Gure gizarteko aniztasuna bistaratzen saiatzen da Euskaltel; horregatik, Zinegoak antolatzen laguntzen du, urtero. Pausoz pauso, berdintasun handiagoko gizarte bat, hobea, eraiki nahi genuke.
Aniztasun sexuala, nortasuna eta generoa dira ekitaldiaren ardatzak. Astebetez hiriak Zinegoak-i lagako dizkion hamabi eremutan egingo dira jarduerak. Zer ekitalditara joateko asmoa duzu?
“Gora nire familia!”
Aurten, familien eta haurren partaidetza bultzatu nahi dute antolatzaileek: "Gure gizarteak familia-eredu guztiak onartzen dituela ikusarazi nahi baitugu", zioen Zinegoak-eko zuzendari Pau Guillének. Hori dela eta, besteak beste doako kontzertu bat izango da Azkuna Zentroan, "Gora nire familia" goiburupean.
Baina zinema da Zinegoak-eko protagonista nagusia. Film laburrak, dokumentalak, topaguneak eta LGTB zinema aztertzeko eta berrikusteko guneak izango ditu 13. jaialdiak, bai eta off-eko sail bat ere: zinema esperimentala eta doako emanaldiak BilbaoArten.
LGTB zinemaren nazioarteko erreferentzietako bat dugu Zinegoak . Aurten, nazioarteko 40 gonbidatu baino gehiago ekarriko ditu, eta film ospetsuak. Besteak beste, ikusgai izango dira Desde allá film luzea (Urrezko Lehoia Veneziako Mostran); Yes, we fuck! dokumentala (desgaituen arteko sexualitateari buruzkoa) eta, "Klasiko ezkutu argituak" atalean, El detective (protagonista, Frank Sinatra).
Kultura- eta sentsibilizazio-jarduera ugariko astebete bizi-bizia dator. Guillének dioenez, Bilbo "koloreztatu" egingo du Zinegoak-ek aste honetan. Euskaltelek, berriz, laranja-kolore apur bat ipiniko du;). Zenbait sarrera zozkatuko ditugu inaugurazio- eta amaiera-galetarako, eta eskaintza berezia egingo dugu gure telebistan.
Zinegoak aurrera jarraitzen du ... Euskalteleko bideokluban baita ere!
Martxoan, Hedapenak Zinegoa-ren bidez Euskadiko 30 udalerri bainon gehiagotan festibalaren lanak ikusteko aukera emango da. Euskateletik festibalaren balioak "zabaltzeko" asmoa daukagu eta, Zinegoak-en kolaborazioari esker, jadanik gure bideokluban aurkitu daitezke aurreko edizioetako film labur nabarmenduenak. Gure bezero guztiek dohainik ikusi ahalko dituzte.