BIME  Pro:  Euskaltel  musikaren  eta  teknologia  berrien  alde

Hiru egunez, musika-industriaren hiriburu izango da Bilbo. BECeken egingo da hirugarren Bizkaia International Music Experience-a, profesionalentzako bertsioa (BIME Pro), gaurtik (asteazkena, urriak 28) ostiralera arte (urriak 30).

Jende asko erakartzen duten bi sektore, elkarrekin: musika eta teknologia berriak. Europako eta Latinoamerikako 1.500 profesionaletik gora elkartuko dira ekitaldi horretan, zeinak negozio-aukerak sortzeko foro izatea ere baduen helburu. Musikaren eremuan jarduten bazara, ez hutsik egin. Euskaltelek bat egiten du ekitaldiarekin ;-)

Hitzaldiak, tailerrak eta networking eremuak topagune izango dituzte musikarekin eta teknologia digitalekin lotura duten  profesionalek, adituek eta enpresa sortu berriek. Ekitaldi horretan izango dira sektoreko enpresa nagusiak: Spotify, Sony, Red Bull, Heineken… eta beste asko.

Erreferentziazko ekitaldia

Nola atera etekina BIME Pro ekitaldiari? Hitzaldiekin gozatzen duten horietakoa bazara, «A conversation with» saioek aukera ugari dakarkizute sektorearen geroaz musika-industriako zenbait adituren ikuspegia ezagutzeko. Beharbada, nahiago duzu negozio-aukera berriak jorratu. Hala bada, mahai-inguruak dituzu ekitaldirik egokienak.

Ona, laburra bada, bi bider ona. Zure gogoko esaeren artean baldin badago aurreko esaldi hori, garbi dago nora jo behar duzun: «Music future Talks» txosten laburren aurkezpenetara. Sektore horretako abangoardiari buruzko azken berriak jorratuko dituzte saio horietan: Vlogging, BitCoin eta Block Chain. Ezagutzen al dituzu?

Enpresa sortu berrientzako aukerak

Conferencia BIME Pro

Beharbada, beste arrazoi honengatik duzu ekitaldira joateko asmoa: musikarekin eta teknologia berriekin lotutako enpresa sortu berri bat duzulako (edo sortzeko asmoa duzulako). Hala bada, erne egon (izena ematea, ezinezkoa jada) BIME Startup Summit ekitaldiari. Lehiaketa horretan, beren proiektuak inbertitzaile-talde esanguratsu bati aurkezteko aukera izango dute zortzi finalistek. Partiturekin jarduteko Nafarroan sortutako aplikazio bat izan zen irabazle iazko saioan: Blackbinder.

Ez du ematen aspertzeko astirik izango duzunik. Izan ere, bada gauza gehiago ere. «Topaketa juridiko» bat«Jaialdiei buruzko Biltzar» bat,  hackathon bat, speedmeetingak, enplegu-foroak… Programa zabala eta ugaria du ekitaldiak. Zatoz, eta gozatu!

Gorabidean dagoen sektore horretako partaide izan eta aurrean dituen desafioei ekin nahi badiezu, ezin duzu hutsik egin: ezinbesteko hitzordua duzu BIME Pro!. Zure zain gauzkazu!