Goizero, etxetik irtetean, atea giltzaz ixten dugu, gure etxearen intimitatea zaintzeko eta inor gure baimenik gabe ez sartzeko. Eta gure enpresarekin, berriz, halako kontu handiz ibiltzen al gara?
Aseguru bat kontratatu beharraz ere ez dugu batere zalantzarik izaten, edozein ustekaberen aurrean babestuta egotea komeni baita. Orduan, zergatik kostatzen zaigu hainbeste onartzea erasoak izan daitezkeela gure negozioa arriskuan jarriko dutenak, eta ez dugu neurririk hartzen?
Zibersegurtasunak eguneroko jardueran duen garrantzia aztertzea izan da Euskaltelek azaroaren 5erako (asteartea) antolatutako ‘Business & Breakfast’ gosari teknologikoaren helburu nagusia.
Zibersegurtasunak gero eta garrantzi handiagoa enpresan
Ezinbestekoa da gure enpresa babesten lagunduko diguten konponbideak eta neurriak aztertzea. Izan ere, teknologia oso azkar ari da aurreratzen eta garatzen, baina zibersegurtasuna ez hainbeste .
Beharrezko dugu sistema guztiak modu eraginkorrean babestea. Gaur egun, zibersegurtasunak lehentasuna izan behar du edozein enpresa edo erakunderentzat. Badakizue hain zuzen ere ETEak direla zibererasoen xede nagusia? Harrigarria da ikustea haiek jasaten dutela erasoen % 81.
Euskaltelek, dibulgatzaile aktibo gisa eta bere prozesu teknologikoetan enpresei laguntzen dien aholkulari gisa, indarrez nabarmendu nahi du erabakitzeko eta kudeatzeko ahalmena dutenak kontzientziatu beharra dagoela eta zibersegurtasunak berebiziko garrantzia izan behar duela erakundeetan.
Beste behin ere, prestakuntza ere funtsezkoa da arazoa konpontzeko; izan ere, giza faktorea ahulgune kezkagarria da birus horiek sare korporatiboetan sartzeari dagokionez, batez ere mugikorretan sareak erabiltzen badira .
Ramsonwarea, ingeniaritza soziala, phishinga, CEOari iruzur egitea, hornidura-kateari iruzur egitea eta IoTko aplikazioen kontrako erasoak dira ohikoenak, bai eta atzemateko zailenak ere. Ezinbestekoa da informazio- eta komunikazio-sistemen ahultasunak eta ahulguneak aztertzea, eta, batez ere, ingeniaritza sozialaren eta phising-aren erasoetatik nola babestu jakitea.
Badakigu zaila dela arazoa konpontzea, eta enpresarentzako gure Segurtasun Soluzioekin lagundu nahi dizugu.
Euskaltelen soluzioak erasoentzat
Euskaltelen Segurtasun Soluzioek enpresaren informazioa babesten dute, eta, beraz, zibererasoa izateko arriskua minimizatzen dute. Gainera, ez dago zertan inbertitu hardware edo software garesti eta konplexuetan.
Hodeian suebaki birtual bat dute, lehen mailako teknologiarekin, eta zerbitzu moduan eskaintzen da, eskalagarritasun eta malgutasun osoz .
Halaber, Panda teknologian oinarritutako antimalware-sistema bat dute, lanpostua babesteko, jokabide maltzurrak identifikatzen dituena.
Gailu mugikorrak urrunetik kudeatzeko soluzioak eta urruneko babeskopia-zerbitzuak bermatzen dute informazioa gordeko dela bezeroaren azpiegituran hondamendia gertatuta ere. Irtenbide egokia dira ransomware-erasoen aurrean .
Harreman pertsonal eta pertsonalizatuaren eredua
Euskaltelen hautua da harreman pertsonal eta pertsonalizatua izatea enpresekin eta administrazio publikoekin. Azken batean, Euskaltel Enpresaren balio nagusietako bat aplikatzea da: “Gertutasuna, urrutira iristeko”, eta gertutasun horren erakusgarrietako bat izan zen joan den astearteko gosari teknologikoan sortu zen eztabaida interesgarria. Gertuko harreman horrek aukera ematen dio haien premia zehatzak ezagutzeko eta sistemak babesteko mekanismorik eraginkorrenak haien esku jartzeko.
Baina ezin du bakarrik egin hori dena. Euskaltelek aliantza-sare bat ehundu du jarduera-eremu bakoitzeko kide nagusiekin. Ahaleginak bateratzea eta teknologiarik aurreratuenak eskaintzea da helburua .
Elkarrekin egindako lanaren ondorioz sortu da SOC “segurtasun-zerbitzu kudeatua”, Euskaltelek S21SECekin lankidetzan eskainia, etapa bakoitzari arreta jartzen diona: informazioa biltzea eta monitorizazioa, prebentzioa, ikerketa eta arazoak ahalik eta azkarren konpontzea.
Azken batean, Euskaltelek zerbitzu beti eguneratuetan oinarritutako soluzioak eskaintzen dizkizugu, segurtasunean adituak diren bere langileek kudeatuak, enpresaren gailu guztiak birusik, spamik eta mehatxurik gabe egon daitezen. Gehiago jakin nahi duzu? Jarri harremanetan gure taldearekin, eta zure enpresarentzako irtenbiderik egokiena bilatuko dugu.