Euskaltelek IKT Joeren Astearen beste edizio bat antolatu du aurten. Martxoaren 9tik 13ra (astelehenetik ostiralera) egin da, formatu birtualean.
Oraingo honetan, jardunaldiak honako hauei buruzkoak izan dira: Cloud, workplace, zibersegurtasuna, Business Apps / Datuak, Adimen Artifiziala eta IoT (Gauzen Internet). 30 minutuko bost saio, denbora berriak markatzen ari diren eta enpresen egungo eraldaketa digitaleko prozesuetarako soluzioak proposatzen dizkiguten bost gairen inguruan.
Cloud eta Digital Workplace: negozioa eskalatzeko gakoak
IKT Joeren Astea KYNDRYL partner zela hasi zen.
Enrique Rodríguez, Cloud Leader for Iberia, eta Luis Aguilar Mateo, Kyndryleko Digital Workplace Serviceseko liderra, egungo cloud merkatuaren bilakaera errepasatzeaz arduratu ziren.
Enrique Rodriguezek haien garrantzia eta hazkunde-itxaropenak berresten dituzten zifrak eman zituen; 2026 eta 2027 artean trilioi bat dolarrera iritsiko da. Private cloud delakoaren, adimen artifizialaren eta Espainiako datu-zentroen hedapenaren gorakada ere nabarmendu zuen. Eta, gainera, honako joera hauek azpimarratu zituen: AA, Multicloud, Cloud Soberano eta FinOps, eta segurtasunari eta sarbide-kontrolari buruzko gaiak eta ingeniaritza-plataformak.
Luis Aguilarrek, bestalde, workplace delakoari buruzko joerak azaldu zituen, eta enpresetan langileen esperientzia digitala hobetzearen garrantzia defendatu zuen: erabiltzailearen esperientzia neurtzeak, prozesuak automatizatzeak eta laguntzaile birtualak adimen artifizialarekin erabiltzeak produktibitatea areagotu dezake eta bezeroarentzako zerbitzua hobetu. Gainera, etorkizunean esperientziaren eragiketa-zentroak funtsezko joera izango direla adierazi zuen.
AA, denbora eta pertsonak: zibersegurtasunaren inguruko ikuspegi berri bat
Asteko bigarren saioan, PALO ALTO partner zela, José Suárez de la Puentek, Public Sector Sales Manager - Northern Spain bera, azaldu zuen zibererasoen abiadurak gizakien erreakzio-gaitasuna gainditu duela. Abiapuntu horren ondoren, gure SOC (Segurtasun Eragiketen Zentroa) automatizatzeko premiari buruz hitz egin zuen.
Bestalde, pertsonak AA sortzailearen helburu nagusi gisa kokatu zituen, phishing eraso gero eta sofistikatuagoak eta deep fake errealistagoak izango baitira. Haren aholkua: Zero Trust politikak, egiaztatzea eta ez fidatzea.
Kaosetik argitasunera: saio estrategikoa datuen aro berri baterako
Hirugarren saioan, AVEPOINTen txanda izan zen. Miguel Sanz Senior Account Executiveak adierazi zuen datuen hazkunde handiaren ondorioz haien kudeaketa gero eta konplexuagoa dela enpresentzat, eta, datua oso baliotsua den arren, erakunde askok ez dutela haren gaineko behar adinako kontrolik.
Erakundeen % 86k AA-proiektuak atzeratu dituztela nabarmendu zuen, hain zuzen ere segurtasunaren eta datuen kalitatearen inguruko kezkengatik. Erronka horiei aurre egiteko, AvePointek arriskuen matrize bat ezartzea eta epe luzerako erabakiak hartzea ahalbidetuko duten soluzioak aurkeztu zituen.
AA agentikoa sareko eragiketetan: MasOrangek Geminirekin izandako arrakasta-kasua
AA agentikoa izan zen DEVOTEAMekin egindako laugarren saio honetako protagonista. Alejo González Data & AI-ko aurresalmenta-ingeniariak
MasOrange taldearen (Euskaltel talde horretakoa da) sareko eragiketei aplikatutako adimen artifizial agentikoaren erabileraren kasu erreal bat aurkeztu zuen. Sareko gorabehera-datuek —Jiran zentralizatuak eta BigQueryrekin prozesatuak— aukera ematen dute AAk modu proaktiboan sailkatu, lehenetsi eta atzeman ditzan anomaliak. AA agentikoak erabakiak hartzen ditu, ekintzak egikaritzen ditu eta barne-sistemekin integratzen da.
Ekosistema adimendunak: espazioak eraldatzen dituen eta ROI deiturikoa biderkatzen duen teknologia
2026ko IKT Joeren Astea ADMIRArekin amaitu zen. Guillermo Grau ADMIRAko Aliantza zuzendariak azpimarratu zuen mundu digitalak kontsumitzailearen esperientzia eraldatu duela. Testuinguru horretan, pantailek dinamikoak izan behar dute, eta espazio fisikoak plataforma teknologiko bihurtzen dira.
Datuen kudeaketa da erronka handienetako bat. Teknologia espazioen eraldatzaile eta inbertsioaren itzuleraren (ROI) biderkatzaile gisa hartuta, ekosistema adimendunak agertzen dira. IoT eta AA teknologiek aukera ematen dute datuak kudeatzeko, erabakiak hartzeko eta kontsumitzailearen esperientzia targetizatzeko, eskalatzeko eta pertsonalizatzeko sistemak emateaz gain.
2026ko IKT Joeren Astea enpresetan eraldaketa digitala eta berrikuntza markatzen ari diren teknologiei buruzko esperientziak eta ezagutzak partekatzeko gune gisa finkatu da.
Gehiago jakin nahi baduzu enpresentzat ditugun soluzio teknologikoei buruz, jarri harremanetan zure aholkulari pertsonalarekin edo Euskaltel Enpresak-en gure sail komertzialarekin, formulario hau betez. Eta azken albisteen jakinaren gainean egoteko, jarraitu iezaguzu LinkedInen.