Contac Center bat deiak kudeatzen dituzten eragileen ilara batzuen irudia baino gehiago izan daiteke. Bezeroarentzako arretaren eremuan, bezeroek kanal askotako esperientzia nahi dute, gaur inoiz baino gehiago; nahi dutenean eta nahi duten bezala jarri nahi dute harremanetan enpresekin, sare sozialen bidez, testu-mezuen bidez, txatbot-etan edo ahots bidez.
Eremu horretako berrikuntza azkar bizkortu da pandemian, aurrez aurreko kontaktuak murriztu direnez. Elkarreragin digitaletara azkar egokitu ahal izan zuten enpresek izan zuten arrakasta handiena trantsizio-prozesuan eta beren bezeroei esperientzia bereizia eskaintzeko ahaleginean.
Esperientzia pertsonalizatu eta autozerbitzuko hori eskaintzea funtsezkoa da gure bezeroen gogobetetasuna lortzeko eta bezero bakoitzak merezi duen ulermen eta enpatiarekin tratatuko dela bermatzeko enpresarekiko harreman-aukera guztietan. Izan ere, bezero-esperientzia positiboa izateak eragin handiagoa du negozioan.
Bestalde, produktibitateari eta kalitateari dagokienez, automatizazio, monitorizazio eta analisirako tresnak izateak eta negozio-aplikazioak Contact Center gisako soluzio batekin integratu ahal izateak bultzada handia eragiten dio prozesuen eraginkortasunari.
Azkenik, contact centerek adimen artifiziala erabil dezakete eraginkortasun ezak gutxitzeko eta eragileen esperientzia orokorra izugarri hobetzeko. Adimen artifiziala integratzean, zeregin errepikakor eta monotonoenetako asko automatizatu egin daitezke, eta, horri esker, eragileek aukera dute bezeroekiko balio-harremanetan jartzeko arreta. Eragileak teknologia egokien bidez ahalduntzean, bezeroei gehiago erreparatzen dien ikuspegi bat har dezakete, eta ohiko zeregin errepikakorrek eragiten duten nekea saihestu.
Contact Centeri buruzko alderdiok aztertzeko asmoz, apirilaren 5ean informazio-gosari bat egin genuen Euskaltelen, Mitel-ek gidatua, bera baita enpresentzako hodeiko komunikazio-soluzioak bilatzeko gure bazkide teknologikoa.
Bertikaletarako erabilera-kasu batzuk ere aurkeztu ziren (unibertsitateak, apustu-etxeak, supermerkatuak edo alarma-enpresak), bai eta neurrira garatutako batzuk ere Mitel-en MiContact Center soluzioaren aukera guztiak erakusteko. Hauek dira aukeretako batzuk:
- IVR bidezko integrazioa (Ahots bidezko Erantzun Interaktiboa), dei automatikoak egiteko aurrez definitutako egoera batzuetan (alarmak, hitzorduen gogorarazleak, deiak automatiko itzultzea…).
- Open Media bidezko integrazioa; kode irekiko liburutegiak dira, web-zerbitzuaren interfaze bat ematen dutenak eta formatu hori onartzen duten aplikazioekin integrazioak egiteko aukera ematen dutenak; adibidez, bideokonferentzia-soluzio batekin, IoT-rekin, sare sozialekin edo txandak kudeatzeko sistema batekin integratzeko.
- CRM bidezko integrazioak, ahots-kanala CRMren interfazearen barruan kudeatzeko aukera ematen dutenak (Salesforce, Dynamics, Zendesk, Oracle, SugarCMR-rako konektoreak).
- Adimen artifizialaren bidezko integrazioa, agente birtuala txatari edo ahots-deiari erantzuteaz arduratzen den zerbitzu-erreserbak kudeatzeko, eta gai ez denean, elkarrizketa gizaki bati helarazteko.
Enpresentzako hodeiko komunikazio-zerbitzuetarako Euskaltelen bazkide teknologiko bihurtu da Mitel.
Lankidetza horri esker, lanpostu bakoitzaren egungo beharretara egokitutako ahots-zerbitzuak, lankidetza- eta mugikortasun-aukerak eta Contact Center soluzioa eskain ditzakegu, betiere zuen beharretara egokitutako eskaintza pertsonalizatu eta malgu baten bidez.
Enpresentzat ditugun soluzio teknologikoei buruz gehiago jakin nahi baduzu, harpidetu gure buletinera edo jarri harremanetan enpresa bezeroentzako sail komertzialeko taldearekin.