LLaMA 2 Large Language Model Meta AI 2ren sigla da, hots, kode irekiko hizkuntza-ereduen bigarren belaunaldia, Metak sortua.

Nola funtzionatzen du LLaMA 2k?

LLaMA 2 hizkuntzaren eginkizun orokorretarako prestatua dago, eta hainbat hizkuntzatako testu-bolumen handiekin dihardu. Ereduak hizkuntza-patroi orokorrak, gramatika, gertaerak eta kontzeptuen arteko erlazioak ikasten ditu, eta zeregin jakin batzuetarako espezializatzen da gero; esate baterako, elkarrizketak eta txatak egiteko, hitzak aurreikusteko, galderei erantzuteko, testua sortzeko edo programatzeko.

Badira 7B, 13B eta 70B parametroko ereduak, sarearen konexio-kopuruaren eta ahalmenaren arabera.

Nolabait esateko, LLaMA 2 testua iragartzeko makina bat da, eskala erraldoian entrenatzen dena, transformer deritzon arkitektura erabiliz horretarako (hori bera egiten du OpenAIren GPT ezagunak). Baina LLaMA 2k eta GPTk funtsezko diferentzia batzuk dituzte:

LLaMA 2ren eta GPTren arteko aldeak

LLaMA 2 kode irekikoa da, eta ikerketarako edo helburu komertzialetarako erabil daiteke (betiere baldintza batzuen arabera); GPT, berriz, eredu itxia da, eta API edo ChatGPT bidez soilik balia daiteke.

LLaMA 2 zure PC edo zerbitzarian deskargatu eta exekutatu dezakezu; GPT, ordea, ezin da deskargatu, eta OpenAIren hodeia erabili behar da nahitaez.

Oro har, nahiz eta GPT ahaltsuagoa den eta hobeto entrenatuta dagoen lan konplexuetarako, LLaMA 2 ezin hobea da erabateko kontrola izateko, pertsonalizatu eta zure datuekin doitzeko, zure zerbitzarietan exekutatzeko eta informazioa hirugarrenekin partekatzen ez duten sistemetan integratzeko.

LLaMA 2ren erabilerak

LLaMA 2k erabilera-aukera nahiko zabala du, hainbat egoeratara egokitu daitekeen hizkuntza-eredu orokor malgua baita.

  • Hezkuntzan, egile birtual pertsonalizatuak sortzeko, ikasketa-materialak sortzeko edo testuak automatikoki zuzentzeko erabili ohi da.

  • Medikuntzan, historial klinikoak laburbiltzeko edo informazio medikoa bilatzeko.

  • Lege-esparruan, kontratuak aztertzeko edo datu-base juridikoetan bilaketak egiteko.

  • Marketinean eta salmentetan, berriz, lagungarria da publizitate-kanpainak eta -copyak sortzeko, sare sozialetan erantzun automatikoak sortzeko edo iruzkin eta aipamenak aztertzeko.

Euskaltelen Gauzen Interneteko eta Big Datako plataformak AA sortzailea aprobetxatzen laguntzen du, plataforman bertan integratutako osagaien bidez (esate baterako, Llama 2).