Askotan entzuten dugu robotez edo telekontrolaz hitz egiten, eta geure buruari galdetzen diogu: zertarako nahi ditut teknologia horiek?, zer egin dezakete nire enpresaren alde? Produktuak eta zerbitzuak gero eta digitalagoak dira, eta zuzendari askok galdetzen diote beren buruari ea adimen artifiziala aplikagarri ote den bere enpresan. Erantzuna, argi eta garbi, baiezkoa da. Giltzarria zera da, identifikatzea zer kasutan izango diren teknologia horiek enpresetan erabilgarri, eta aplikatzen jakitea, edozein dela ere enpresaren tamaina, benetako etekina ateratzeko.
Enpresen etorkizuna, epe laburrean bertan ere, 4.0 industriako teknologia gaitzaileak arrakastaz baliatzearen mende egongo da: Gauzen Internet, Big Data eta, jakina, adimen artifiziala.
Adimen artifiziala eta industrian duen aplikazioa giltzarriak dira digitalizazio-prozesuetan. Argi dago konpainiek izugarri handitzen dutela beren ahalmena makinen gaitasunak bat egiten duenean pertsonen ezagutzarekin.
Enpresek bizkortu egin behar dute teknologia horien aplikazioa. Emaitza hauek lortzen dira: lehiakortasun handiagoa, prozesuen automatizazioarekin eragiketak hobetzea, eta negozio-ereduak bezero berrietara egokitzea.
Adimen artifiziala industriari aplikatuta
Eredu prediktiboek negozio errealaren balioa bultzatzeko helburua dute, eta Euskaltel eragile garrantzitsua da prozesu horretan, aktiboki parte hartzen baitu oso bereizgarriak diren irtenbideak aurkeztuz. Aholkulari eta dibulgatzaile teknologiko gisa, gure helburu nagusia da enpresei laguntzea teknologia eta zerbitzu digital berri horiek arin eta erraz txertatzen, negozio eta esperientzia digital arrakastatsuak sortzeko behar diren erronka teknologikoak konponduz. Gaitasun handiko adituen plataformak, teknologia, ezagutza eta esperientzia eskaintzen dizkizugu, bai gure zerbitzuen bidez, bai aliantza estrategikoen bidez.
Hauek dira 4.0 zerbitzuetan ditugun aliantzarik interesgarrienetako bi:
Data Robot, AutoML (AutoMachineLearning) arloko plataformarik aurreratuena; adimen artifizialak eskaintzen dituen abantailak azkar eta eraginkortasunez baliatzeko aukera ematen die enpresei.
Eta ECOMT, industria-prozesuen digitalizazioan eta automatizazioan eta azpiegituren kudeaketa eraginkorrean aditua den enpresa bat.
Adimen artifiziala ez da enpresa handientzat bakarrik. Hori dela eta, Data Robotek eta Ecomtek ideiak eta irtenbideak ematen dituzte edozein enpresa edo sektorek aukera izan dezan haien abantaila eta aplikazioez baliatzeko:
- Prozesu industrialen digitalizazioa eta automatizazioa, RPAs software-roboten eta bloke-kateen bidez.
- Machine Learning automatikoa erabiltzea industria-kudeaketa hobetzeko eta mantentze-lan prebentibo eta prediktiboak egiteko.
- Urruneko kontrol-sistemak (telekontrola) denbora errealean, PLCekin, MES sistemekin eta SCADA sistemekin integratuak.
- Azpiegituren kudeaketa adimenduna, eraginkortasun gorena eta aurrezkia lortzeko.
- IT / OT integrazioa, monitorizazioa eta negozioa eta ekoizpena denbora errealean kontrolatzeko KPIak, artxibatzeko aukera mugagabearekin.
- Laneko segurtasuneko sistemak.
Euskaltel, Basque Industry 4.0ren seigarren edizioan
Basque Industry 4.0-The Meeting Point ekimenaren seigarren edizioan parte hartu du Euskaltelek. BECen izan da 4.0 industriaren eta zibersegurtasunaren arloko erreferentziako jardunaldia, azaroaren 20an eta 21ean.
Hitzaldietako batean hartu du parte, “DataRobot” adimen artifizialeko proiektuko kideekin batera; Tecnalia eta IKERLANekin, BRTAko kideak biak (Basque Research and Technology Alliance).
Gainera, Euskaltelen standera hurbildu ziren guztiek bertatik bertara ikusi ahal izan zituzten prozesu industrialen digitalizazio- eta automatizazio-adibide batzuk, RPAs eta bloke-kateen software-roboten bidez garatuak; Machine Learning automatikoaren erabilera, industria-kudeaketa hobetzeko; denbora errealean lan egiten duten urruneko kontrol-sistemak (telekontrola); eta segurtasun-sistemak, besteak beste.
Gehiago jakin nahi duzu? Jar zaitezharremanetan gure taldearekin, eta aurkituko dugu zure enpresarentzat egokienaden soluzio teknologiko gaitzailea.