Zer erronka nagusi dakartza enpresak digitalizatzeak? Eraldaketa digital betean, soluzio, ikuspegi estrategiko eta joera askoren bidez erantzun nahi zaie panorama digital berrian sortzen diren beharrei.
Egoera hori xehetasunez aztertzeko, 'Etorkizuneko IKTetako joeren astea: saio bat, soluzio bat, joera bat' ekitaldia egin berri du Euskaltelek formatu birtualean. Bost egunez, Fortinet, VMware, Cisco, Microsoft eta Citrixeko adituek onlineko topaketa interaktiboak egin dituzte enpresetako arduradunekin, beren standetatik bertatik, eraldaketa digitalerako segurtasuna, komunikazio konbergenteak eta erabiltzailearen esperientzia gai hartuta, erabakiak hartzeko duten ikuspegi estrategikoaren berri eman dute, eta hamarkada honetako eta hurrengoetarako erronka teknologiko batzuk aurreratu dituzte.
Javier Carranzak, Fortineteko Sales Team leaderrak, abiatu zuen ekitaldia ekainaren 7an, (astelehena), eta bere hitzaldian azaldu zuen nola babestu behar duzuen enpresok etorkizuneko erronkei heltzeko. Mehatxuetatik babesteko lan-esparru bat sortu du Fortinetek, eraso-bektoreetatik babesteko zibersegurtasuneko soluzioen integrazioan eta automatizazioan oinarrituta”.
Ekainaren 8an (asteartea), Carlos Sen-ek, VMware Iberiako Hodeiko Hornitzaileentzako Soluzioen arkitektoak,“Ikasi nola txertatu gaitasun teknologikoak arriskuak eta inbertsioa minimizatuz” hitzaldia eman zuen. Multicloudaren garrantzia nabarmendu zuen, zeinak aukera ematen baitu berrikuntza horiek prozesu eta politiketan modu ez-disruptiboan sartzeko, kontsumo-modu efiziente batean eta enpresa bakoitzaren beharretara egokitzeko behar den malgutasunarekin”.
Halaber, María García Iñañezek, Cisco enpresako Europako hegoaldeko Salmenten Segurtasuneko adituak, segurtasuna edozein tokitatik indartzeko eta hodeira eramateko modua azaldu zuen, “Segurtasuna lanpostu hibridora aldatzean” izenburua zuen hitzaldian. SASE segurtasun-arkitekturaren erabilerei eta abantailei buruz hitz egin zuen. Arkitektura horrek hodeiaren bidezko plataforma batean ezartzen ditu sareko segurtasun- eta konektibitate-teknologien bihurketak.
Ekainaren 10ean (osteguna), Microsofteko teknikari Nacho Sánchez-Beatok gogorarazi zigun enpresek eraldaketa digitalera egokitzeko duten gaitasunaren eta azkartasunaren araberakoa izango dela haien etekin ekonomikoa. Halaber, azaldu zuen komunikabideak identifikatzea eraginkorra izan daitekeela berehalako erantzun bat eskatzen denean edo urrundik lanean ari garenean, eta Teamsen funtzio berriak ere azaldu zituen.
Asteko azken hitzaldian, berriz, Carlos Moliner Field Sales managerrak nabarmendu zuen lehiatzeko abantaila izango dutela beren langileei edozein tokitatik eta edozein gailu erabiliz lan egiteko aukera emango dieten enpresek. Molinerrek nabarmendu duenez, ITetako hiru arduradunetatik bik hodeira aldatzea bultzatzen dute, eta hori lotuta dago telelanarekin, hodeia oso garrantzitsua baita egoera horretan.
“Etorkizuneko IKTetako joeren astea: saio bat, konponbide bat, joera bat” ekitaldia Euskaltel Taldearen “The Tech Experience” eraikin birtualean egin da, negozioentzako aukerei eta joera teknologikoei buruzko topaleku eta hausnarketarako lekuan.
Euskaltelek, teknologia-aholkulari integrala denez, jarraitzen du enpresei digitalizazio-prozesuetan laguntzen, maila guztietan eta munduko edozein agertokitan lehiakorrak izaten jarraitu dezazuen.
Enpresentzat dauzkagun soluzio teknologikoei buruz gehiago jakin nahi baduzu, harpidetu gure buletinera edo jarri harremanetan enpresa bezeroentzako sail komertzialarekin.