Bistakoa da 5G teknologiaren etorrerak ekarri duen jauzi teknologikoa. Eta bere potentzial guztia aprobetxatzeko modu on bat da 5G sare pribatuen bidez sektore edo espazio jakin batera eramatea.
5G sare pribatu batek 5G sare publikoaren antzera funtzionatzen du, baina testuinguru jakin batera mugatzen da. Fabrika bat, enpresa bat edo portu-instalazio bat izan daiteke; hau da, helburua da 5Gren onurak ingurune jakin batera eramatea, sarbideak mugatuta.
Haren erabilera eta potentzial handia aztertzeko, Euskaltel Fundazioak foro bat antolatu du ADEGIrekin lankidetzan, 5G sare pribatuekin lotutako negozio-aukera berriak aztertzeko.
Jardunaldi horretan Euskadiko sektore publiko eta pribatuko adituek parte hartu dute, zenbait erakunde eta enpresatakoak, hala nola BasqueCCAM, DonostiaBus, Vicomtech eta Komunikazioen Bikaintasun Zentroa, MASORANGE eta Euskalteleko kideez gain. Asmoa zen aztertzea nola bila daitezkeen sinergiak enpresetan, industrian, eraikin korporatiboetan eta segurtasun- eta larrialdi-zerbitzuetan sare pribatuak kudeatuz.
Euskaltelek 5G sare pribatuen aldeko apustua egin du
Euskaltelen izenean, Norberto Ojinaga gure Technology Solution Director-ak hartu du parte foroan.
Estaldura, barnekoa zein kanpokoa, funtsezko alderdia da 5G sare pribatuetarako. Espainian, gaur egun, 3,5 GHz da 5G-rako maiztasunik onena, eta MasOrange da maiztasun horretan espektro handiena duen operadorea.
Testuinguru horretan, esan dezakegu MasOrangek (zeinaren parte baita Euskaltel) enpresetarako 5Garen garaia inauguratu duela Espainian, bera izan baitzen sare nagusia eguneratu eta 5G-ra aldatu zuen lehen operadorea. Hala, sare berri bat sortu zuen, bereziki erabilgarria enpresentzat, eta dagoeneko arrakastaz gauzatu ditu zenbait proiektu berritzaile, hala nola Euskaltelek BasqueCCAM-erako diseinatutako 5G arkitektura.
5G teknologia enpresen esparrua iraultzeko prest dago. Orduan, enpresa batzuek zergatik ez dute ezarri nahi? Zalantzak sortzen dira inbertsioaren itzulkinaren, segurtasunaren eta malgutasunaren inguruan.
Beraz, hau da gakoa: oztopo nagusiak ezabatzen laguntzen duten aktiboak izatea. Horrela jokatuz gero, abantailak nabarmenak dira: digitalizazioa, sortutako datuen erabilera, IAren onuren aprobetxamendua, automatizazioa, efizientzia areagotzea...
Euskaltelen estrategia hiru zutabe nagusitan oinarritzen da: hasierako oztopoak kentzea, zerbitzuaren alderdi kritikoak bermatzea eta 5G-a ezartzen laguntzea.
Hala, 5G sare pribatu zabalagoak, gaitasun handiagokoak, ahaltsuagoak, fidagarriagoak eta integratuagoak eduki daitezke, segurtasun, malgutasun eta autokudeaketa-gaitasun bera edo handiagoa eskainita. 5G sare pribatu birtualetan, modalitate bakoitzak hurrengora eboluziona dezake behar den neurrian, eta kokaleku bakoitza sare pribatu berean integratuta egon daiteke, beste modalitate batekoa izanda ere.
5G sare pribatuak portu-instalazioetan
Guk argi dugu: 5G da teknologiarik balioaniztunena enpresentzat, eta egungo teknologia asko ordezkatuko ditu.
Euskaltelek sare pribatuetan oinarritutako zenbait proiektu komertzial jarri ditu martxan dagoeneko. Horren adibide ona da Bartzelonako portuaren proiektua: Espainiako 5G sare pribatu handiena da, operadorearen azpiegituran erabat oinarritutako lehen 5G SA sare pribatu birtuala.
Ezaugarri nagusien artean, nabarmentzekoa da sarea beti eguneratua dagoela eta pribatua, fidagarria, indartsua, segurua, sinergikoa, gaitzailea eta eraginkorra dela, eta, gainera, ez duela hasierako inbertsiorik behar.
Proiektu hau aitzindaria da Europan. Hemengo begirada guztiak Txinan jarrita daude, 5G proiektu aurreratuenetako batzuk jarri baitituzte martxan Asiako erraldoian.
5G teknologiari esker, Tianjin portuko terminal bateko lan guztia automatizatuta dago, eta urrunetik koordinatu eta kontrolatzen da, baita instalazioetan inor ez dagoenean ere. Garabiek eta robotek modu adimentsu eta autonomoan funtzionatzen dute, eta sentsoreek eta kamerek eremu osoa kontrolatzen dute denbora errealean. Eta hori guztia ez litzateke posible izango 5G sareak eta adimen artifizialeko soluzioak erabili gabe.
Azken batean, esan dezakegu 5G teknologia eta, zehazki, 5G sare pribatuak funtsezkoak direla enpresen eraldaketa digitalean. Eta begirada jada etorkizuneko 6G-an jarrita dugularik, haren potentziala eta abantailak aprobetxatzeko aukera dugu aurrean. Euskaltelen, hori lortzen laguntzen dizuegu.
Gehiago jakin nahi baduzu enpresentzat ditugun gure soluzio teknologikoei buruz, harpidetu gure buletinera edo jarri harremanetan zure aholkulari pertsonalarekin edo enpresentzako gure sail komertzialarekin, formulario hau betez. Azken albisteak ezagutzeko, jarraitu guri LinkedInen.