Otsailaren 26an (ostirala), Nekazaritza, Arrantza eta Elikagaien Politika Sailak lehen sektorerako, elikagai-industriarako eta jasangarritasunerako 2021eko dirulaguntza-programak aurkeztu zituen.
Hona hemen enpresek jaso ditzaketen dirulaguntzak:
Arrantza, Nekazaritza eta Abeltzaintza
Nekazaritzako ustiategien digitalizazioa
Ustiapenaren titularrak prestakuntza-ikastaroetara joateko eta ustiategia digitalizatzen laguntzen duten ekipoetan inbertitzeko laguntza ekonomikoa.
- Onuradunak: Ustiategien titularrak
- Zenbatekoa: zehaztu gabe
- Argitaratzeko aurreikusitako data: 2021eko 3. hiruhilekoan
Elikagaien industria eta produktuen sustapena
Lehiatu sustapena
Egoitza soziala EAEn dueen nekazaritza- eta elikagai-industriak eraldatu eta merkaturatutako elikagaiak eta arrantzako eta basoko produktuak sustatzea Euskaditik kanpoko merkatuetan.
- Onuradunak: elikagaiak eta arrantzako eta basoko produktuak eraldatzeko eta merkaturatzeko industria-enpresak, ardogintzakoak izan ezik.
- Zenbatekoa: 22.000 €-raino
- Aurreikusitako argitaratze-data: 2021eko maiatza
Lehiatu berria
Elikagaiak eta nekazaritzako, arrantzako eta akuikulturako produktuak eraldatu eta merkaturatzeko laguntzak. Inbertsio-programaren araberakoak izango dira laguntzak. Programa horiek urtebetekoak edo gehiagokoak izan daitezke, proiektuak gauzatzeko aldiaren eta ordainketak egiteko unearen arabera.
- Onuradunak: nekazaritza, basogintza, arrantza eta akuikulturako produktuak eraldatu, merkaturatu edo garatzen dituzten enpresak; nekazaritza- eta elikadura-industriak.
- Zenbatekoa: ETE-etan egindako inbertsioaren %40 gehienez, eta, enpresa handietan, %20 gehienez, mugarik gabe.
- Aurreikusitako argitaratze-data: 2021eko apirila
Lehiatu Ardoa
Kategoria hauetako ardogintzako produktuak kanpoan sustatzeko laguntzak: a) jatorri-deitura babestua duten ardoak, b) adierazpen geografiko babestua duten ardoak eta c) ardogintzako mahats-barietatea edo barietateak adieraziak dituzten ardoak.
- Onuradunak:
- Nekazaritzako eta Elikadurako Industrien Erregistroan (RIAA) establezimendu aktiboa duten ardogintzako enpresak.
- Getariako Txakolina, Bizkaiko Txakolina eta Arabako Txakolina jatorrizko deituren kudeaketa-organoak.
- Ardoa sustatzeko eta merkaturatzeko ekimenak egin nahi dituzten ekoizleen aldi baterako elkarteak edo elkarte iraunkorrak.
- Egoitza soziala EAEn duten esportazio-partzuergoak.
- Zenbatekoa: ETE-etan, egindako inbertsioaren %50 gehienez, eta, enpresa handietan, %20 gehienez. Muga: 20.000 €.
- Aurreikusitako argitaratze-data: 2021eko ekaina
Fomento Basque Wine (berria)
Barne-merkatuan ardogintzako produktuak sustatzeko laguntza.
- Onuradunak: Basque Beer-eko enpresak edo upategiak, Arabako Txakolina, Bizkaiko Txakolina, Getariako Txakolina eta Euskal Sagardoa jatorri-deiturak, eta Errioxako jatorri-deitura kalifikatuaren kasuan, mahatsaren gutxienez %85 Arabako Errioxan ekoitzitakoa dutenak.
- Zenbatekoa: Onetsitako gastuen %60ko dirulaguntza gehienez, eta onuradun bakoitzeko 5.000€ gehienez.
- Aurreikusitako argitaratze-data: 2021eko apirila.
Elikadura-kateko eta zuraren kateko I+Ga
Elikagaien digitalizazioa
Enpresei aukera ematea gaitasun zientifiko eta teknologiko berritzaile eta bikainak eskuratzeko, industria adimendunak fabrikazio digitalaren inguruan dituen erronkei aurre egin ahal izateko. Zerbitzu teknologikoekin, erremintekin, produkzio sistemekin eta enpresen kudeaketa sistemekin eta abarrekin lotutako gastuak finantzatuko dira.
- Onuradunak: elikagaiak eta arrantzako eta basoko produktuak eraldatzeko eta merkaturatzeko industria-enpresak.
- Zenbatekoa: gastuen % 50 gehienez enpresa txiki eta ertainentzat, eta % 25 gehienez enpresa handientzat. Onuradun bakoitzeko 100.000 euro, gehienez.
- Aurreikusitako argitaratze-data: 2021eko iraila.
I+Grako Berriker laguntzak
Nekazaritzako, basogintzako, arrantzako eta akuikulturako produktuen sektoreetan ikerketa, garapena eta berrikuntza sustatzea.
- Onuradunak: enpresak (ETEak eta enpresa handiak), elkarteak, fundazioak, pertsona fisiko edo juridikoen elkarteak, zentro teknologikoak.
- Zenbatekoa: oinarrizko ikerketa-proiektuetarako gastuen % 100, industria-ikerketako proiektuetarako gastuen % 60 (gehienez), garapen-proiektuetarako gastuen % 50 (gehienez), bideragarritasun-azterketetarako gastuen % 35(gehienez), eta berrikuntza-proiektuetarako gastuen % 50 (gehienez).
- Aurreikusitako argitaratze-data: 2021eko ekaina.
Elikagai-katearen eta zuraren i+Ga (berria)
Barne-sistemen garapena eta berrikuntza sustatzea, lehiakortasuna hobetzeko, baliabideak optimizatzeko eta sustapena hobetzeko. Ekipamendua eta materiala barne.
- Onuradunak: elikagaiak eta arrantzako eta basoko produktuak eraldatzeko eta merkaturatzeko industria-enpresak.
- Zenbatekoa: zehaztu gabe.
- Aurreikusitako argitaratze-data: 2021eko iraila.
Lagunduko dizugu
Zure enpresan inbertsio bat egin edo hobekuntzaren bat egin nahi baduzu, Euskaltel Taldea da zure bidaidea.
Euskaltelek martxan jarri du diru-laguntzak eta laguntza teknologikoak aprobetxatzeko programa. Eraldaketa digitala, berrikuntza edo nazioartekotzeko proiektuak abian jarri nahi dituzten enpresei zuzendutako programa bat da, eta laguntzak nahiz subentzioak bilatzen, kudeatzen eta tramitatzen laguntzeko zerbitzua eskaini nahi du.
Zure enpresan horrelako proiektu edo inbertsio bat egiteko asmoa baduzu, Euskaltelek lagunduko dizu prozesu osoan.