak
Euskaltel
- 2020-04-07
2 min
Enpresa gehienok aldatu duzue txipa,
eta telelana aukeratu duzue egungoa bezalako egoera zailetan lan
egiteko. Baina presaka ibiltzeak ezin gaitu okerreko bidetik
eraman… Geure jardunbide egokien dekalogo bat ezarri behar dugu,
telelana eraginkortasunez eta segurtasunez egiteko.
Telelana bai, baina segurtasunez
Egungo egoera proba gogorra da gure
lan-prozesuen digitalizazioarentzat. Edozein tokitatik lan
egin behar dugu, edozein unetan, eta azkar, seguru eta erraz. Ez dugu
zalantzarik; erronka zaila da, baina ez da ezinezkoa. Izan ere, gaur
egun, inoiz baino gehiago, teknologiak, zerbitzuek eta
komunikazio-soluzioek bulegoan bageunde bezala etxetik lan egiteko
aukera ematen digute.
Baina, egoera berri honen aurrean, gure
datuek eta prozesuek arrisku handiagoa dute. Beraz, lehentasuna izan
behar du erasotzaileetatik babesteko neurriak hartzeak. Izan ere,
telelana egiteak ez du esan nahi gure enpresaren sistemak eta datuak
sarean erakutsi behar ditugunik.
Zer neurri har ditzakegu telelana
zibersegurtasunez egiteko?
– Sare Pribatu Birtualeko (VPN)
zerbitzu bat erabiltzea enpresara urrunetik konektatzeko, wifi
irekiak, fidagarriak ez direnak edo erabiltzaile askok partekatzen
dituztenak saihestuta.
– Suebaki-soluzio bat izatea,
enpresaren azpiegiturak babesteko (bai zerbitzu korporatiboak, bai
urruneko kokalekuak).
– Enpresako langileen artean
informazioa modu seguruan trukatzeko lankidetza-tresnak
erabiltzea. Lankidetza-tresnak, hala nola Teams eta Skype,
funtsezkoak bihurtu dira: langileek dokumentuak partekatu behar
dituzte edo bilerak egin behar dituzte, erraz eta gardentasunez, txat
bidez eta banakako zein taldeko deiak eginez.
– Ziurtatzea gure ekipoa ongi
babestuta dagoela eta beharrezkoak diren segurtasun-neurriak
badituela (sistema eragile eguneratua, aplikazio eguneratuak eta
birus-kontrakoak).
– Gure gailuak babestea,
erabiltzen ez ditugun bitartean blokeatuz eta guk bakarrik dakizkigun
pasahitz seguruak erabiliz; eta gure lana ere babestea, aldian behin
segurtasun-kopiak eginez.
Sareak beti ditu arriskuak; are
gehiago koronabirusaren garai honetan
Gogoratu behar da ziberdelinkuentziak
sistema automatikoak dituela Windowseko RDP (Remote Desktop Protocol)
protokoloa aktibatua duten eta zuzenean Internetera konektatuta
dauden ekipoak detektatzeko, adibidez, eta ekipo horiek kontrola
ditzaketela.
Gainera, orain, spama eta
phishing-erasoak areagotzen ari dira, denok koronabirusari buruzko
informazioa behar dugula aprobetxatuz.
Erne ibili behar da beti, eta ez da
ireki behar hartzaile ezezagunen mezurik edo espero ez dugunik, ez
eta fitxategi susmagarririk ere. Eta kontuz esteka susmagarriekin
ere. Ez sakatu haien gainean, nondik datozen seguru ez badakizu. Eta
hornitzaileren batek deitzen badigu esanez ustezko gorabeherak
konponduko dizkigula, guk haien berri ez dugula, ez egin kasurik.
Azken finean, edozein lekutatik gure jarduerarekin aurrera jarraitzeko soluzio ezin hobea da telelana, baina bulego barruan nahiz kanpoan funtsezkoa den alderdi bat ahaztu gabe: segurtasuna.
Telelan segurua. Aholkuak negozioetarako.
¿Te ha gustado?
MENUA
1 min 
